الموضوع: مشكله قانونيه لصديق

المشاركة الأصلية كتبت بواسطة mohamed_selim

قانونا العقد بيمتد لوالده ( او والدته حسب جده ده من انهى ناحيه) و لو والده او والدته لا قدر الله توفو ينتهى العقد و يطلعو بره الشقه
اللى بيحصل انهم يتفقو مع اصحاب الملك لنقل العقد ودى و حسب العلاقه بينهم ... اصحاب الملك ممكن يوافقو بعقد جديد مع تعديل اليجار و ممكن يطلبو مبلغ و ممكن يرفضو اصلا .... على العموم لوهيتفقو يعملو عقد جديد هيكون ايجار جديد بس ممكن يتعمل ٩٩ سنه

ربنا معاه

شكرا لردك السريع , بس هو ازاي يعدل العقد علشان يكون بأسم والده , يعني افرض رفض المؤجر ايه العمل ؟

المشاركة الأصلية كتبت بواسطة mohamed_selim

مفيش عمل فى الحاله دى .... لازم صاحب الملك يوافق ... غير كده يفضلو فى الشقه لحد ما والده يتوفى و يفضوا الشقه ( مش متاكد من الاجراءات بتكون ازاى بالظبط بس ساعتها بيكون لصاحب الملك الحق فى اخذ الشقه)

شكرا جدا لحضرتك , وفعلا ربنا معاه

المشاركة الأصلية كتبت بواسطة y a r i s

هيا فعلاً موضوع الايجار القديم دي مشكلة ملهاش حل
الى الان ايجارات. ١٣ جنية. و ٢٥ جنية. في حين ممكن المالك عندوا عيال ومش عارف يلاقيلهم شقة يتجوزوا ويعيشوا فيها .... وفي نفس الوقت مستاجرين غلابة هيروحوا فين ولا هيلاقوا شقة فين. .... بس المفروض يبقى ليها حل تدريجي ويبتدوا بالمحلات ثم ينتقلوا للشقق. ويكون في تسوية اوضاع لان كده بجد في ظلم سواء اكان للمالك او المستاجر

مع حضرتك في كل كلمه ,وانا رأيي يتم عمل حد ادني للاجور ويتم علي اساسه تحديد قيمه الايجارات لعقود الايجار القديم , بحيث لا نهضم حق المؤجر و في نفس الوقت المستأجر يبقا حاسس بالامان

كقاعدة عامة طبقا لهذا القانون الظالم :
إذا كان تاريخ الوفاة قد حدث يوم 14/11/2002 أو قبله (تاريخ نشر حكم المحكمة الدستورية في القضية رقم 70 لسنة 18 ق دستورية) فإن عقد الايجار سيمتد للأبن والزوجة وكلاهما يعد مستأجرا أصليا وعقده قائما حكما , وسيمتد العقد بعدهما لأقاربهما من الدرجة الاولي حال وفاة أيهما أو تركه العين . أما إذا كانت الوفاة يوم 15/11/2002 وما بعده فإن عقد الايجار سيمتد للأبن والزوجة ولكن لن يمتد لغيرهما فإذا توفيا أو تركا العين خلصت لك باعتبارهما ممتدا اليهما عقد الايجار وليسا مستأجرين أصليين .


وبناء على ذلك ان الجد توفى عام 69 اى قبل 2002 وبالتالى ابنه المقيم معاه حتى وفاته هيعتبر مستاجر اصلى اذا توفى هذا الابن لقدر الله هيمتد عقد الايجار لزوجته واولاده المقيمين معه حتى الوفاة للاقارب من الدرجة الاولى فقط مرة واحده فقط وبعد وفاتهم جميعا او تركهم جميعا للعقار فمن حق المالك ان يسترد الشقة ...

وهناك لجنه معده حاليا من قبل وزارة السكان لتعديل هذا القانون الظالم وايجاد حلول متوازنه لا تظلم المالك ولا المستاجر ...

السلام عليكم
بعيدا عن الرأي القانوني.
هذه الحالة شائكة و محيرة.......فهناك من يرى أن المستأجر مظلوم!!
و هناك من يرى أن المالك مظلوم!!!
فوفقا لمشكلة صاحب الموضوع الجد هو المستأجر...و من المتوقع أنه استأجر الشقة من جد المالك الحالي...و ربما يكون الايجار حوالي 30 جنية او اقل.....و قد يكون المالك يحتاج الى هذه الشقة لأولاده او احفاده.
لذلك أنا اتصور أن هذه المشكلة لا يجب بحثها من المنظور القانوني فقط ...بل من المنظور الشرعي.
من منظور حق الملكية.........ما هي حقوق المالك في ملكه
و ايضا حق المستأجر ..........الذي يشكل 70% من السكان في مصر

لي رأي في هذا الأمر و هو ليس فتوى شرعية حتى لا اتحمل مغبة الخطأ و ليس رأي قانوني
إذا كانت الأسرة تملك من القدرة المادية ما يتيح لها ايجار جديد او شراء سكن و كان المالك في حاجة للشقة المستأجرة...فلتترك له الشقة فورا عقب انتهاء عقد الايجار اذا توفى الأب ( بعد عمر طويل )
اما اذا كانت الأسرة ليس لديها امكانيات لذلك.........فليكن التراضي و المفاوضات الودية هو سيد الموقف و ليس الحلول القانونية