موضوع حول نسبة الخساره فى اعادة البيع بين السيارات الكوريه والسيارات الاوروبيه

استطلاع الاراء حول نسبة الخساره فى اعادة البيع بين السيارات الكوريه والسيارات الاوروبيه فى الفئه السعريه من 150 الف جنيه فما فوق


يعنى خليكو معايا لو عربيه بــ 168 زى الالنترا فولى لوود تنزل قد ايه او سعرها ممكن يكون كام بعد اربع سنوات الى عشر سنوات من شرائها ؟؟

وفى المقابل عربيه زى الاوكتافيا اول فئه مثلا بــ 170 الف او استرا كوزمو سيدان بسعر 167000 سعرها حيبقى كام بعد اربع سنوات الى عشر سنوات من شرائها؟؟

بسأل عشان نعرف على ارض الواقع ماهى نسبه الفاقد من سعر العربيه بالمقارنه بين المدرستين فى سعر اع البيع عشان الى متردد فى شراء عربيه بسبب جزئية اعادة البيع

ورجاء مش عايزيين نتفرع فى الردود ونتطلع بره الموضوع

تحياتى للجميع

اربع او عشر سنين مدة واسعة اوى

يعنى الحال بعد اربع سنين غير بعد 10 سنين

لو اكتر من 5 سنين اظن هتلاقى فرق لا يذكر بين الاثنين خصوصا ان الالنترا سعرها غالى عشان الاوبشنز اللى فيها ( اعلى فئة ) و الاوبشنز فى اعادة البيع مش هتفرق كتير اوى يعنى مثلا شوف عربيات 2006 و شوف الفرق بين البيزلاين و الهاى لاين هتلاقى فرق الاف قليلة مش كتيرة عكس ما كان الحال فى الزيرو

انا رائى انى الاوربى بيحافظ على سعره بعد 6 او سبع سنين انما الكورى هيكون فى الخساره فيه اكتر

اقتباس:

---

المشاركة الأصلية كتبت بواسطة amz2011

انا رائى انى الاوربى بيحافظ على سعره بعد 6 او سبع سنين انما الكورى هيكون فى الخساره فيه اكتر

---

رأى مخالف تماما عما يقال !!!!!!

متابع

متابع

ثقافة الجمهور هى الى بتحدد سعر اعادة البيع يعنى كلما انتشرت السيارة وسهل الحصول على قطع غيارها كلما غلى سعرها فى اعادة البيع يبقى الكورى يكسب لهذا السبب

انا حاسس انه فئة ال 150 الف فيما فوق مش هتكون فيها اختلاف كبير
لانها شريحة سعر معينة ومدركة من الي بيتشري
فاعادة البيع اعتقد هتكون متقاربة
مجرد راي ..

الخساره هتكون واحده تقريبا و خصوصا فى الوقت ده لان بعد 7 سنين مش هيكون فى جمارك على العربيات الاوروبى فالطبيعى ان الناس هتتوجه للزيرو منها فى الوقت ده الا لو جد جديد فى تمن الجنيه مقابل الدولار فى الحالة دى سوق المستعمل كله اما هيعلى اوى او هينزل اوى

بس مثلا من 10 سنين العربيات الكورى الى كانت ب 80 بقت ب 40 او 45 و الالمانى الى كان ب 120 بقى ب 60 او 70 يعنى كله بيخسر حوالى 50 % من تمنه بعد 10 سنين

بس لو البيع بعد سنه واحده مثلا هتلاقى ان ابو 80 بيخسر 15 يعنى حوالى 20 % بس الى ب 150 او اكتر بيخسر 30 يعنى برضه 20 % بس التجار عندنا هنا هما الى بيتحكموا فى السوق و ده الى خلى عربيه زى الهيونداى الالنترا مع احترامى ليها كعربيه ب 120 الف مثلا تبقى ب 168 نفس تمن الاوبل استر الفئه التانيه الى فيها وسائل امان اكتر بكتير جدا و اغلى من السوبارو الى كفايه التكنولوجيا بتاعه الموتور و الدفع الرباعى و التعليق الى فيها

طب ندى أمثلة أسهل
أخويا كان معاه سكودا أوكتافيا 2007 سعرها كان تقريباً 170000 باعها فى 2011 يعنى بعد أقل من 4 سنين بـ 97000 يعنى خسر حوالى 43% من تمنها ... ومكنتش متهانه
أنا كنت معايا هيونداى نيو أكسنت 2007 برده كانت بـ 77000 ... لو حبيت أبيعها النهاردة بعد أكتر من 5 سنين مش هابيعها أقل من 50000 يعنى هخسر فيها حوالى 35 %
يبقى الفرق واضح

اقتباس:

---

المشاركة الأصلية كتبت بواسطة algazar2

الخساره هتكون واحده تقريبا و خصوصا فى الوقت ده لان بعد 7 سنين مش هيكون فى جمارك على العربيات الاوروبى فالطبيعى ان الناس هتتوجه للزيرو منها فى الوقت ده الا لو جد جديد فى تمن الجنيه مقابل الدولار فى الحالة دى سوق المستعمل كله اما هيعلى اوى او هينزل اوى

