♨ ياجماعة انا بحب (عربيات البيك أب ) ♨ هل تشاركني هذا الرأي ؟

http://www.myrodas.com.br/images/car...07%20Aro20.jpg

منذ نعومة اظفاري هههه ( حلوة اظفاري دي )
المهم من يوم ماكانت ضوفري صغيرة .... وانا بحب الهايلوكس .... وعربيات البيك اب بصفة عامة ... لكن مش قادر اترجم حبي وعشقي وغرامي بعربيات النص نقل لحقيقة لاسباب كتير مش بس ارتفاع تمنها .... لكن الحكومة بتجبر سواقين النقل انهم يكتبوا على رفرف العربية ارقامها .... وانا لغايت دلوقتي معرفش ايه الحكمة من ذلك ؟

@@@@@@@@@@@@@

وسبب اخر هو ان عربيات النقل لايمكن ترخيصها ملاكي .... بمعنى اني عاوز اقتنيها لمجرد حبي ليها انا مش هشتغل عليها ... او حتى احمل عليها .... لكن بحبها يا عالم. بحبها يا ناس

لو جم وقفوك في لجنة .... اكيد هتعامل معاملة سيئة. و( رخصك. ) يا سطة !!!
ده غير ان مش كل الشوارع متاحة ليك .... وممنوع تمشي في شوارع كتيرررر غير بتصريح اسمو (تصريح المشي في الممنوع) ههههههه اسم التصريح يدحك بجد .... وطبعاً كل ما هتطلع على المحور هيوقفوك .... كل ما تيجي تنزل نزلت الزمالك هيوقفوك كل ما تطلع على كورنيس المعادي هيوقفوك ... يبقى لا مكان لعاشق زي انوا يقدر يركب عربية فور باي فور بيك أب ... ورغم ان في من الهايلوكس عربية اختها (مصندقة ) سموها فرنيتشر بس يا اخي مش بالعها من زور مش عارف ليه ... الهايلوكس غرام تاني وسحر تاني. وقوة تانية

http://www.drivearabia.com/news/wp-c...lux-Xtreme.jpg

حتى متعت سواقت البيك. تختلف عن متعت سواقت الجيب .... العربية مش بس مجرمة لا وبتخليك مجرم اسفلت .... وتجمد قلبك وتقدر تبلطج براحتك مع شعب بلطجي خلقة .... بس تصور تكون راكب عربيه تمنها ربع مليون .... ويجيلك واحد ويقلك ايووة ياسطة ... ههههههه والي راكب عربية ب ٣٠ الف. يقولوا باشا اتفضل .

http://blog.vandiscount.co.uk/wp-con...yota-hilux.jpg

العربية بجد سحراني ... وبقعد فاتح صورتها بالساعات اتئمل جمال سحرها وعشقها ... لدرجة اني عملها ألبوم صور عندي .... وبيني وبينكم لو تئملنا شوارع مصر وفكرنا بعقلانية هنلاقي انها لايمكن ينصلح حال الشوارع دي ابداً من مطبات وبلاعات وحفر وطينة ووحلة وشوارع وعرة غير ممهدة ... فسبحان الله كأن العربية دي وجدت مخصوص لشوارع مصر .... بس مشكلتها المعاملة السيئة الي ممكن يعاملها صاحب البيك اب ... والسمعة الحلوة الي عملوها السواقين الجهلة الي بيسوقوها .... فسئالي هنا هل في حد بيشاطرني نفس المشاعر ونفس الحب الي ساكن فيا اتجاه عربيات البيك أب .

@@@@@@@@@@@@@@@

وتحياتي

ده انت جيت على الجرح
انا نفسى فيها من زمان بس مشكلتى فى الشوارع الممنوع فيها المرور مش عارف هى هتوسخ الشوارع دى ولا ايه
ودلوقتى بيفكروا هيزودوا الجمارك عليها (على كل الدوبل كابينة)ومعاملتها كسيارة ملاكى مرفهة

http://vehicletraders.co.za/upload/1...2657_2_big.jpg

معاك حق يا عزيزي
نفسي كدة لو تترخص ملاكي .... ويحق لاي انسان امتلاكها بسعر معقول .... انتا تعرف في الخليج ... كل اسرة وكل بيت لا يخلوا من عربية هايلوكس ... يعني لمن بيحبوا يطلعوا البر طالعين يملوا مية ... رايحين يشتروا شوية حجات للبيت كلو كلو هايلوكس .... حتى في اثناء حرب تحرير ليبيا من القذافي لو تلاحظ كل عربيات الملاكي ركنت على جنمب. والعربيات الي طالعة تحارب مرتزقت القذافي هيلوكس يعني عربيات. من الاخر بتنفع في السلم ووقت الحرب
مشكلتنا في مصر سواقين المخصوص او بتوع عربيات شوفارلية الدبابة وبلطجتهم على الناس المحترمة. وازعاجهم وتصرفاتهم الغير مسئولة. ... انا واحد منهم كان هيقلبني على طريق الساحل الشمالي رمل وزلط مدلوق على الطريق وده كابس ورايا ومش عارف اهدي لانوا لازق فيا من ورا ... وقفتوا وبتخانق معاه بيقولي ياباشا جمد قلبك متخفش قلتلوا لا اخاف ياحبيبي. انا عربيتي خفيفة بس انتا عربيتك اتنين طن ممكن تدوس على الزلط متتقلبش. لكن انا عربيتي حتت زلاطاية تقلبني ومينفعش تلزق كدة في عربية قدامك واحنا ماشين على ١٤٠ ومش مدين فرصة افرمل

