الموضوع: هوه غبور رفع اسعار النترا تاني ؟!!!

نصحتى لصاحب الموضوع كده السعر قرب من 150 الف يبقى كده تركب أوروبى أفضل عندك الأوبل أسترا 2013 سعرها اول فئه 154900 جنيه أنجوى والفئة الثانيه 167000 كوزمو تحفة فنية وتتفوق على الأوكتافيا وفيها كل ما تتخيل 4 ايرباجز وabs,ebd,ba ونظام الأتزان الكترونى esp وقائمة طويلة عريضة من الأوبشنز بصراحة مش فاكرها ممكن حضرتك تدخل على منتدى أوبل وهما هيقلولك كل حاجة ومبروك مقدما

صفقة أكثر من فاشلة (وجهة نظر شخصية )

المشاركة الأصلية كتبت بواسطة moody_687

باشا انا بقول وجهة نظري بناء ع حادثة حصلت من صاحبها ع الطريق الدولى بتاع الاسكندرية عشان هو دخل ف عربية جيلاتي النص النقل الكبيرة فنزلنا نطلعه من العربية والحمدلله الراجل مش جراله حاجة واللي اخذته من كلامه انا كان ماشي بسرعة 130 والعربية عومت منه ومعرفش يسيطر عليها فلبس ف النقل ده يتسمى ايه ؟؟؟
فعلا ناس كتير اشتكت من اتزان الالنترا على السرعات العالية لكن انا ماعنديش العربية ومااقدرش احكم عليها وكمان مابعديش 120 كيلو فالساعة بس للحق ناس تانية خبيرة اثنت على الاتزان

باشا انا هسئلك سؤال بطريقة اخري هي الموبيلات الصيني ليه منتشرة ف السوق المصري بالرغم انها رديئة ؟؟ ببساطة ان الشعب المصري بيحب الاوبشنات الكتير بسعر قليل وعايز ف نفس الوقت لما يجي يبيع يلاقي غيره يشتري هي دي اغلبية الشعب المصري
ياباشا الوضع مختلف يعني المنتج الصيني رخيص علشان كده في اقبال لكن الالنترا بقت بسعر الاوروبي وبرضه عليها اقبال وده دليل ان فيها مزايا كتير وهاقولك رأيي في آخر كلامي
بس شهادة حق ان احسن مواتير كورية هي مواتير الهيونداي لكن مش يكون سعرها 140 الف او 150 الف عشان بصراحة كتير قوي قوي
أنا مادفعتش عن زيادة سعر العربية فعلا كتير انا مش مقتنع بالغلاء الي حصل حد يزود تمن عربية 12 الف حته واحدة غبور بقى
انا الي قصدته ان الغلاء رغم انه مبالغ فيه بس مش معنى كده نطلع العربية سيئة

ملحوظة صغيرة مش معنى تهافت طلب الناس ع سلعة ما يدل ع انها سلعة ممتازة احنا مش اجانب والدليل ع ذلك واحد صاحبي ابوه جاب اسكودا ايه فايف استيراد خارج بتاعة معاقين مانيوال موديل 2005 مش هقولك فيها ماتور مختلف لسة مش اتحط ف الفانتزيا وهو tsi وقوة ماتور رهيبة ومش متشال منها اى اوبشن فلك ان تتخيل ان العربية المصنعة لاوروبا غير العربية المصنعة لينا ف كل حاجة حتى عربيتي الفيكترا منصور مقلل ماتورها وشايل الاوبشن اللى فيها
فرق العربيات بين بره وجوه مؤكد وده دليل ان الموزعين ياما بيعاملونا احيانا أكننا درجة تانية أو للتكيف مع مشاكل قوانين بلادنا حد يقول الكارينز بوزنها تنزل 1600 ولا ماينزلش في الاسكودا الـ tsi علشان تمن بنزين 95 اغلى من في امريكا

سر نجاح الالنترا وبالتالي جشع غبور هو ان العربية دي بتجمع بين الشكل العصري والصالون الواسع (خاصة بعد زيادة قاعدة العجلات) والموتور الذي يسمح بسحب جيد مع استهلاك بنزين قليل نسبيا والتكييف المتميز الذي يقترب من التويوتا والنيسان وحتى الألوان المتميزة لها ثم سعر اعادة البيع (نتيجة لادراك مشتري المستعمل بمزاياها)
ولو قارنت الالنترا بعربيات اخرى في نفس الفئة السعرية (قبل الغلاء الاخير) هتلاقيها تتفوق
بس ده مش معناه اني حاسس دلوقتي ان الالنترا بقت قيمة مقابل السعر لا ..... بس الحكاية اكنك بتشتريها باوفر بريس بس الاوفر بريس بتاعها مش هيضيع لو حبيت تبيعها

ده رأيي المتواضع
تحياتي