كان لي تجربة جت بالصدفة البحتة
من فترة سنة ونص تقريبا كان في برنامج تلفزيوني بيقدمه شخص ملتحي كان مهمته زي الخاطبة
جالي فضول اتصل خصوصا انه رقم موبايل فودافون وانا كان عندي فري كتير لقيتهم ردو علي وقالولي 500 ج اشتراك اول امرة طبعا كبرت دماغي
بعدها بحوالي شهر لقيت واحدة بتتصل بي وتقولي انا من طرف البرنامج ورحت الشركة وادوني مواصفاتك وانت مناسب لي
ربنا يسامحني بقى في اللي عملته بعد كده
انا طبعا جاريتها في كلامها وقلتها آه بس انا مرحتش الشركة المهم انها طلبت تقابلني طبعا بوجود والدتها وانا فلسعت بحجج واهية لاني طبعا محبتش ادبس نفسي
شوية لاقيتها بتكلمني تاني بعد لما خدت قرار اني اتوقف عن الاتصال بيها لان الموضوع مش لعبة
ولقيت كلامها عن الرسميات اللي كانت متمسكة بيها اختفت فجاة وبدأت تدخلني في حوارات شخصية بيها وبقت تدخل في شوية تفاصيل في حياتي
المهم انها جرتني اني اقابلها وكنت خايف جدا وانا رايح بس انا مفهمها اني مفيش جواز وهي اصرت قالتلي اجل الموضوع ده بعدين
اول ما قابلتها لقيتها لابسة ملابس بالالوان والمظهر اللي انا بحبها وكان وردت تفاصيل عنها اثناء احد المكالمات
صراحة لقيت بنت صاروخ ارض جو
لدرجة ان دماغي لعبت تاني وكنت فعلا بدأت آخد خطوات فعلية اني اخلي الموضوع ارتباط حقيقي بس كانت العقبة ازاي اقنع اهلي بالموضوع ده خصوصا اني والدتي وقتها كانت بتجيبلي عرايس من اقاربنا ومعرفنا وانا برفض يبقى يوم ماوافق اجيب واحد عن طريق مكتب زواج مجهول
الصدمة الكبرى لما اتعاملت مع البنت بعد كده لقيت عقلية غير متناسبة معايا تماما تفاهم جدا وسطحية جدا وكل همها الموضة واللبس والخروجات السفر ما تعرفش اي حاجة في الدنيا غير كده
طبعا تراجعت بشدة
ودي كانت قصتي مع احدى مكاتب الزواج
المفضلات