-
مشكلة في الفتيس ال a4
بصو يا جماعة انا بقى مشكلتي موال لوحدو والعربية خنقاني اوي انا معاية a4 2007 اتوماتيك عربية حلوة جدا في الجري وسبات ما بعدو سبات المهم انا من فترة كدة كولر زيت الفتيس ضرب عندي ودخل الماية على زيت الفتيس وعمل طحينة روحت لواحد وجابلي كولر استيراد بــ 650 تقريبا المهم العربية كانت بتنتش معاية في الأول والتاني وسعات كانت تمشي حلو اوي وسعات كانت النتشة تبقى دمها تقيل اوي رجعت للراجل قالي الزيت عندك كويس حرام افضيه ونغيرو امشي بيها كدة والزيت جواه ماية الماية ده هتتبخر مع كتر الإستعمال لما الزيت يسخن الماية هتتبخر طبعا لإني مبفهمش ي المكانيكا صدقتو وفضلنا ماشين 3 شهور وانا خلاص زهقت كلمتو لقيتو بيقولي لأ احنا هنحل فتيس ونضفو ونغير بلفو ودخلي بموال كدة تمنو 3 تلاف جنيه وبعدين اجيب زيت تاني بــ ألف ونص يعني كلو بــ 4 ونص طبعا انا قلقت منو روحت لواحد تاني لقيتو كويس الحمد لله لقيت الفتيس ناقص زيت 2 كيلو و زوت الزيت والنتشة راحت نهائي بس فيه حاجة بقى لما بمشي فيها فترات طويلة او مشوار بعيد او اقرض عليها واعدي ال 100 بعد فترة بلاقي العربية بتتأخر في النقلات وال rpm بيوصل لحد 3 ونص او 4 مع العلم اني مش بقرص علي الدواسة بتاعت البنزين طبعا الراجل إل انا روحتلو قالي انا مبيشتغلش في الفتيس من جوة طبعا هنا كل الأأعضاء بعتوني لأحمد زاهر كلو بيشكر فيه حتى المكانيكي ده بعتني لأحمد زاهر روحتلو وقولتلو على مشكلتي بس هو قالي الكولر بتاع الفتيس بايظ ولازم يتغير بقولو طيب تعالى جرب العربية اكشف عليها لقيتو بيقولي انا عارف انا بقولك ايه حتى مفكرش يرفع الكبوت وانا مش عارف هل هو فاهم فعلا ولا بيقول أي كلام وانا يعني صرفت أد كدة وعايز حد يخلصني من ام الحوار ده قالي الكولر تمنو استيراد 800 والصيني 700 وقالي لو عايز الأصلي هتلاقيه في الهاشمية على 1800 الغريب اني روحت توكيل اسكودا في اير توك وقالولي تمن الكلور الأصلي بــ 1250 جنيه هل قطع الغيار في التوكيل ارخص من برة بس انا اعرف مصنعيتهم غالية شوية بس للأسف نسيت أسألهم وقالولي العربية هتبيت من يومين لتلاتة طبعا العربية ايدي ورجلي صعب اسيبها عندها يومين المهم دلوأتي انتو ايه رأيكم هل انا لما مشيت تلت شهور بالفتيس ناقص زيت يكون بوظو لوا هل فعلا الكولر الإستيراد بايظ ومش بيبرد الفتيس فبيسخن ولازم ابرد العربية ولا ايه النظام انا مش عارف اعمل ايه يا ريت لو حد عارف حل يقولي وهل الفتيس هحتاج اغير الزيت امتى العربية كانت عاملة 70 ألف ومنتش غير الزيت خالص وبعدين زوت 2 كيلو يعني اغيرو على امتى كدة يا ريت ترودو علية معلش تعبتكم معاية بس انا خلاص تعبت من مشاكل العربية ده
-
نسيت اقولكم بقى ان من فترة كدة اسبوعين العربية سعات تبقى كويسة اوي وسعات تحرق بنزين بغباء يبقى مشوار 20 كيلو تاكل ربع التنك وسعات تبقى كويسة اوي ومتحرقش والحرق يبقى طبيعي يعني سعات بلاقيها معدل الحرق 25 في ال 100 كيلو وسعات 11 في ال 100 كيلو وسعات يبقى 7 في ال 100 كيلو والعربية انا مركبلها زيت مطور 10 تلاف كيلو بعد ما خلصت اوي 5 تلاف كيلو بتقولي سيرفس ناو ده اسمو ايه بقى مع العلم العربية عاملة 75 ألف كيلو وانا مغير البوجيهات على ال 55 تقريبا
-
يا باشا 70 الف وبتسال اغير الزيت ولا لا
انا اعرف انو اخره يتغير على 60 الف وفيه ناس بتغير قبل كدة للامان
-
ما انا دلوأتي كان فيه 2 كيلو نقصين وزوت 2كيلو زيت على القديم إل كان موجود يبقى ايه الكلام
-
الزيت كله بينزل على 60 الف ولازم تغير الفلتر كمان
-
انت للاسف اتأخرت على الزيت بس انا من رأيى لازم تغير زبيت و فلتر و الكولر حاول تسأل عليه بره فى كذا حتى و على هذا الاساس لو فعلا بايظ غيره هو كمان عشان تريح دماغك
-
هوا مش العربيه a4 الزيت بتاعها بحوالي 600 جم يعني تقريبا اللتر ١٥٠ اصلي وهوا فين بالظبط احمد زاهر دا هل هوا أخصائي فتيس ولا مركز خدمه سكودا
Content Relevant URLs by
vBSEO 3.6.0 PL2