الموضوع: بالصور - تغيير بوبينه سيينا 1400 .

تحيه طيبه و صباح الخير على اعزائى بالمنتدى


من يومين حسيت بريحه بنزين غير كامل الاحتراق و انا ماشى ..
راجعت على الخراطيم و البوجيهات لقيتها سليمه

رحت لصديقى المهندس ايمن و عرضت عليه الموضوع و جه الميكانيكى اللى عنده محمود ابو عبود السورى - جدع و فاهم و نشيط - المهم طلب انه يفحص و يبلغنى
رفع كابلات البوجيهات من ناحيه البوجيهات كابل كابل لقى الثالث مبيجبش اشاره من البوبينه - استعجلت و قلته البوجيه قاطع - قالى لا
-جاب بوجيه و ركبه فى الفرده الثالثه من ناحيه البوجيهات - يعنى ساب البوجيه الاصلى راكب بمكانه و دور ت العربيه و حط الكابل الثالث اللى جاى من البوبينه و من الناحيه التانيه ركب البوجيه القديم اللى عنده و لمسه على البلوك - ملقاش اى سبارك او اشاره
- وبكده اكيد العيب فى البوبينه موش الكابلات او البوجيهات .

العمل :-
نجيب بوبينه اصليه و نركبها
رحت الحرفيين - جنب المركز بجسر السويس - و سالت عند الصعيدى - راجل جدع و محترم و خدوم جدا و البيع عنده بالرضا .
بكام يا حاج قالى ب 100 جم
الحقيقه السعر مناسب و خصوصا انها كالاصليه اللى راكبه عندى
تركى ماركه مكد اللى واخد ترخيص من ماريللى ماجينتى و الحمد لله
الملاحظات
- تعمل حسابك فى مفتاح الانكيه مقاس 4
- طلبت التركيب قدام المحل بتاع الصعيدى علشان لو مكنش - احتياطى - العيب موش منها اقدر ارجعها و ده اتفاق مع المحل عند الشراء.
- طبعا بعد التركيب rpm هيس شويه و لابد من عمل الايدل ليرن و فكينا الارضى بتاع البطاريه و ركبناه تانى و اغلق و فتح الكونتاكت 3 مرع بدون تشغيل المارش لمده 5 ثوانى كل مره ثم ندور ونحمل الاحمال الممكنه من تكييف و نور عالى و خلافه
- نطفى و بكده خلاص
اترككم مع الصور

1/ البوبينه الجديده








فك القديمه








بعد فك البوبينه لان كل 2 بوجيه على بوبينه - العربيه فيها 2 بوبينه .




القديمه بعد الفك و الحمد لله نفس الماركه و الموديل و الصناعه



زمن الفك و التركيب 1/2 ساعه .
سعر الجديده 100 جم
مصنعيه تركيب والايدل 25 جم
الادوات :- مفك الانكيه مقاس 4 .
[OVERLINE]
و ان شاء الله انزل موضوعى فى تغيير زيت الفرامل و مسح الطنابير و تيل جديد .
تحياتى للجميع ...