بس مثلا من 10 سنين العربيات الكورى الى كانت ب 80 بقت ب 40 او 45 و الالمانى الى كان ب 120 بقى ب 60 او 70 يعنى كله بيخسر حوالى 50 % من تمنه بعد 10 سنين

بس لو البيع بعد سنه واحده مثلا هتلاقى ان ابو 80 بيخسر 15 يعنى حوالى 20 % بس الى ب 150 او اكتر بيخسر 30 يعنى برضه 20 % بس التجار عندنا هنا هما الى بيتحكموا فى السوق و ده الى خلى عربيه زى الهيونداى الالنترا مع احترامى ليها كعربيه ب 120 الف مثلا تبقى ب 168 نفس تمن الاوبل استر الفئه التانيه الى فيها وسائل امان اكتر بكتير جدا و اغلى من السوبارو الى كفايه التكنولوجيا بتاعه الموتور و الدفع الرباعى و التعليق الى فيها

---

كلام موضوعى .. اشكرك

يعنى تقريبا النسبه المئويه واحده

دي اسعار octavia من على كونتاكت كارز

موديل 2010 ماشية 60 ألف الفئة أوتو أول فئة السعر 132 ألف
موديل 2010 ماشية 42 ألف الفئة أوتو هاي لين السعر 150 ألف
موديل 2010 ماشية 48 ألف الفئة أوتو هاي لين السعر 158 ألف

موديل 2011 ماشية 39 ألف الفئة أوتو أول فئة السعر 138 ألف
موديل 2011 ماشية 67 ألف الفئة أوتو أول فئة السعر 157 ألف

طبعا أول فئة بـ 175 ألف و الهاي لين بـ 215 ألف

أول فئة أوتو خسرانة حوالي 15 ألف في السنة ,يعني حوالي 8.6%
الهاي لين خسرانة أكتر من 20 ألف في السنة ,يعني حوالي 10%

دي بقى اسعار رينو فلوينس

موديل 2011 ماشية 65 ألف الفئة أوتو p2 السعر 100 ألف
موديل 2011 ماشية 68 ألف الفئة أوتو p2 السعر 102 ألف
موديل 2011 ماشية 46 ألف الفئة أوتو p3 السعر 124 ألف
موديل 2011 ماشية 35 ألف الفئة أوتو p2 السعر 121 ألف
موديل 2011 ماشية 70 ألف الفئة أوتو p2 السعر 115 ألف

موديل 2012 ماشية 25 ألف الفئة أوتو p2 السعر 130 ألف
موديل 2012 ماشية 14 ألف الفئة أوتو p1 السعر 123 ألف

طبعا اسعار الفلوينس p1 بـ 132 ألف و p2 بـ 142 ألف و p3 بـ 150 ألف

p1 خسرانة حوالي 10 ألف في السنة ,يعني حوالي 7.5%
p2 خسرانة حوالي من 15 ألف في السنة ,يعني حوالي 10.5%
p3 خسرانة أكتر من 15 ألف في السنة ,يعني حوالي 10%

يعني العربيتين بيلعبوا في رانج 8-10 % خسارة سنوية
يعني لو فيه فروقات في اعادة بيع , هتبقى بسيطة جدا

ملحوظة :

الحسابات واخد فيها المتوسط
الاسعار دي اللي اصحابها كاتبينها (يعني أنا معرفش صح ولا لأ ) و ممكن أي حد يشوفها
أنا جبت اسعار الوكيل اللي حالتها مذكورة بوضوح (يعني سعر و فئة و كيلومتر)

الكوري حيتغلب على الآوروبي

و الأسباب تكاليف التشغيل الأقل كلفة

يعني قطع غيار أقل في السعر وكمان سهولة الصيانة لأن العربية المستعمل مش زي الزيرو

بتحتاج صيانة أكثر وعناية أكبر المهم ان الأوروبي الناس بتخاف منه في المستعمل لكن الكوري لا

طبعا الكلام ده هو الغالب ولا يعني انه مافيش ناس بتقدر ثمن الاوروبي كمان في المستعمل

