عرفت ليه العربية بتغيب فى الدوارة الصبح ، ولكن برجاء المساعدة

**blackmirror** · 09-12-2012 03:12 AM

السلام عليكم ورحمة الله وبركاته
عربيتى بيجو 505
عندى مشكلة إن العربية لما اسيبها يومين كده وأجى أدورها بتغيب كتير لغاية متشتغل
طبعا ده سببلى إهلاك للبطارية وربنا يستر على المارش
شكيت فى طقم الكهرباء وغيرتو بالكامل ولكن المشكلة هيه هيه

جاتلى فكرة وقلت اشوف كده فى بنزين بيروح للكاربيراتير ولا لا وانا بدورها
فتحت الكابوت وقبل ما ادور لقيت فلتر البنزين فاضى
فضلت ادور فيها لمدة دقيقة كده لكن متقطع طبعا
شويه ولقيت البنزين بدأ يدخل الفتر والعربية إشتغلت

عرفت وقتها إن المشكلة إن البنزين بيهرب والموتور بيبزل جهد لسحبه

السؤال بقى يا ترى إيه السبب؟؟
هى فى ما يشبه سكب بالف يمنع هذا التهريب؟؟
وجزاكم الله كل خير

**ahmedhossam6** · 12-12-2012 09:28 PM

مبدئيا قبل ما تدور اقعد حضر بنزين كتير بالدواسة وانت فاتح كونتاكت من غير مارش وبعد كده دور وهتقوم معاك من اول مرة ان شاء الله لو ما قامتش لا قدر الله يبقى اكشف على طلمبة البنزين

**aw2100** · 12-12-2012 09:41 PM

دة يبقى عيب فى الرداخ اللى بيسحب البنزين من التنك وعلى فكرة بيبقى فى الرداخ سكس بلف بيمنع رجوع البنزين للتنك وممكن يكون فى عيب فى الديفرام اللى فى الكاربراتير ودة عبارة عن كوتشة بتتغير ودى بتبخر حبة البنزين اللى فى الكاربراتير علشان بدء الدوارة قبل مالرداخ يدخل البنزين فى الكاربراتير ودة كان عيب عندى فى عربيتى ورحت صلحت الديفرام وكان مخروم وبيفضى الكاربراتير من البنزين وكنت بشم ريحة بنزين فى الموتور وماكنتش بتدور الصبح بسهولة وبعد التصليح لو سبتها 3 ايام ادورها من اول لفة للمارش المهم راجع الكاربراتير اولا!!!!