اعتقد ان العربيات في طريقها للزيادة بعد طوفان الضرائب القادم:b4_007:
عرض للطباعة
اعتقد ان العربيات في طريقها للزيادة بعد طوفان الضرائب القادم:b4_007:
ده اكيد عندك ضرايب على النقل و ضرايب على المبيعات و ضرايب على الضرايب
هنلاقيها منين ولا منين بس
حسبي الله ونعم الوكيل يعني هيدفعونا تمن العربيه تلات مرات ولا ايه؟ انا حقا اعترض
في عربيات زادت بالفعل زي الالنترا زادت من 10 الي 20 الف ودا علي موقع كونتكت
ده اكيد وعلى كده الاسعار رايحه على فين تانى ؟؟؟؟؟؟؟؟ متنسوش تدنى الجنيه مقابل الدولار واليورو دى حكايه تانيه لوحدها
الغريب ان بيقال ان تطبيق تلك الضرائب من اول شهر يوليو القادم يعنى بعد 7 شهور وهو فيه حد ياخد قرار ويتنفذ بعديا بسبع شهور هما التجار حيرحمو حد من هنا ولحد شهر 7 الاسعار كلها حتزيد وكله حيركب الموجه تمهيدا للزياده الرسميه من اول شهر 7 يعنى مفيش رحمه اطلاقا
انا زهقت من البلد دى واالله كل ما نفسنا تتفتح ونقول خلاص قربنا ننتكس تانى ونرجع لورا
كنت عايز اعرف هوا بردو المستعمل القديم هيغلى
اعتقد ان كلام حضرتك صح
لان اكتر شئ يرفع الاسعار هو الكلام
الكلام له القوة فالسعر اكثر من القرار
ولما القرار يطلع بيبقي امر واقع وواضح اكثر علي الاقل ..
لا متقلقوش مرسي طلع بيهزر :)
تم وقف القانون علشان ابو قلب كبير شاف ان الشعب مش راضي عن القانون " وقف مؤقت "
البس يا شعب علشان خارجين
..... يابو سوسو
وهنا احسن والحمد لله رجع عن القرار رغم ان ده ان دل فأنما يدل على تخبط فى اتخاذ القرار .. ربنا يصلح الحال
أصدرت رئاسة الجمهورية بيانا منذ قليل أكدت فيه إلغاء قانون الضرائب الجديد، الذى أثار لغطا فى الأوساط السياسية والاقتصادية.
وجاء نص البيان كالآتى:" إن السيد رئيس الجمهورية وهو يستشعر نبض الشارع المصرى ويدرك مدى ما يتحمله المواطن المصرى المكافح من أعباء فى هذه المرحلة الاقتصادية الصعبة، قد تابع ما ترتب على إصدار قرارات تتضمن رفع الضرائب على بعض السلع والخدمات من ردود فعل ناشئة عن التخوف من أن يؤدى تطبيق هذه القرارات إلى ارتفاع فى الأسعار وزيادة تكاليف المعيشة على المواطنين، ولما كان السيد الرئيس لا يقيل أن يتحمل المواطن المصرى أى عبء إضافى إلا باختياره ورضاه، فقد قرر سيادته وقف سريان هذه القرارات وكلف الحكومة بأن تجرى حولها نقاشا مجتمعيا وعلنيا يتولاه الخبراء المتخصصون، حتى يتضح مدى تمتعه بقبول الرأى العام وسيبقى الشعب دائماً هو صاحب الصوت الأعلى والقرار الأخير.
كما تم نشر بيان الرئاسة على الصفحة الرسمية لرئيس الجمهورية على موقع التواصل الاجتماعى فيس بوك، خاصة وأن مواقع التواصل الاجتماعى قد ناقشت قانون الضرائب بسخرية شديدة.
المشكلة بقى ان التجار سمعوا قرار الضرائب
ومسمعوش ولا هيسمعوا عن إلغاء القرار
القرار مش هيطبق بس اللي خايف منه يحصل كارثة في السوق
لان مش معروف اذا كان القرار اتعطل ولا اتلغى
اعتقد انه اتعطل دلوقت بس عشان حال البلد
كل ده مش مشكلة المشكلة بقى في التجار
من النهاردة سعر كل حاجه هيطلع ويزيد عشان يستلغه الظروف
عشان الناس دلوقت هتخاف ويبدأ كل اللي عايز يشتري حاجه يلحق يشتريها
التاجر هيرفع سعره واللي مش عجبه يستنى بقى لما الاسعار تطلع اكتر مع الضريبة الجديدة
وفي الحالتين التاجر هو المستفاد
السؤال بقى نزول القرار في الوقت ده وثم تعطيل الرئيس له خطأ مقصود او غير مقصود؟؟
بمعنى هل الرئيس عمل الحركة دي ولا الجريدة جالها امر بالغاء نشر القرار لكنها نشرته بالفعل
البلد بيتلعب بها