العربيه كويسه بس سعرها مباااااااااااالغ فيه..دور علي البدائل الا لو مقتنع بيها
عرض للطباعة
العربيه كويسه بس سعرها مباااااااااااالغ فيه..دور علي البدائل الا لو مقتنع بيها
ياريت كل الناس رأيها كده في العربية
ماكانتش غليت اوي كده
لكن الحقيقة ان الناس منبهرة بيها وبمزاياها الي مخليها تتفوق عن كل بدائلها بنفس السعر
وبالتالي غبور شاف انها لتعلى لفئة اعلى
ومازالت بتتباع وبتتخطف
اعتقد ان دي لوحدها شهادة بتميز هذه العربية لان باختصار المشتري مابيرميش فلوس لانه ماجبهاش في بلدنا بالساهل
تحياتي
نصحتى لصاحب الموضوع كده السعر قرب من 150 الف يبقى كده تركب أوروبى أفضل عندك الأوبل أسترا 2013 سعرها اول فئه 154900 جنيه أنجوى والفئة الثانيه 167000 كوزمو تحفة فنية وتتفوق على الأوكتافيا وفيها كل ما تتخيل 4 ايرباجز وabs,ebd,ba ونظام الأتزان الكترونى esp وقائمة طويلة عريضة من الأوبشنز بصراحة مش فاكرها ممكن حضرتك تدخل على منتدى أوبل وهما هيقلولك كل حاجة ومبروك مقدما
باشا انا بقول وجهة نظري بناء ع حادثة حصلت من صاحبها ع الطريق الدولى بتاع الاسكندرية عشان هو دخل ف عربية جيلاتي النص النقل الكبيرة فنزلنا نطلعه من العربية والحمدلله الراجل مش جراله حاجة واللي اخذته من كلامه انا كان ماشي بسرعة 130 والعربية عومت منه ومعرفش يسيطر عليها فلبس ف النقل ده يتسمى ايه ؟؟؟
باشا انا هسئلك سؤال بطريقة اخري هي الموبيلات الصيني ليه منتشرة ف السوق المصري بالرغم انها رديئة ؟؟ ببساطة ان الشعب المصري بيحب الاوبشنات الكتير بسعر قليل وعايز ف نفس الوقت لما يجي يبيع يلاقي غيره يشتري هي دي اغلبية الشعب المصري
بس شهادة حق ان احسن مواتير كورية هي مواتير الهيونداي لكن مش يكون سعرها 140 الف او 150 الف عشان بصراحة كتير قوي قوي
ملحوظة صغيرة مش معنى تهافت طلب الناس ع سلعة ما يدل ع انها سلعة ممتازة احنا مش اجانب والدليل ع ذلك واحد صاحبي ابوه جاب اسكودا ايه فايف استيراد خارج بتاعة معاقين مانيوال موديل 2005 مش هقولك فيها ماتور مختلف لسة مش اتحط ف الفانتزيا وهو tsi وقوة ماتور رهيبة ومش متشال منها اى اوبشن فلك ان تتخيل ان العربية المصنعة لاوروبا غير العربية المصنعة لينا ف كل حاجة حتى عربيتي الفيكترا منصور مقلل ماتورها وشايل الاوبشن اللى فيها
صفقة أكثر من فاشلة (وجهة نظر شخصية )
سعر مبالغ فيه جدااااااااااااااااااااااا ااااااا
سر نجاح الالنترا وبالتالي جشع غبور هو ان العربية دي بتجمع بين الشكل العصري والصالون الواسع (خاصة بعد زيادة قاعدة العجلات) والموتور الذي يسمح بسحب جيد مع استهلاك بنزين قليل نسبيا والتكييف المتميز الذي يقترب من التويوتا والنيسان وحتى الألوان المتميزة لها ثم سعر اعادة البيع (نتيجة لادراك مشتري المستعمل بمزاياها)
ولو قارنت الالنترا بعربيات اخرى في نفس الفئة السعرية (قبل الغلاء الاخير) هتلاقيها تتفوق
بس ده مش معناه اني حاسس دلوقتي ان الالنترا بقت قيمة مقابل السعر لا ..... بس الحكاية اكنك بتشتريها باوفر بريس بس الاوفر بريس بتاعها مش هيضيع لو حبيت تبيعها
ده رأيي المتواضع
تحياتي
السعر العالي يخلي الواحد يفكر في بدائل وخصوصا مقاربة السعر للسيارات الأوروبي التي أعتقد لا جدال على أدائها.