كنت عايز مساعده لو حد يعرف وكيل لسكودا اقدر اجيب العربيه منه بسعر كويس لاني سمعت ان بره ارخص من التوكيل باربع تلاف حوالي .
و ياريت لو حد يقولي اعرف ازاي انها موديل 2013 و لا لأ و اذا كانت توكيل و لا خليجي
عرض للطباعة
كنت عايز مساعده لو حد يعرف وكيل لسكودا اقدر اجيب العربيه منه بسعر كويس لاني سمعت ان بره ارخص من التوكيل باربع تلاف حوالي .
و ياريت لو حد يقولي اعرف ازاي انها موديل 2013 و لا لأ و اذا كانت توكيل و لا خليجي
اهلا بيك وبالتوفيق فى الشراء ان شاء الله
موضوع التوكيلات حضرتك هتاخد لفه وتسمع اسعار
وانها 2013 ورق الافراج وفاتوره الشراء
والفرق بين الوكيل والخليجى ده معروف باشياء معينه وكتيب الضمان
لو هتشترى اعلى فئه مثلا الطابلوه الابانوس
والجنط ال16 ده فى الوكيل
وتصفيح السياره من الاسفل الوكيل تصفيح صاج والخليجى فبر ده بتعرفه لو فتحت الكبوت بين الراديتير والموتور هتشوف التصفيح خبط عليه باليد هتعرف الفرق
والوكيل بيكون مكتوب على الشنطه من الخلف ارتوك
والف مبروك مقدما
وربنا يوفقك
الف شكر ليك
طيب محدش يعرف معارض كويسه اشتري منها
انا كلمت سمير ريان و بصراحه اداني سعر حلو للعربيه
شوف المصرية كلمهم واعرف اسعارهم ايه وان كنت افضل انك تشترى من التوكيل مباشرة من بعد اللى بنسمعه عن المعارض
انا حاجزها عند موزع معتمد الفئه السبورت ب 195000 للاسف بزيادة 4 الاف جنيه عن سعرها الرسمى ،، ده علشان العربية بتشطب من السوق اكلام ده من المعرض والله اعلم بمدى مصداقيته
وعلى كلامه برضه ان اول فئة اوتوماتيك ب 185000
لو عايز ممكن اديلكك تليفونات الموزع ده
يوجد شكل جديد من العام الجديد وفوانيس ليدات
يعنى الافضل الواحد يشترى دلوقت ولا يستنى الشكل الجديد و بمناسبه الاوفر برايس التوكيل نفسه كان هايبعلى العربيه بزياده 2000 جم علشان العربيه بتشطب من السوق و لما كلمت سمير ريان قاللى ان الراجل بتاع التوكيل مايعرفش حاجه و ان اى حد معاه بطاقه استيراديه هاينزل العربيه من بره
على العموم الوكيل قافل الحجز لغاية اخر الشهر و ممكن تلاقى العربيه فى المعارض بره التوكيل
و الوكيل قاللى ان فيه موديلين نازلين فى 2013 الموديل الاول اللى كل الناس عارفاه و بتتكلم عليه اللى هو الرابيد Rapid و الموديل التانى هاينزل على شهر 9 او 10 و قاللى هايبقى اسمه a7 و هو مايعرفش عنه حاجه و بصراحه انا متلخبط كتيييييييييييييييييير ؛ ارجو النصيحه
دي الأسباب فعلا إللي خلتني أجيب الفنتازيا وكمان بالإضافة للحضرتك ذكرته سبب كمان لو شفت أي عربية في السوق حتلاقي زيادة السعر تترواح من 20-30 ألف جنيه زي الجولف 6 زادت 30 ألف جنيه وغيره وغيره فالأوكتافيا الجديدة سعرها في إعتقادي مش حيقل عن 190 ألف لأول فئة
بصراحه لو الكلام ده هايحصل فعلا يبقى هانقول على العربيه السلام و الاوبل استرا الجديده هاتحل محلها فى السوق و هاتنتشر عنها عشان السعر و الامكانيات و الفتيس و الموتور
و يكفى اوى ان فرق السعر بينهم حاليا 20 الف ما بالك بقى لما الاوكتافيا تزيد كمان ده هايبقى فرق السما و الارض
يعنى الخلاصه انتم رايكم انى اشترى الشكل الموجود حاليا رغم ان الشكل الجديد هاينزل كمان كام شهر علشان الموتور و الفتيس
انا اعرف ان نوع البنزين ممكن يتظبط يعنى اى حد معاه عربيه ممكن يخليها تقبل اى نوع بنزين حسب السوفت وير اللى على كمبيوتر العربيه و ممكن يتظبط فى الوكيل عادى
طيب انا ممكن اسال سؤال غبى شويه .... لا خليهم سؤالين ؛
هو ممكن العربيه تنزل بنفس الفتيس الموجود دلوقت اللى هو التيبترونك ؟؟
و هل ممكن الوكيل يضيع سمعه العربيه علشان فتيس ؟؟ ده طبعا لو افترضنا ان الوكيل هايعدل السوفت بتاع العربيه علشان تقبل بنزين 92
افيدونى افادكم الله
والله يا باشا معتقدش انهم يصرفوا على التطوير ده كله وينزلوا العربية بتكنولوجى قديمه ،، ده غير ان الاوكتافيا نسخة من الجيتا فلو نزلها بفتيس التيبترونيك كده هيموت الجيتا خالص وطبعا فولكس فاجن مش ساذجة انها تقع فى الغلط ده
وعلى فكرة موضوع البنزين هتلاقيه هنا فى مصر بس مش فى اى دولة تانية ،، وبعدين الحسبة واضحه ،، عايز الشكل الجديد عليك وعلى بنزين 95 اما موضوع ان يتحطلها 92 وتبقى كويسه مقدرش افيدك بصراحه ،، على الرغم ان سمعت ان الوكيل بتاع فولكس قال ان ممكن الباسات الجديدة تمشى ببنزين 92 مفيش مشاكل
كده هيبقالك مشكلة الفتيس ممكن تعرفها من ملاك الجيتا.