مبدأيا لازم نعترف ان سعر اعادة البيع ف مصر من اهم نقاط القوة ف اى عربية و دى حقيقة لاتقبل الجدال و فى ناس ممكن تتنازل عن حاجات تانية ف العربية زى الامان مثلا مقابل سعر اعادة بيع كويس و طبعا انا مش متفق مع دا بس الواقع هو اللى فرض كدا علينا عشان احنا بلد الحالة الاقتصادية على قدها و المواطن الغلبان احيانا بيحط شقى عمره ف عربية او يجيبها بالقسط فا مش عايز يلاقى تمنها اتنسف زى الاوروبى فابيجيب كورى و دا طبعا بسبب ان العربيات الكورى دايما سعره اقل و قطع غيارها منتشرة جدا و رخيصة و ميكانيكا العربية سهلة ممكن اى صنايعى نص لبه يظبط الكلام ودا اللى خلى سعر اعادة بيعه ماسك نفسه كويس ,,,,,,,,,
المشكلة بقى ان الكورى بدأ يظهر منه حاجات غريبة زى ال rb مثلا اللى تمنها 110 اول فئة اوتو او الانترا الجديدة اللى بيوصل تمنها ل 168اعلى فئة و دا طبعا كلام مش منطقى خالص ف نفس الوقت الاوروبى عمل شغل عالى زى الفانتازيا و الفلونس و الجولف طبعا و من قبلهم ال 307 اصبح ليهم انتشار كبير اوى و دا معناه ان فى ناس بدات تغير تفكيرها و ع فكرة قطع غيار الانترا الجديدة بتعدى تمن قطع الغيار الاوروبى او الفورد ف شوية حاجات
الخلاصة : انا شايف ان الوضع مش هيتغير لحد 3-5 سنين تانى هيفضل فيهم الكورى عايش على سمعه موديلاته الذهبية زى الشكلين السابقين للالنترا و السيراتو قبل الاخيرة و لو ف الفترة دى فضل الكورى زى ما هو حاليا و الاوروبى كمل شوية ف الصحوة بتاعته اعتقد ان الامور هتتقلب لانك عمرك ما هيكون قدامك كورى و اوروبى و هتختار كورى لو ليهم نفس السعر و نفس سعر و توافر قطع الغيار
عموما انا شايف ان اليبانى مسك العصايه من النص و احسن دليل ع كدة البومة و الكورولا بيحكوا عن نفسهم.

الموضوع ده بيفكرني بموقف حصل معايه
كنت لسه جايب العربيه جولف 6 2011 هاي لاين 205000 و كانت عامله 2000 كم
و عند مدرسه بنتي واحد شكله محترم اوي جه و سالني حضرتك بتفكر تبيع العربيه معرفش ليه سالني كده
المهم قولت ليه ممكن ابيعها
قالي طيب لو حبيت تبيعها انا ممكن احدها منك 140000 كاش
بصيت اوي ليه و يعد شويه ثواني قولت ليه انت بشتغل ايه فالي طبيب و قلت معلش العربيه دي مش بيركبها اطباء روح شوف حاجه احسن بي 140000
و بعد سنه التوكيل اخدها مني 185000 و هي عامله 12000 كم و فيها خبطه في العتب

اقتباس:

---

المشاركة الأصلية كتبت بواسطة Falcon.Crest

الموضوع ده بيفكرني بموقف حصل معايه
كنت لسه جايب العربيه جولف 6 2011 هاي لاين 205000 و كانت عامله 2000 كم
و عند مدرسه بنتي واحد شكله محترم اوي جه و سالني حضرتك بتفكر تبيع العربيه معرفش ليه سالني كده
المهم قولت ليه ممكن ابيعها
قالي طيب لو حبيت تبيعها انا ممكن احدها منك 140000 كاش
بصيت اوي ليه و يعد شويه ثواني قولت ليه انت بشتغل ايه فالي طبيب و قلت معلش العربيه دي مش بيركبها اطباء روح شوف حاجه احسن بي 140000
و بعد سنه التوكيل اخدها مني 185000 و هي عامله 12000 كم و فيها خبطه في العتب

---

بيتهيألي التوكيل اخدها منك عشان عملت trade-in
يعني لو واحد مش هيجيب audi , هل هياخدوها منه برده ؟

يا ريت تقولنا حسبوا نسبة الخسارة إزاي ؟

اقتباس:

---

المشاركة الأصلية كتبت بواسطة ahmed-adel

بيتهيألي التوكيل اخدها منك عشان عملت trade-in
يعني لو واحد مش هيجيب audi , هل هياخدوها منه برده ؟

يا ريت تقولنا حسبوا نسبة الخسارة إزاي ؟

---

حتي في اودي يا افندم اول سنه 15%
و كل سنه بعد كده 10% و انا شايف ان كده كويس مش وحش
و توكيل فولكس بيعمل تريد ان برده

تتفاوت الاراء ما بين مؤيد لتقارب نسبة الخساره ومابين ترجيح كفة الكورى فى اعادة البيع


بس نسيتو ان كلامى حاليا عن الالنترا والكارينز والسيراتو اعلى فئه الى اسعارهم من 140 وطالع هل نسبة الخساره فيهم اعلى من الخساره فى الكورى المويلات الاقل ؟؟؟

اقتباس:

---

المشاركة الأصلية كتبت بواسطة hossam_elwani

كلامى حاليا عن الالنترا والكارينز والسيراتو اعلى فئه الى اسعارهم من 140 وطالع هل نسبة الخساره فيهم اعلى من الخساره فى الكورى المويلات الاقل ؟؟؟

---

اكييييييييييييييييييييييي ييييييييييييييد