النهارده كنت عند تاجر قطع غيار بشوف الاكسسوارات الغريبة اللى بتنزل فى العربيات الاستيراد!!
المهم بعتنى المخزن بتاعه ولقيت عنده عربيات كتير أشكال وألوان هيونداى أكسنت وماتريكس وإلنترا وأغلبية الكورى..
المهم فكرت إنى أستأذنه فى تصوير العربيات اللى عنده وتفاصيلها عشان الناس تستفيد من الموضوع وممكن كل عضو يقدر يروح عند تاجر يصورلنا اللى عنده وممكن ساعتها نتفرج على العربيات وإكسسواراتها وقطع غيارها من غير مانروح!!
بس مش عارف إدارة المنتدى هتعتبره تسويق للتاجر وللا إيه؟؟ بس الموضوع عاجبنى وخاصة إن فى حاجات محدش ممكن يتخيلها موجودة فى الإستيراد.. وكمان التاجر ممكن لما يلاقى فى دعاية يعملنا تخفيضات وممكن لما الموضوع يعجب التجار وخاصة إن البعض منهم لا يعترف بالتسويق والإنترنت يتحول الموضوع للتعاقد مع إدارة المنتدى!!
ياريت رأيكم فى الموضوع..
المفضلات