وانا لما جالى الخاطر انى استنى الشكل الجديد قلت لنفسى طيب لو كده ما كنت جبت الجيتا وخلاص؟ بس جه موضوع غلو البنزين 95 فصرفت نظر وحجزت الاوكتافيا
متابع
اشتري دلوقتي لان الاسعار في الطالع
في حاله ان العربيه تنزل بالفتيس الجديد...ماحدش هايشتريها
و الله انا كمان زيك بالظبط عقلى مع الفانتازيا و قلبى مع الاسترا بس مش عارف اعمل ايه محتااااااااااااار جدا موت و الفانتازيا احتمال تنزل فعلا بالفتيس الـ dsg لانها موجوده على الموقع الرسمى لموقع سكودا بالفتيس ده و بمواتير tsi & tdi ديزل و بنزين و غاز طبيعى و سعة محرك 1400 &1600&1800 بس انا شايف انه اللى هاينزل مصر هنا سعة 1400 & 1600 cc وصعب جدا ينزل الـ 1800 cc
نفسى بس حد يأكد انهى فتيس هاينزل فيها التيبترونك العادى ولا الـ dsg
قامت شركة سكودا التشيكية اليوم بكشف النقاب رسميا عن سكودا أوكتافيا 2013 المجددة كليا لتشعل المنافسة المحتدمة فى فئة السيدان المدمجة مرة أخرى.
ويبدو التأثر الواضح للنسخة الجديدة من أوكتافيا لعام 2013 باللغة التصميمية الجديدة للشركة التشيكية التى ظهرت من قبل خلال مفهوم VisionD قبل أن تسجل ظهورها الإنتاجى الأول من خلال شقيقتها الصغرى رابيد.
ولكونها بُنيت لتعيد تعريف معايير فئة السيدان المدمجة من جديد كما ذكرت الشركة، فإن تصميم المقدمة الأمامية بالمصابيح المائلة و شبكة التهوية المحسنة، مع العجلات الرياضية و خطوط السقف المائلة، أعطت سكودا أوكتافيا 2013 مظهرا أكثر أناقة كمقصورتها الداخلية، و أكثر شراسة كقوتها المحركة.
بمناسبة الحديث عن القوة المحركة، جاءت سكودا أوكتافيا 2013 الجديدة كليا مدعومة بتسع خيارات من المحركات، أربعة محركات بنزينية، و مثلهم محركات تعمل بالديزل، مع نسخة أخيرة تعمل بالغاز الطبيعى، تأكد منهم محرك TSI سعة 1.8 لتر بقوة 179 حصان، ومحرك TDI سعة 1.6 لتر بقوة 110 حصان، على أن تقوم الشركة بالكشف عن تفاصيل باقى المحركات فى وقت لاحق.
ومهما كان خيار المحرك، فإن الطاقة ستنتقل إلى نظام الدفع عن طريق خيارين من نواقل الحركة، أحدهما يدوى إعتيادى و الآخر ثنائى القابض DSG. مع الأخذ فى الإعتبار كون نظام الدفع الأمامى خيارا أساسيا، و توافر نظام الدفع الكلى كخيار بديل. _____________
الفانتازيا اختيار موفق جدااااااااااااااااااااااا اااااااااااااا
انا اخدت بالى من نوع الفتيس اللى حضرتك معلم عليه باللون المووف بس انا بعت على صفحة سكودا الرسميه و سالتهم ايه نوع الفتيس اللى هاينزل مصر قاالى انه هايقولى لما تبقى المعلومه متاحة
مش يمكن ينزل التيبترونك العادى علشان الدى اس جى مش ملائم لمصر؟؟!!!
استاذ طارق انا فعلا فى حيره شديدة بين الاوكتافيا و الاسترا بسبب موضوع فتيس الاوكتافيا ده