السلام عليكم
ما فائدة تنظيف بوابة الهواء بالمنظف الخا ص ؟؟؟
وما هو الذى يتحكم بفتح وغلق البوابة ؟؟؟
عرض للطباعة
السلام عليكم
ما فائدة تنظيف بوابة الهواء بالمنظف الخا ص ؟؟؟
وما هو الذى يتحكم بفتح وغلق البوابة ؟؟؟
لو بتتكلم علي الأنجكشين :
تنظيف البوابة بيخليها ناعمة في الحركة -- لأنها ببتوسخ نتيجة أبخرة الزيت مع التراب -- فتبقي حركتها "ستيكي" فتخليك في الطلعة تحس بتقل --
اللي بيتحكم فيه -- دواسة البنزين اللي بتدي اشعار للكمبيوتر انك عايز تزود بنزين -- فتتحرك مع اشارة من حساس الهواء و حساست أخري - علشان تدي نسبة الهواء المطلوبة لنسبة مخلوط البنزين والهواء --- الحركة بتاعتها بحساب دقيق -- فلما تكون في مقاومة لحركتها نتيجة الرواسب -- حركتها بتتأثر وتؤثر علي أداء العربية
هايل .... وتنظيفها إزاى لو امكن ؟
تنظفيها هيتم بفك الخرطوم الداخل ليها وإنك تجيب منظف كربراتير وتفتحها بإيدك وبتبخ كام بخة وتجيب قماشة نظيفه من غير وبر وتمسح بيها
طيب لو البوابه سليمه وكل شويه الللمبه تنور
وكل العربيه ماتتحط علي الجهاز يقراء بوابه وبتكون سليمه
والكنترول سليم
وبدال البنزين سليم
وحساس المانيفول سليم
ايه سبب المشكله والحل
ما تفتحش البوابة بايدك -- رش عليها وبعدين خللي حد يدوس علي دواسة البنزين حتتحرك
ليه مفتحاش بإيدى ؟؟؟
الأوساخ متراكمة على البوابة نفسها من برا وحوالين الأطار لازم تفتح البوابة
أنا عندى هفكها خالص عشان أنظفها بمزاج ومفيش أى سوائل تدخل على المحرك
للعلم أنا هنضفها ب Akai
أنا هجرب أدوس بنزين والعربية مبطلة وأشوفها هتفتح ولا لأ
وهجرب أدوس بنزين على نظام التشغيل الوهمى عندى فى العربية وهشوفها هتفتح ولا لأ
تنظيف البوابة يتراوح من عملية متوسطة الى عملية معقده...
والشئ الذي لا يقل أهمية عن تنظيف البوابة هو تنظيف الحساسات....
بحسب الدواسه على واير او كهربائية هيختلف نوع التنظيف...
الدعسه الكهرباء بتحتاج منظف اليكترونات...
الواير بتحتاج تنظف بكرة الواير الخارجية بالدبليو دي
منظف الكربراتير غير مخصص للبوابة الانجكشن وفي المقابل يوجد منظف بوابة
ثروتل بودي كلينر
والسبب ان حساس الشكمان ممكن يخرب بسبب منظف الكربراتير..
الحساسات يمنع منعا باتا تنظيفها بمنظف البوابة او منظف الكربراتير بل بمنظف الالكترونيات وبعض الحساسات ايها منظف مخصوص زي حساس maf له كلينر مخصوص لا يترك اي اثر زيتي على الحساس...
فايدته بالإضافة لتحرير حركة البوابة هو تظبيط قراءة الحساسات لتعطي افضل وادق قراءات تؤدي بدورها لافضل أداء واقل استهلاكا للبنزين...
ممكن اكون مبالغ بس اول امبارح كنت بنظف بوابة pontiac solstice 2007 وكان عندي حالة ذعر من كتر الحساسات والتعقيد في ماتورها..
تحياتي
Sent from my SE Arc S using Forum Runner
خللي باللك -- االي بيحركها حاجة زي سيلونيد بيشتغل بالكهرباء -- لو دواسة البنزين بشتغل كهرباء -- لو كده ممكن تبوظ السيلينويد --- لو حتفكها لازم تبقي عارف كل حاجة --- بلاش أحسن --- التنضيف في مكانها كافي جدا --
ولازم العربية تبقي الكونتاكت شغال علشان دواسة البنزين تحرك البوابة
لو بالوير تبقي أبسط بكتير لأن هنا تحريك البوابة يبقي ميكانيكال --
المنظف بتاع الثروتل نادر --- وباستعمل بتاع الكربراتير --- بس التحذير اللي اتقال برضه يتاخد في الأعتبار
هات حاجة امريكاني -- لأانهم هما الي بعملوا الحاجات دي --- عموما السبري حيطير والمتبقي حيتحرق في الموتور
بالنسبة لل dr hazem أيوة كلام حضرتك صح المفروض نستخدم throttle body cleaner أنا نسيت وقلت منظف كربراتير أعذرنى
بالنسبة للبوابة فهى عندى كهرباء أكيد دا حتى واصل عندها فيشة معرفش فيشة الموتور اللى بيحركها ولا فيشة حساس الهواء هو مكتوب على الغطاء بتاع العلبة اللى عليها vdo siemens
أنا مفكيتهاش قبل كدا بس كنت بحركها عادى وهى مكانها لجوا حضرتك تقصد إن دا غطل وممكن يبوظها ؟؟
بالنسبة للفك أنا هفك وهخليها على الله بس أما أشترى مفاتيح بقى لأن فيه مسمار مزنوق جوا
بالنسبالي موضوع ان البوابة الكهرباء ممنوع تتزق بالايد ده اول مره اسمعه ومجاش فبالي...
بس مش السولينويد معتمد على ضغط الهوا ولا انازفاهم غلط؟ يعني ايه اللي هيتكسر بالظبط؟؟
تحياتي
Sent from my SE Arc S using Forum Runner