السلام عليكم ورحمه الله
العربيه كيا سيراتو اتوماتيك ماشيه 8000 كيلو خليجى بتبطل وهيه مشيه لوحدها بقالها 3 ايام بالظبط ومش عارف اعمل ايه ممكن نصيحه وممكن توصفولى مركز خدمه او ميكانيكى حد فى اسكندريه بيفهم فى العربيه
عرض للطباعة
السلام عليكم ورحمه الله
العربيه كيا سيراتو اتوماتيك ماشيه 8000 كيلو خليجى بتبطل وهيه مشيه لوحدها بقالها 3 ايام بالظبط ومش عارف اعمل ايه ممكن نصيحه وممكن توصفولى مركز خدمه او ميكانيكى حد فى اسكندريه بيفهم فى العربيه
انا هحاول اساعدك..انا اول ما جبت الكروز كانت كدا ..و طلع العييب بعد حييرة سوفت وير فقط ...و انا مش من الاسكندرية علشان افيدك بالمكان ..حبيت اطمنك شوية ....ربنا يكرمك
روح التوكيل فى سموحة بيقبل صيانة الخليجى
باشا المشكلة ابسط مما تتخيل :) قفيش البطارية مش مربوط كويس :) اتاكد و ادعيلي :)
هما بتوع المعارض بيعملوا كدة و عن تجربة عربية برضه واحد صاحبي جابها خليجي سيراتوا و كان حيولع في المعرض طلع البطارية مفكوكة :)
ربنا يباركلك و يكفيك شرها :)
ياكبير البطارية دورها بينتهى بمجرد ما العربية تدور ...وهو بيقول بتبطل وهو ماشى
احتمال كبير فلتر بنزين مسدود بس برضه تروح التوكيل احسن .
اطمن ..قطاش البطاريه .. وحصلت معايا (سيراتو 2013خليجى 6سرعات) فى اول 500 كيلو فصلت وانا ماشى ورسترت كل حاجه لدرجة انى خفت ليكون كارتة كمبيوتر وقلبى وقع فى رجلى لان لما فصلت رجعت لمست تانى فالحركه دى خلت لسان اللوك بتاع الفتيس قفل ورجع رد تانى او فصل ورجع تانى وهو على وضع متحرك واسمع احلى صوت طرقعة من الفتيس لدرجة انى شكيت انى اديت غيار عكسى بس انا فهمت كل الملابسات دى بعد فتره فتحت الكبوت ولقيت القطاش سايب لدرجة انه بيطلع من مكانه فجبت المفتاح بتاع العدة اللى جاى مع العربيه وحرقت على القطاشين كويس والحمد لله ظبط وعشان تتأكد انه القطاش بص على الساعة هتلاقيها غيرت الوقت واحمد ربنا انها فصلت تماما ملمستش وفصلت ورجعت تانى زى حالاتى والا كنت عملت جنازه على صوت انفجار الفتيس
يا جماعة ازاى بطارية .... على حد علمى البطارية دورها بينتهى بعد العربية تدور وبعد كده وظيفتها أنها تتشحن لأن الى بيولد الكهرباء للسيارة بيكون الدينامو .... الدليل على ذلك أنك ببساطة ممكن تفك وتشيل البطارية والعربية شغالة ولا يحصل أى تغيير سوى أن مكانها هيكون فاضى .... صباحكم فل
ن ايوه هو المنطق واللي احنا عارفينه ان البطاريه مالهاش علاقه طالما العربيه دارت
بس في العربيات الجديده والاوتوماتيك بالذات ممكن تكون المشكله من البطاريه
نفس المشكله دي حصلت عندي العربيه كانت بتبطل وهي ماشيه ... والتوكيل دوخني ينضف مش عارف ايه ويغير فلاتر وبوجيهات لغاية لما خلوني اغير البطاريه والمشكله انتهت
بالنسبه لصاحب الموضوع جرب تربط قواطيش البطاريه كويس او تجرب تغير البطاريه وقولنا ايه الاخبار
الموضوع طلع بسيط و الحمد لله انا بصيت على البطاريه فعلا لقيت الاوشاط مفكوك ربطه ورجعت زى الفل اشكركم جميعا للمساعده
معلومة جديدة بالنسبة لى .... وشكرا على الأفادة
شكرا للافادة
الحمد لله ان المشكلة طلعت بسيطة وفعلا معلومة جديدة ليا وشكرا للاعضاء الى ساهمو فى حل
المشكلة ..... عاش نمور كيا
يارجالة عيب عليكم انتوا تامروا :) يعني مرة عندي و مرة عندك كلنا اخوات يعني و فعلا نعم الرجال :) تحياتي
الحمد لله انها عملتها فينا الاول ونقلنالك تجربتنا والا كان زمانك عمال تلف حولين نفسك زينا لأن الموضوع على قد ما هو بسيط بس لما بيحصل بتحس انه كارثه واحمد ربنا مليون مره انها طلعت ثابته عند موقفها فصلت وبس مش زى قليلة الاصل اللى معايا اللى فصلت ورجعت فى كلامها كانت هضيعلى الفتيس بنت التييت
[QUOTE=Deshahcoka;3874684144]عيب عليك يا باشا :) انتا تامر
و اي حاجة في العربية شرفنا بس و مش حنتاخر عليك احنا هنا كلنا اخوات :)[/QUOT
طبعا الف شكر ليك