عرض للطباعة
السلام عليكم:
جتلى رسالة عى الموبيل من غبور بتقول :
لفترة محدودةحصم 20% على قطع الغيار وادفع المصنعيات على حسب تقديرك العرض لا يسرى على الصيانة الدوريةز
حد جاتلة الرسالة دى
ومعناها اية و لو حد استفاد منها ممكن يقولنا
انا اتصلت بخدمة العملاء و قالوا العرض لحد 31 ديسمبرز
ياريت حد يفدنا
و شكرا
و السلام عليكم.
حاجة حلوة يعنى هيشيل الضريبة يعنى!!
طيب ما قطع الغيار بتتباع بره التوكيل من غير ضريبة مبيعات!!
عمتا هروح أشوف تيل فرامل أمامى لنيو أكسنت بكم
سألت عليه عند موزع معتمد 325!! هشوفه فى التوكيل بكم وأقولكم..
وانا بحجز علشان اغير المساعدين قالولي ا ن في خصم 20% علي قطع الغيار خلاف المصنعيات
ربنا يبشرك يا باشا.... كنت ناوي اروح بكره ان شاء الله
العرض لا يسري على الصيانات الدوريه !
طب يخليهاله بقى :d لأني داخل على صيانة 100 الف كيلو
وكمان ادفع المصنعيه على حسب تقديرك. والله ولاد حلال
ولا مليم :d
هو لو 20% خصم يبقى مش وحش لان الضريبة 10 % يبقى كدة ضمنت قطعة الغيار اللى هجيبها وباقل من سعرها برا.بس هل يسرى العرض على الموزعين المعتمدين؟
ومش فاهم حاجة من التليفون.يعنى ايه المصنعية على حسب تقديرى.يعنى لو عاوز اغير التيل وادفع 20 جنيه ؟ ماشى.يقولى اه يا افندم بس اسعار المصنعيات بتختلف من شغل للتانى.
مشكوررر يا باشا
وكويس اني في خصم من غبور حتي لو 1 %
يا جماعة الموضوع دا صحيح: أنا عملت إمبارح صيانة ال 30 ألف للسيارة نيو أكسنت 2011 وغيرت طقم تيل فرامل أمامي كامل.السعر قبل الخصم 330 جنيه وبعد الخصم 264 جنيه.
السلام عليكم:اقتباس:
المشاركة الأصلية كتبت بواسطة abuwaleed
مبروك صيانة ال30
طيب المصنعية حاسبوك على الصيانة العادية و لا اية.
و لو غايز اجيب القطع الغيار من عندهم بس و اعملها برة
بردو فى خصم
و شكرا
ياريت يكونوا صادقين
http://www5.0zz0.com/2012/12/11/16/912787629.jpg
تم تعديل الصورة لتناسب الموضوع .
3 ب
6:53 pm
11/12/2012
بعتولى رسالة
طلعت إشتغالة يا رجالة
رحت النهارده مخصوص أشترى شوية قطع غيار طلع مقلب وقالولى ده لما تعمل صيانة!! أعمل صيانة!!
طيب ولا بيبيعوا قطع غيار لوحدها ولا العرض شامل الصيانة الدورية!! أمال اللى هيروح هيستفيد إيه؟؟
هوا ليه الإستهزاء بالعملاء؟؟
السلام عليكم:
ياريت لو حد راح يفهمنى انا لو عمات صيانة ال40000 فاكيد هاغير قطع غيار هل هاتحاسب على الصيانة فقط ولا اية و لا دى حسابها حاجة تانية
وشكرا
صراحة أنا مش فاهمهم
مفيش خصم على صيانة دورية
حضرتك ممكن تغير حاجة مش هيعملوها!! يعنى ممكن تغير تيل فرامل , فلتر تكييف , فلتر بنزين,, لو مش هيتغير فى الصيانة الدورية وتاخد عليه خصم 20%
أو ممكن تغير التيل بعد ما يركبوه وتركب واحد تانى عشان يديك خصم!!
أنا صراحة لما رحت إتصدمت وحسيت إن شكلى وحشششششششششششششششششششش
حاجة مسخرة
كلام حضرتك سليم.
اللى هيعمل صيانة دورية وهيغير حاجة المفروض هيغيروها مش هياخد خصم ومش هيدفع على مزاجه تمن المصنعية.
مثلا:انا كان عندى مشكلة وعاوز اغير التيل الخلفى روحت وغيرته ومصنعيته كانت المفروض 80 جنيه.لما خلصوا شغل المهندس قاللى ها عاوز تدفع كام وانا فاكره بيهزر.وفعلا قولتله ماشى هدفع 20 جنيه قاللى لا كدة قليل اوى ايه رايك تدفع 40(النص) قولتله خلاص هدفع 30 وفعلا اتكتب 30 فى الفاتورة واخدت خصم على قطعة الغيار كمان(التيل الخلفى).
