جولف 2 .. مشكله في الدواره !!

دلوقتي يا جماعه انا معايا جولف 2 1600 كربراتير

لو العربيه بارده ادور تدور علطول .. اما لو كنت ماشي مثلا وركنت وبطلتها 5 دقايق عشان اجيب حاجه .. مترضاش تدور.. مع ان لمبات التابلوه بتنور عادي جدا وبسمع صوت المارش وهو بيلف .. بس الماتور مش بيلف ...
لو سبتها شويه تبرد (ربع ساعه مثلا) تدور عادي .. بس الحوار ده مش بيحصل دايما .. اوقات واوقات
كمان سعات مثلا مترضاش تدور .. اروح فاتح الكبوت وافضل العب في البوجيهات والبطاريه والاسبراتير والموبينه .. الاقيها دارت .. بس برضو مش دايما

حد ممكن يساعدني اعرف العيب فين ؟؟؟ في ناس بتقول المارش وناس بتقول بطاريه وناس تقول بوجيهات .. مستني ردودكم وشكرا ...


...

راجع طقم الكهرباء

احتمال يكون في حاجه في المارش على حد علمي

نفسى المشكلة مقبلانى فى عربيتى جولف 1 ماكنة 1600 موديل الماكنة 91 يعنى ممكن تكون نفس الماكنة الى عندك
انا غيرت طقم الكهربا لكن المشكلة طلعت فى ترومبت البنزين العربية بتتأخر عقبال متجمع بنزين فى الكاربريتر

بص ياباشا انت هتراجع اول حجاه علي فلاتر البنزين لان العربيه كاربرتير نظام الفلتر البلاستيك دة ممكن يمون مسدود دة مثلا يعني بس احتمال ضعيف بس الشي بالشي يذكر
تاني حاجه هتبص علي الرداخ بتاع البنزين هو غالبا تحت سلوك البوجيهات كدة وابئا اخبط عليه لو العربيه مش راضيه تدور مثلا ممكن يكون بيعلق
تالت حاجه وهي الي من راي الي هي اكيد بتعلق الكونتكت وخلي بالك من وموضوع الكونكت دة اوي
ممكن تبص علي المونبيه ممكن اما بتسخن بتفصل ومفيش مانع انك تبص علي المشط
بس من راي راجع علي الكونتكت وربنا يكرمك ان شاء الله

شكرا يا رجاله جزيلا على ردودكم .. المشكله طلعت في ترس من تروس المارش كان في سن مكسور وغيرته الحمد لله