الموضوع: تغيير زيت / تيل و ضبط طنابير امامى سيينا 1400 - بالصور و معلومه مهمه

السلام عليكم اصدقائى الاعزاء بالمندى الغالى
من فتره كشفت الفرامل علشان كنت حاسس انها موش زى الاول
المهم و كالمعتاد روحت مركز كوول اير و قابلت الاسطى محمد ابو عبود السورى و اللى سبق و نوهت عنه فى مواضيعى قبل كده و عن امانته و صنعته ، المهم روحت و فحص الطنابير و التيل و كانت نتيجه الفحص كالتالى :-
1/ الطنابير زفت و لازم تتغير .
2/ و طبعا زى ما قال سمير غانم لما قال لما الطنابير عاوزه تتغير يبقى التيل لازم يتغير .
3/ الاهم لقانى ماشى على الزيت بتاع الفرامل اكثر من 35000 كلم و لقى الزيت لونه هباب و برضه لازم يتغير.
4/ الكاليبر لازم يتغسل و يتنظف و يتشحم لان الشحم بتاع المسمار بتاع الكالبر كان ناشف جدا و تقريبا موش فعال

الخطوات :-
1/ روحت الصعيدى اللى فى الحرفيين و جبت تيل تركى ب 75 جم لانه كان اليوم جمعه و التوكيل قافل و سالته على الطنابير قالى الموجود ايطالى و تركى بس جاى كمان يومين و طبعا لانى حليت فكان لازم اتصرف
2/ كلمت الشيخ على اللى فى دمشق - ميدان الجامع - قالى عنده الريمسا اسبانى ب 280 و شكر فيهم و عنده التيل الريمسا ب 110 تقريبا على ما اذكر
3/ و انا لسه بافكر اعمل ايه لقيت زميل ليا بيتصل و بيقولى انه باع السيينا بتاعته - و معاه شويه حاجات مرضاش اللى اشترى منه ياخدها و كان من ضمنهم طنابير اماميه و مقاومه مروحه و بلى كتينه - و طبعا الكل مستعمل بس اصلى و شغال و هو محسوك زى حالتى كده طيران كنت عنده و اخذت ال 2 طنبوره الاماميه ب 100 جم و الحمد لله عاينتهم و حالته 80 - 75 % و بالنسبه لى فى هاذوها المرحله يبقى عنب الللوز
4/ كنت مجهز للموضوه ده من كام يوم و جبت الزيت بتاع الفرامل dot 4 ليكو مولى و جبت 3 زجاجات 1/4 لتر ب 45 جم للثلاثه و بالمناسبه الموزع بتاع ليكومولى اللى فى دمشق شاطر حبتين و سالته عن خصم ل نايل موتورز - اتحجج و مرضاش ينزل فى السعر و قعد يورينى حاجات و منتجات المهم اخدت الزيت و منظف دوره البنزين و الانجكشن من عنده
5/ الحقيقه الراجل - ابو عبود - محترم و فاهم و لما شاف الطنابير قالى الطنابير ممتازه و حطها على جهاز قياس التخانات لاقها كويسه بس قال ان فيها ملم تقريبا ولازم تتمسح بس موش تتخرط يعنى .
الفار لعب فى ودنى و مناخيرى فى ذات المومنت - بس هو طمنى - حبيبى يا ابو عبود
6/ رجعت الحرفيين و سالت على المخرطه بتاعه سى محسن - المفروض انه احسن واحد فى موضوع لحام الجنوط و الطنابير لقيته الصنايعى اللى هيشتغل لسه جاى و بيلبس و يصطبح و هىء و مئ و طبعا كان معايا ابو عبود اللى استغرب جدا من المرقعه و الفشل اللى شافه ليه ؟ الباشا لما جه عمال يكلم ده و يرد على ده و حد يولعله و التانى ..............و الا بلاش
المهم ابوعبود كان نفسه يعمل الخراطه بنفسه لانه عندهم فى سوريا التوكيل فيه مخرطه حديثه جادا بتوكيل كيا / بروتون / سوبارو و هو اشتغل عليها قبل كده و استغرب ان اخينا موش مركز و بيتمرقع المهم استلمت الطنابير بعد المسح و دفعت 40 جم بدل 50 جم
7/ رجعنا المركز سوا بعد ما استلم الطنابير على الشعره و قالى نكمل الشغل اللى فيهم - - ما فهمتش يقصد ايه بس الصور هتتكلم و افهم حضراتكم يقصد ايه

1/ التيل اللى جبته - رجعته تانى لانى لقيت نوع غيره المانى مايلى ب 110 جم و الحقيقه بموت فى الالمانى اللى لو فاتك موش هيرجع تانى
و ابتدينا بتحميل السياره من المكان المخصصو حسب اصول الرفع






الطنابير بعد ما اتمسحت





ازاى بقى نعرف ان الكنابير ممكن تتخرط او تتمسح و الا لا ودى فهمهانى ابو عبود الله يستره دنيا و اخرة
شايفين الجزء ده من الطنبوه المبطط لو كان الخراطه وصلت ليه يبقى موش هينفع تتخرط - عامل زى دليل لتحديد السمك - انا الحقيقه معرفتش المعلومه الا منه و حبيت اوريها لكم للى زى حالتى مكنش يعرف


و ايضا



و بدانا الفك


صوره التيل الالمانى اللى لو فات موش هيرجع تانى






التيل القديم



و اطنابير القديمه خارجه مستويه و رفيعه هانم جدا






العرسان الثلاث ليكو مولى


الكالبر قبل الفك


بعد فك الطنابير القديمه و لاحظوا الصدا - هنتكلم عليه دلوقت


الحقيقه انه الاتى
1/ من تعليمات الوكاله - التوكيل انه لا يجوز الصدا ده يبقى موجود وبالتالى الاصول انه نمسح فى المخرطه الصدا دا و لما متعملش عند سى محسن وبالمنظر اللى الاسطى ابو عبود شافه من اهمال و غيره طلب انه يعمل الباقى بنفسه
2/ جاب الفرشه اللى بتتحط على الشونيور و اداه نظافه و اسيبكم من الصور و الفرق واضح و ده اللى حبيت انقله للزمرء و مكنتش اعرفه
اسيبكم مع الصور




و طبعا الفرق واضح










ايه رائكم



تركيب و ضبط الطنابير





حيلاوتك يا ابو عبود
تنظيف الكاليبر و التاكد من الاويل سيلات







ووش تانى لزوم النظافه

وطبعا عمرى ما شفت حد فى الصنايعيه اللى عندنا بيعملوا كده و اليكم باقى الصور




ودى جنب متسنفر و النص التانى لا و الصوره توضح الفرق

و مافيش مانع الحلو يتدلع من جوه برضه



و من بره

الاول
السلام عليكم
مركز كوول اير لاعمال التكييف و الصيانه
1 ش البوصيرى - خلف سوق القنال الدولى
26202455 - مدير المركز مهندس ايمن
مسئول التشغيل ا / هيثم.
الافضل الاتصال قبلا - الاحد اجازه
تم التعريف بالعنوان بعد موافقه ا كريم منير .