اعتقد انهم عاوزين عدد اكبر يعمل الشغل عندهم ويشغل فروعهم ويشترى قطع غيارهم واللى هى بالقطع افضل لانها على الاقل اصلية ومضمونة.
هيا قطع الغيار أفضل ما قولناش حاجة بس المشكلة إنها موجودة عند الموزعين المعتمدين من غير ضريبة والمفروض إن سعر قطعة الغيار عند غبور يبأا شامل الضريبة وما يضيفهاش..
ده غير المصنعيات اللى بتبأا أغلى من بره التوكيل وده مش فى كل حاجة!!
ده غير إن إحتمالية التقفيل السليم أثناء الصيانة 50% لو مارجعتش على الحاجة بنفسك بعد ماتاخدها من التوكيل..
باشا بعض أذن حضرتك ممكن اختلف مع حضرتك في موضوع قطع غيار مضمونة دي ، انا من 5 شهور كانت محتاج قاعدة فتيس خلفية للجيتس بتاعتي اللي ربنا أكرمني وبعتها من اسبوع ، المهم حصل ان القاعدة دي حصل فيها مشكلة وأتقطع الكاوتش اللي فيها ، روحت التوكيل عشان يبص عليها انا كنت شاريها من غبور فرع شبرا مصر ، المهم المهندس اللي في التوكيل قعد يقسم انها مضروبة وانها جاية من محل مضروب طبعاً قعد يحلف ويتنطط ويقولي عشان حضرتك تعرف انك لازم تشتري من التوكيل عشان تضمن قطعة الغيار ، المهم قولتله ممكن تنزل العربية من على الكوريك اوريك حاجة نزلها فعلاً وفتحت الشنطة وجبتله فاتورة الشراء اللي انا شاري بيها القاعدة دي من غبور نفسه فرع شبرا , اول ما شافها جاتله حالة من الكسوف والهلع ومردش بولا كلمة ، قولتله لسه مصر انها مضروبة مردش قالي ثانية واحدة وسابني و ماشوفت وشه في الورشة تانية المهم الفني رفع العربية وأكدلي هو كمان انها مضروبة ووراني واحدة أصلية في عربية تانية وأتأكدت انها مضروبة ، روحت لواحد حبيبي في الحرفيين وعرفني ان غبور والعيال البياعين بتوع قطع الغيار اللي عنده بيبعوا الأصلي بره للموزعين زي المنير والرياض والصاوي وغيرهم وبيجبوا هما صيني يبيعوا في التوكيل وطبعاً انت عمرك ما هتشك بنسبة نص في المية انها مضروبة ، ده التوكيل يا عم رضي الله عنه وأرضاه ، وهذه حكاية ضرب قطع الغيار في التوكيل عشان كده لو نزل 50% هو برضه كسبان كويس أوي ، عشان كده نصيحة لوجه الله أشتري حاجتك من بره وركبها في أي مركز خدمة معتمد عشان الضمان بتاع العربية ميروحش وتكون ضمنت قطعة الغيار السليمة مش هنقول الأصليه ولو عرفت تجيت قطعة غيار كوري هاتها متجيبش اللي يقولك أصلي عشان اللي بيجيب كوري بيجيبه نضيف لكن غبور افندي بيجيب من الصين بمساعدة زعيم العصابة اللي عنده أستاذ نعيم ناجي اللي ماسك الشحن والأستيراد في أيتامكو غبوراقتباس:
المشاركة الأصلية كتبت بواسطة ayman-ahmed
مفيش حد عبرنى !:angry27: ولا بعتولى مسج حتى !
حد جربها ولا اشتغالة من عم هبور ؟!
عندك حق..اقتباس:
المشاركة الأصلية كتبت بواسطة houseiny
أنا مره روحت فى الضمان غيرولى الكاسيت عشان كان فيه عيب فى فترة الضمان وطبعا مكنتش مسدأ نفسى.. لما استلمت العربية لقيت كم مسمار جنب عصاية الفتيس وطبعا أنا قلت إنها زيادة والكاسيت الجديد أكيد معاه مسامير جديدة وفيهم الخير إنهم سابولى شوية مسامير أصلية من الكاسيت القديم..
جيت بعديها جبت كاسيت أصلى إستيراد بتاع هيونداى ولما خلعت الوش بتاع التابلوه إكتشفت إن الكاسيت مش مربوط وإن المسامير دى كانت بتاعت الكاسيت ومحدش ربطه أصلا...
يبأا ده توكيل يعتمد عليه!!!