الموضوع: حد يعرف اي حاجة عن تهبيط نيسان صني الشكل القديم

قريت كتير في موضوع تهبيط نيسان صني الشكل القديم بس ملقتش اي كلام عن الموضوع ده , قلت اعمل الموضوع ده عشان الموضوع ده شاغل دماغي اوي من كذا ناحية :
1- التهبيط بيدي ثبات للعربية اكتر عن طريق انه يقلل الهواء الداخل اسفل السيارة خصوصا علي السرعات العالية
2- تماسك اكثر في الملفات ايضا علي السرعات العالية
3- يعطي شكل رائع للسيارة
طرق التهبيط :
1- ارخصهم وهي قطع نص حلقة او حلقة كاملة من السوست يؤدي الي تهبيط السيارة من 1.5 الي 3 سم وده المطلوب مش اكتر من كدا عشان المطبات في مصر انا كنت عاملة قبل كدا في عربيتي 128 ولم تسبب اي مشكلة لكن المشكلة في النيسان ان الفرق بين صدادة المساعد والمساعد حوالي 1سم ولو قصيت السوستة الصدادة هتحمل علي المساعد وبالتالي العربية هتنشف في المطبات و هيكون هناك حمل علي الكرتيرة فمشش عارف اية الحل.
2- تركيب سوست رياضي بيهبط العربية من 2سم الي 3سم بس بارضة الصدادة هتحمل علي المساعد فمش عارف اية الحل ومنين اجبها اساسا.
3- تركيب مساعدين رياضي بالسوست بتاعتهم والصدادة بتاعتها بس مش عارف اجبهم منين وهل فية الحاجات دي للنيسان صني في مصر.
مش عارف اعمل اية الموضوع شاغلني جدا