بس بصفة عامة العربيات ال 4x4 والكبينتين المفروض انها تترخص ملاكي عادي لان اغلب صحابها بيكونوا عاقليين ... وتحياتي

انا عن نفسى بحب الاماروك جدا و ال l200 بس للاسف زى ما انت قولت نظرة المجتمع لسائق البيك اب بتبقى وحشة اوى

على فكره زمان كانالصندوق بتاعها بيتقفل بكابينه زجاج وفيبر وتترخص ملاكى عادى لكن دلوقتى اتلغى الكلام ده وعلى فكره انا عندى اشترى عربيه دوبل كابينه كامله أحسن من الملاكى وعلى فكره برضه لسه مسروقه منى واحده هاى لوكس 2010 4x4 فول اوبشن اتسرقت منى فى قليوب فى حته اسمها سنديون وكل سنه وانتم طيبين راحت طبعا والخطه اللى جايه هشتريه بس فولكس عجبانى ونفسى اجربها

[frame="6 50"]

طب ودي مين مبيحبهاش
؟

[/frame]

اااااه انتوا قصدكم على الفولكس البيك اب
الي كانت عربية احمد حلمي في فيلم ( بلبل حيران )

http://t0.gstatic.com/images?q=tbn:A...kEpHa5L27PDQDw

بيني وبينكم عربية جميلة بس التويوتا ليها رونق تاني ... اول ناس ابتدت تهتم بشكل العربيات النص نقل
هما شركة ايسوزو الدي ماكس. ركبتها كزا مرة تبع الشغل يااااا.ه على القاعدة فيها وسحبها
بس الهايلوكس بجد بجد متفوقة عليهم كلهم في قوة تحملها :)

http://sfiles.d1g.com/photos/37/46/4704637_max.jpg

هيا كدة ممكن تترخص ملاكي. ؟؟

http://forums.jraaa7.com/imgcache/182186.imgcache.jpg

شوفتوا انتوا الايسوزوا الدي ماكس الجديدة ٢٠١٣
لسة نازلة قريب الشكل الجديد
بس مش عاجبني فيها انها تقليد للهايلوكس القديم

http://t3.gstatic.com/images?q=tbn:A...TKsQiSyNrMb4sJ

http://t1.gstatic.com/images?q=tbn:A...fmRfMv0-fhjhyR

جتلى على الجرح العميق جدا
بس للاسف الترخيص نقل او تدفع فرق الجمارك عشان تبقى ملاكى

http://2.bp.blogspot.com/_TaR8hWP6oZ...OYOTA_1_12.jpg

http://4.bp.blogspot.com/_TaR8hWP6oZ...heels(com).jpg

http://2.bp.blogspot.com/_TaR8hWP6oZ...heels(com).jpg

http://4.bp.blogspot.com/_TaR8hWP6oZ...heels(com).jpg

http://1.bp.blogspot.com/_TaR8hWP6oZ...heels(com).jpg

http://www.pomtco.com/accessories/pi...ccessories.jpg

موضوع جميل كالعاده و تسلم ايدك يا باشا فقلت ادخل لازم ادخل أشارك. :8941[1]:
الهايلكس عربيه ممتازه و الدوبل كابينه بتاعتها كشكل و عفشه و كماليات حتى تنفع تبقى عربيه ركوب محترمه و خساره تستخدم كسياره نصف نقل بصراحه و بعدين ما هى بتمشى ببنزين زى الملاكى فمش عارف بصراحه ايه الحكمه انها لازم تترخص نقل. المفروض تتعامل معامله الدفع الرباعى مثلا ما هى بتكتب فى الرخصه ليموزين . هى ممكن تترخص ملاكى على فكره بس محدش بيعمل كده لان فى الحاله دى لازم تدفع جماركها كامله و بالتالى سعرها هيضرب لفوق قوى. اعتقد فى ناس كتير زى حالاتنا بتحب العربيه دى بس المشكله ان حتى الاسره هتعترض عليها جامد :) يعنى الأولاد هتعتبر بالنسبه لهم فضيحه وسط زملاؤهم و هياخدوا عليها تريقه قد كده و حتى الجيران هتشك فى مهنه الواحد ده غير معامله المرور و السايس بتاع الباركنج و خفه دم الشعب المصرى فى التريقه لو مثلا راكنها فى مارينا و لا بتفكر تدخل بيها نادى و لا باركنج اوتيل : العربيه هتبقى منبوذه زى عنتر ابن شداد وسط القبيلة بتاعته اللى عارفه قيمته لكن فى نفس الوقت بتستعر منه :Zb_sor1[1]: . هى تقريبا تويوتا قلبها حاسس بالموضوع ده فعلشان ما تزعلش الناس عملت الفورتشنر بنفس الشاسيه بتاع الفورتشنر و قريبه جدا فى الشكل منها بس على هيئه عربيه ركوب تترخص ملاكى و تريح الناس كلها و تبقى متقفله جاهز و سبع مقاعد و علشان كده العربيه دى بقت بتتباع كتير و بالذات ال 4000 cc منها و ان كنت شايف ان سعرها محتاج ينزل شويه خاصه بعد التجميع فى مصر و اعتقد ان مبيعاتها ممكن تتأثر بشكل واضح زيها زى المواتير الكبيره لما البنزين يبقى بكوبونات لو الكلام ده اتطبق فعلا :stink[1]: