كرهت هيونداى و غبور السبب
اولا انا هحكى القصة كاملة بدون زيادة و نقصانو الحكم ليكوا عشان انا قرفت و تعبت و كرهت العربية
احنا اشترينا عربية هيونداى i10 اول منزلت فى 2008 العربية فى 12/20120 عاملة 40 الف كيلو ركزوا قوى فى النقتطين دول
بعد مشتريت العربية حسيت بحاجة غلط فى عوامة البنزين و كانت عاملة على ما اتذكر 2500 كيلو و قلتلهم عليها قالولى العربية لسه جديد’ و قطع الغيار لسه و كده المهم فضلت اسبوعين و كلمتهم سألتهم جت قالولى اه تعالى ركبها قولتلهم محدش كلمنى ليه كان الرد الطبيعى كنا لسه هنكلمك المهم ركبتها و تمام فى صيانة ال 10 كان فى صوت دربكة فى العفشة المهم قولتلهم قالولى علبة دريكسيون طيب غيروها اصل مفيش قطع غيار كان فات تقريبا سنة و نصف على مشترينا العربية قالولى هنجبها و نكلمك المهم فضلت شهر محدش عبرنى كلمتهم قالولى لسه روحت متصل تانى على المبيعات لقتها موجودة طبعا روحت و زعقت و كان فيلم و العربية اعدت و باتت يوم عشان يركبوا علبة دريكسيون
على ال 15 بدأ الصوت يبان تانى فى صيانة ال 20 قولتلهم قالولى العفشة بس كانت عايزة تربيط المهم قبل صيانة ال 25 ظهر تانى روحت و المهندس يقولى هى اصل العربية كده و دا صوت طبيعى تعالى حتى نجرب عربية تانية مطلعتش صوت خالص قالى اهو صوت و اقولوا يقولى لا هو هو المهم جالى تقريبا مدير المهندسين و قالى تعالى نجرب و قالى لأ هى علبة دريكسيون تمام بس هتتغير على حسابك عشان حضرتك عديت ال 3 سنين و خرجت من الضمان ... المهم بكام قالى ب 2500 قولتوا لأ انا عاجبنى الصوت كدا المهم الكلام دا من سنة و نص تقريبا طبعا الصوت بيزيد يوم بعد يوم من شهر كدا روحت لعفشجى قالى الكاليبرات بتاعت الفرامل مبوشة مصدقتوش و روحت لواحد تانى قالى نفس الكلام قولتوا طيب لو مطلعتش هيا قالى هعملك حاجة بسيكة مكان التبويس هحطلك شحم يوم كامل مش هتسمع الصوت بس هيرجع تانى ... قولتوا ماشى وفعلا كلاموا كان صح طيب الحل نجيب جديد
اروح التوكيل يقولى الرقم بتاع القطعة دى مش موجود عندنا اصلا قولتوا و الحل قالى هبعت للفرع الرئيسى و يسعروها و يقولولنا هتيجى امتى ... روحت اسئل لقيت الكاليبر الواحد بكام ؟؟؟ لعربية تمنها 60 الف و قال ايه موفرة فى البنزين و قطع غيار رخيصة و و و و من الكلام الى بيدحك بيه على الناس دا من غبور ... الواحد ب 1500 جنيه يعنى ال 2 ب 3000 ليييييييييييه هى هوندا الراجل ردوا اصل الحاجات دى مش بتبوظ و مش بنجبها قولتوا شكرا و مشيت
تستفيد من دا ايه :
1- مش بيعرفوا يشخصوا الأعطال صح كانوا هيلبسونى 2500 دا غير ال 3000
2- اسعار قطع غيار خيالية
3- قال ايه اكبر مركز قطع غيار فى الشرق الأوسط
للأسف انا كرهت العربية جدااااا و على فكرة الى يثبت ان اسعارهم فوق الخيا تيل الفرامل ب 320 و هو هو بتاع البيكانتو ب 280
فلتر تكيفها ب 170 فى كيا هو هو بتاع البيكانتو ب 90
انا هسيب الرد ليكوا و حسبى الله و نعم الوكيل !!!!