المشاركة الأصلية كتبت بواسطة ahmed1718
بص هقولك على حاجة انا كنت محتار زيك كده لمده ستة شهور
واخر المطاف رسيت على كومباوند ف اكتوبر اسمه بيت المصرية
ورقه قانونى والمرافق كلها واصله ميا وكهربا
الشقة مساحتها صافى 84 متر الكومباوند بتكون من حاجة وستين عمارة
هناك نوعين من العمارات عمارات 8 شقق ف الدور وبدون جراج ودى شفتها صعبة
وعمارات اربع شقق ف الدور وليها جراج خاص
اتكلت على الله وخصوصا ان سعرها ممتاز بالنسبة للمنطقة اللى هناك
المنطقة تبع حدايق اكتوبر اول طريق القاهرة الفيوم
الشقة كاش عاملة 122000 + 10080 جراج+ 7000 وديعة صيانة + 1500 مصاريف عداد+ 7500 مصاريف عمومية ومقايسات ،،
بصراحة انا قسطها على 6 سنين دفعت مقدم 63 الف والباقى 1600 كل شهر بس الوديعة والجراج بيدفعو قبل الاستلام
وللعلم الكوماوند معظمه مبنى ومتشطب خارجى فيه جزء بس متبناش لسه هوا والنادى
دى خلاصة لف كتير لفيته وكنت كرهت انى اشترى شقق ف مصر بسبب الكلام اللى بيتغير ساعة التخليص والعقود غير الاسعار والاستهبال
امتنى اكون افدتك