مفتاح السايبا الاصلى و الاحطياطى ضاعوا كلمت التوكيل بتاعها الزبالة قالوا لازم الرفم اللى كونت مستلمو مع العربية و طبعا الرقم ضاع مكنش فى دماغى انه مهم فقترحوا انهم هيغيروا الكونترول و امبريزر تقريبا ب 2800 جنية و العربية السوفت وير بتاعها مش موجود عند بتوع المفاتيح و فى واحد بتاع مفاتيح قاللى هطلع الايفو بتاع العربية و هعملهولك ب 1200 فهل من اقتراحات ؟؟
انا كنت شارى مفتاح من التوكيل و المفتاح بيفح الباب و الكونتكت لكن مبيدورش
السلام عليكم
قلبى معاك مشكله كبيره اللى اعرفه من قرائتى ان فيه اللى بيفك الميمورى فى الكنترول وبيقرا الشفره ويرجع يسجلها على الايسى التى تسمى المفتاح وبكده يشغل الايموبليزر وتعمل العربيه والمفروض التوكيل يعرف يعملها فممكن تسئل تانى عند بتوع المفاتيح وبيقولو فى واحد اسمه حاجه شوقى امام الوفاء والامل بيشتغل فى الكنترول والريموت ممكن عنده حل ونرجو معرفه ما ستفعل للافاده والتعلم
روح عند سعيد بتاع المفاتيج اللى فى جسر السويس عند محطة المصانع انا كنت فكيت الايموبيليزر و وديتة عندة من غير فحمة ولا كنترول و عملتى اتنين فاحمة ب 250 ج بس لعربية اوبل و اعتقد ان عندة للبرايد
و خد دة عنوان و تليفون المحل اتصل وشوف قبل ما تروح
اشكركم جدا يا جماعة على المساعدة و هتصل بيهم و هقولوكوا انا عملت ايه
السلام عليكم
لم تفدنا بما فعلت مش معقوله لم تحل الى الان ارجو الافادة
مفض ان كان حلها يقول لنا ازاى للأفاده وربنا معاه
يا جماعة اسف على التأخير بس الصراحة كانت ايام مش ظريفة خالص اولا كلمت سعيد بتاع المفاتيح و حكتلوا على المشكلة قاللى هتتكلف 550 عقبال ما جبت ونش و وداتلوا العربية بقدرة قادر قاللى بتناكة شديدة هتتكلف من 800 ل 1000 قولت مانت قولتلى 550 قاللى لا قولتلوا هستلم العربية امتى عشان انا مستعجل اوى عليها قاللى معرفش لسا و لو مش عاجباك خلاص وانا للاسف معرفش حد تانى يعملى الحوار دة غيره فقلتلوا ماشى يا عم بس حاول تنجز راح قاللى ان شاء الله بس تانى يوم بليل بكلمو ا قاللى فى مشكلة فى الكهرباء قاللى تعالى بكرة بعد ما هجيب كهربائى يصلحها عشان ترمبة البنزين مش شغالة قولتلو ازاى يعنى قاللى معرفش روحت رايحلو زى ما قاللى فى اليوم الثالث اشتريت كتاوت للترمبة عشان عملت معايا نفس المشكلة ابل كدة بس باردو مشتغلتش فضلت من الساعة 6 لحد 12 بليل مستنى الكهربائى عشان يجى فى الاخر راح قاللى مفيش كهربائية فاضيين النهردة تخيلوا حاجة زبالة رابع يوم كلمتوا قاللى الكهربائى عمل اللازم و شاف ان كلة تمام و عملك وصلة خارجية من البطارية للترمبة ةو اخد 100 جنية المهم قولتلو الحساب كام قاللى 700 مفتاح و 100 كهربائى اعدت افاصل روحت منزلهم ل 700 كلة
روحت للتوكيل ف 6 اكتوبر عشان اشوف حكاية الترمبة على الجهاز المهندس قاللى دة لاغى الكنترول ف لما لغاه التمبة وقفت عشان كانت شغالة عبر الكنترول و قاللى انها هتحتاج امبليظر و كنترول و هيصلح الضفيرة تقربيا هتبقى ب 3200 بس فكلمت سعيد فى التليفون قاللى تعالى وانا هوصفلك كهربائى هيظبط الموضوع دة بس انا خلصت من التكيل و رحت بليل لكهربائى فى السابع عمل وصلة من الضفيرة لعلبة الفيوزات عشان الترمبة تشتغل مع الكونتاكت بس انكلفت 10 جنية
السلام عليكم
ليه مروحتش اللى قلتلك عليه وبعدين سعيد ده كتير فى المنتدى بيقولو نصاب اوى انت كده مش مشغل العربيه على طبيعتها وممكن مشاكل كتير تحصل ربنا معاك
الاخ الفاضل صاحب مشكلة المفتاح لو اتحلت يبقى الحمد لله لكن لو فى اى استفسار عن قطع غيار السيارة سايبا برايد ( الاصلية) وارد المصنع ارجو الاتصال على
01278002553 أو 01278002770
منفذ بيع قطع غيار سايبا برايد الاصلية الان بالقاهرة المعادى صقر قريش ، وتسعدنى خدمتكم فى اى وقت
جزيل الشكر والتقدير
اقتباس:
المشاركة الأصلية كتبت بواسطة م / اسلام كرار
الأأخ الكريم
المشكلة اتحلت من سنة فاتت بالتمام والكمال .
بس بعد إذن صاحب الموضوع ناخد فكرة عن السايبا برايد كإمكانيات وسعر وتوافر قطع غيار
الاستاذ الكريم ، بعد التحية اود ان ارحب بالسادة مالكى السيارة سايبا برايد ، واوضح ان شركتى المتواضعة متخصصة فقط فى قطع غيار السيارة سايبا برايد الاصلية وهى متوفرة الان بمنفذ البيع مع خدمة الفحص الاليكترونى وكشف الاعطال للسيارة ، ونعدكم ببذل قصارى جهدنا لتلبية احتياجاتكم وتوفير كافة قطع الغيار أو اى استفسار فنى عن السيارة سايبا برايد...
اما بخصوص السيارة من حيث الامكانيات والسعر فيمكنك اخى الكريم الرجوع لوكيل السيارة المعتمد...
اطيب التحيات