تحذير لكل اللى بيمشى ومعلى الكاسيت ....

العجله نامت وانا ماشى ومعلى الكاسيت وانا مش حاسس بحاجه وفضلت ماشى عليها كتير لحد ما واحد

ابن حلال قالى العجله نايمه وطيت الكاسيت ومشيت شوية سمعت صوتها ركنت ونزلت غيرتها والعجله

طالعه كلها مفروكة والسلك باين ولسه ممشيتش 5000 كيلو انا بحذر الناس اللى بتمشى ومعليا الصوت

زى حالاتى كدا .....

حاجه تانية ...

دلوقتى الاستبن عندى زيرو ( بريللى )...

ركبته مكان العجله اللى نامت كدا العجل اللى ورا بقا فردة ( بريللى ) وفرده ( كومهو ) امشى عليهم عادى

ولا ايه بس حسيت بفرق شاسع وانا ماشى وماعرفش ازاى العربيه حسيت انها عومت منى وانا ماشى

بعد ماغيرت العجله لادن الاستبن منفوخ هوا واللى راكبه الناحية التانيه نيتروجين حسيت ان فى حاجه

مش مظبوطه روحت فضيتها ومليتها نيتروجين العربيه اتظبطت ( مش عارف ازاى ) ....

شكرا على النصيحة

http://sphotos-d.ak.fbcdn.net/hphoto...31192761_n.jpg

مشكور على النصيحة يا جلال وربنا يسترها على الجميع.

مينفعش تمشى كتير على عجلتين مختلفتين:

النقشة غير النقشة : الفرامل مش هتبقى مظبوطة

واحدة ضغط هوا والتانية نيتروجين: اكيد هتحس بفرق والهوا هيزيد فى واحدة والتانية لا وهتدب وهتتعب المساعد.

ربنا يسهلك الامور وهات فردة بدل اللى باظت نفس النوع اللى كان راكب.

اقتباس:

---

المشاركة الأصلية كتبت بواسطة Elawany13

شكرا على النصيحة

http://sphotos-d.ak.fbcdn.net/hphoto...31192761_n.jpg

---

شكرا ياباشا على مرورك الكريم ونورت الموضوع

اقتباس:

---

المشاركة الأصلية كتبت بواسطة Ayman-Ahmed

مشكور على النصيحة يا جلال وربنا يسترها على الجميع.

مينفعش تمشى كتير على عجلتين مختلفتين:

النقشة غير النقشة : الفرامل مش هتبقى مظبوطة

واحدة ضغط هوا والتانية نيتروجين: اكيد هتحس بفرق والهوا هيزيد فى واحدة والتانية لا وهتدب وهتتعب المساعد.

ربنا يسهلك الامور وهات فردة بدل اللى باظت نفس النوع اللى كان راكب.

---

انا عندى فردة تانية ( gt ) حالتها زيرو بردو ونقشتها قريبه من الكومهوهركبها واظبطها نيتروجين اسبوع كده ولا حاجه لحد ماربنا يسهلها يمكن اجيب طقم جنوط كمان ولا حاجه بس طلع فرق شاسع بين الهوا والنيتروجين ...
نورتنى فى الموضوع يا ايمن باشا ....

اقتباس:

---

المشاركة الأصلية كتبت بواسطة koshary

انا عندى فردة تانية ( gt ) حالتها زيرو بردو ونقشتها قريبه من الكومهوهركبها واظبطها نيتروجين اسبوع كده ولا حاجه لحد ماربنا يسهلها يمكن اجيب طقم جنوط كمان ولا حاجه بس طلع فرق شاسع بين الهوا والنيتروجين ...
نورتنى فى الموضوع يا ايمن باشا ....

---

منور بصاحبه يا غالى.

