السلام عليكم يا شباب
حد يعرف هل فيه رجلاش لعصاية فرامل اليد في الياريس ؟ وفين مكانها ؟
عرض للطباعة
السلام عليكم يا شباب
حد يعرف هل فيه رجلاش لعصاية فرامل اليد في الياريس ؟ وفين مكانها ؟
فيه
بيتعمل على الفرامل الخلفية بتفكها وتخلي الميكانيكي يسحبلك منها هواء
وطبعا الصبي بتاعه بيكارك فرامل
مش قصدي سحب هواء
فيه طريقتين لرجلاش الفرامل الخلفية الطبل زي اللانوس عندي
الأولي: رجلاش التيل من عند مسمار الرجلاش...ودي بترفع دواسة الفرامل وتخلي العربية أحسن في إستجابة الفرامل
الثانية: رجلاش عصاية فرامل اليد...وده بيظبط عدد تكات رفع عصاية الفرامل والمفروض تكون بين 5-7 تكات
الأولي أنا بعملها بنفسي في العربية وهي سهلة جدا وكمان مهمة لتنظيف بودرة التيل الناتجة عن الاحتكاك وتشحيم أماكن أحتكاك التيل لسهولة الحركة والكشف علي ماستر العجل الخلفي
التانية دي مش عارف موجودة في الياريس ولا لأ
طب الاولى انت بتعملها ازاي ؟؟
بالنسبة للتانية لما تسحب هوا وتكارك فرامل بعدها بيظبطلك جزء في التيل انا مش فاكر اسمه بصراحة ومن خلالها بيظبط عدد تكات رفع عصاية فرامل الايد
المفترض تكون مابين 6 الى 7 تكات كحد اقصى
عملتها كتير وبصراحة مش بحس باي تحسن غير في اداء فرامل الايد اللى هو مش فارق اساسا غير لما تيجي تقف على منحدر وتكون حابب تمور العربية !!!
لاقيتها الحمد لله بس لازم تفك الكونسل في نص العربية كله عشان توصله:
http://nileup.com/up/uploads/nilemotors_13553090661.jpg
هو بيقلل عدد تكات الفرامل لأنه بيقلل الفرق بين التيل والطنبورة بس مش تغيير مباشر لعصاية الفرامل
معاه كمان هتحس ان دواسة الفرامل أعلي
بس لو فرضا ظبطت رجلاش التيل ولاقيت ان عدد تكات الفرامل اقل من 6 يبقي لازم تظبطها من عند الكونسول
أنا بس بسمع صوت إحتكاك ورا مع الفرامل وانا ماشي فعايز افك وارجلش التيل واشحم مكان أحتكاك التيل واظبط فرامل اليد عشان الدنيا تظبط بس خايف يكون التيل فيه حاجة هي اللي بتعمل الصوت