حكايتى مع تغيير الزجاج الخلفى للإسكندرانية
أولا الحمد لله على كل شئ
امبارح الصبح الجمعة صحيت الصبح على خبط جامد اوى أتارى حد كان بيصب سقف فى عمارة و خرسانة كتير وقعت على العربية و طوبة طبعا كسرت الإزاز اللى ورا كان جنبى عربية لادا محصلوش حاجة
طبعا الراجل الشيخ صاحب العمارة قاللى أنا مالى إنتا اللى كنت واقف قولتله أنا بقف هنا على طول بقالى سنتين قبل ما العمارة تطلع قالى ماليش دعوة و كمان لقيته بيقولى دا الإزاز ده كان مكسور قبل ما يقع عليه حاجة قلتله حسيى الله و نعم الوكيل فيك عيب على دقنك و سبته و مشيت لأنى عارف طبعا لا حكومة هتعرف تجيبلى حقى و الحل الوحيد هى البلطجة و أنا مليش فيها.
المهم استنيت لبعد الصلاة و كلمت توكيل دكتور جريش فى الإسكندرية نمره 033812351 و 033811441 عشان أسأله قالى مفيش بس قاللى هديك نمر المحلات اللى بيوزعوا تكلمهم إدانى نمر ثلاث محلات
ا- فى عمارة هانيمكس hanimex اللى سموحة بجانب كوبرى 15 مايو و نمرته 034249909 سألته عليه قالى موجود بـ 400 جنيه.
2-الساعة أول شارع أبو سليمان من ناحية الساعة أمام الشرقاوى للبويات نمرته 035032925 سألته على السعر مرضيش يقول.
3-واحد اسمه محمد سلام عنوانه 43 شارع اسكندر الأكبر الأزاريطة نمرته 034862594 قاللى موجود استيراد صينى بـ 450 جنيه بالسيليكون بتاع بره و د. جريش مش موجود.
توكلت على الله و رحت اللى فى سموحة لأنى كنت قريت قبل كده على تجربة احد الأعضاء معه و ركبته بـ 400 جنيه و 20 جنيه للى ركب الزجاج إنتاج شهر يونيو 2012 .. حطلى عليه سوليتيب و قالى متشيلوس غير بكره و مش هكذب عليكم هوا شبه القديم و لا لأ بالضبط لأن القديم اتحطم و مش فاكر كان شكله إيه....سألته برضه على زجاج الباب الخلفى قالى موجود د. جريش بـ 160 جنيه.
أنا حبيت أشاركو التجربة و المعلومات و أرقام التليفون للإفادة لأى حد ممكن تحصل معاه المشكلة دى بعد كده