لوجان أوتوماتيك ولا سانديرو أوتوماتيك .. من الأخر بقي علشان الموضوع بقي رخم أوي

السلام عليكم
بقي الحكايه ياحضرات اني مرووش بقالي 4 شهور محتار في موضوع العربيه ده

وكان الحمد لله ربنا هداني وهجيب لوجان أوتوماتيك
وكنت رايح والله بالفعل النهارده أحجزها في التوكيل

يقوم يشاء ربك اني أقابل واحد زميلي بقالي 3 سنين مقابلتوش وأحكيله القصه

يقوم يقولي متجيب السانديرو أحسن

دلوقتي ياجامعه من الأخر كده علشان والله الموضوع بوخ أوي أوي أوي


لوجان أوتوماتيك ولا سانديرو أوتوماتيك

وياريت نعرف الفرق علي مستوي الخبره والفرق علي المستوي النظري بينهم




شكرااااااااااااااااااا

تقريبا مفيش فرق كبير
راى سانديرو

طب متعرفش ياباشا هينزل ستيب واي اوتوماتيك ولا لاء ؟؟؟؟

والسانديرو بالحجز برده زي اللوجان في التوكيل ؟؟؟؟؟

وبتيجي بعد ايه ؟؟؟؟

ووتقفيلها مغربي برده ؟؟؟


والفتيس والموتور فرنسي برده ؟؟؟؟؟

لوجان ماتور وفتيس وعفش واعاده بيع وقطع غيار مقبوله جدا

مش المفروض ان اللوجان والسانديرو نفس الموتور والفتيس والعفشه بس الفرق في الشكل بس ؟!!!!!!!!!!!

ايوه ياباشا هى هى لوجان فتيس وموتور بس اللوجان 16صباب الستيب واى 8بس
كلهم فرنساوى تقفيل مغرب
كله بالحجز من 3الى 4شهور مفيش من الاستيب واى اوتو ومش هتنزل دلوقتى لو فى نيه انهم ينزلو
اى استفسار انا تحت امرك