وهنستنى تقرير الجنوط بامر الله فى اقرب وقت.وبما انك هتمشى بكاوتش مختلف النقشة فبلاش جرى (مؤقتا).هههههه

شكرا علي النصيحه وماينفعش نعلي الكاسيت مش عشان الكاوتش بس ممكن اي حاجه تانيه تحصل في العربيه لازم تبقي سامع كل حاجه في العربيه وتاخد بالك من اي صوت غريب

ربنا يسهل وتجيب فردة زى اللى باظت وأحسن

بس ادينا شوية انطباعات زيادة عن النيتروجين لو سمحت

اقتباس:

---

المشاركة الأصلية كتبت بواسطة mesaharaty

ربنا يسهل وتجيب فردة زى اللى باظت وأحسن

بس ادينا شوية انطباعات زيادة عن النيتروجين لو سمحت

---

يمكن علشان اول ماحطيت النيتروجين كان مع العجل الجديد والترصيص وظبط الزوايا بس فعلا العربيه بحس انها ثابته اكتر وخصوصا لما بجرى وبنزل ابص على العجل مش بلاقيه سخن زى الهوا خالص وكمان لما بظبط على 28 مش بسمع هبده فى العفشه او فى العربيه وبحس ان العربيه طريه وتاخد وتدى مع الطريق عكس الهوا حسيت ان العربيه ناشفه اوى وعادة كل اسبوعين ان تلاته بظبطه ب 5 جنية ...

بس بردوا انت المفروض تحسها مش تسمعها بس
وشكرا على التحذير

تحذير فى محله ..... ولكن سبب عدم ضبط العربيه فى السير هو إختلاف الضغط فى الفردتين وكذلك نوعيه محتوى كل عجله من هواء او نتروجين ........

والله يا باشا نفس الكلام حصل معايا طالع من الجراج حسيت العربية تقيلة ...قلت لا تهيقات و مشغل الكاسيت ..ربنا ستر ان جارى كان واقف بيسخن عربيتوا و قاللى عليها ..لولا كدا كانت الفردة هتروح الحمد لله ..و شكرا على النصيحة اللى بجد مفيدة

شكرا يا باشا ع التحذير
لكن الصوت مش الدليل الوحيد المفروض تكون حسيت بالعربية انهاتقيلة و مش عايزة تمشي و كأنها بتخبط او بتتنطط و زي ما تكون هابطة من ناحية العجلة النايمة
افرض لو انت ماشي في مكان زحمة و كلاكسات و طبعا لا يمكن تسمع العجلة ايه الوضع ؟؟ :)

انا كنت ماشى هادى جدا يمكن سرعتى 20 والطرق عندنا فى الهضبة معظمها رملة ومش حاسس بأى خبط ده حتى الاسفلت عندنا الرملة مغطياة من كتير الناس اللى بتبنى يمكن ده اللى خلانى ماحسش بالعجله لما نامت

فعلا انا بردو حسيت بفرق شاسع بين الهوا و النيتروجين.

في عربيات مبتبنش فيها ولا حتي في السحب لكن الي قدام بتبان طبعا وموضوع الكاسيت دا انا بكره صوتو عالي بحس اني ماشي وممكن اي مصيبه تحصل وانا مش حاسس وحد بينبهني وانا مش سامع حاجه عربيه هتعدي الشارع وانا مش واخد بالي وبيديني كلاكس وانا مش سامع اصلا

مشكوررر يا باشا
بس ازاي ما ختش بالك ان في حاجة غلط ..

اقتباس:

---

المشاركة الأصلية كتبت بواسطة s o p h o s

مشكوررر يا باشا
بس ازاي ما ختش بالك ان في حاجة غلط ..

---

الارض كانت رملة ومحستش

اكيد ضغط الهوا و النيتروجين كانوا مختلفين
يعنى هتلاقى مثلا اليمين 30 و الشمال 26 و الا حاجه عشان كانت مركونه فى الشنطه و ضغطها بيقل مع الوقت

المشكلة عندك كانت مشكلة ضغط برضه للعلم

لان عادتاً 90% من الشركات المصنعة بتزود ضغط الاستبن علشان ركنته

يعني مثلاً كاوتشك بيتملي على 32 تلاقي الاستبن على 33 وهكذا وده الطبيعي بتاع الاستبن علشان الركنه

علشان كده لما تركب الاستبن بتاع عربيتك متمشيش بيها كتير ولا على سرعات عالية ومتعتمدش عليه وتغيره في اقرب وقت

ماهو الاستبن الا منقذ على الطريق بدل ما تقف لفتره طويلة يبقى معاك استبن تمشى بيه امورك وتوصل لغاية بيتك او لاقرب فرع للكاوتشات اياً كانت نوعها اللي هتركبه