المشاركة الأصلية كتبت بواسطة Chemist Shehap
السلام عليكم يا شباب اللانوس
انا حزين ومدايق جدآ وقربت ازهق من اللانوس اللى معايا اللى لسه مكملتش فيها اسبوعين على بعض
عندى كذا مشكله ويا ريت اسمع تشخيص المشكله بأيضاح لأن المشكله فى تشخيصها مش ف حلها.... الحل ان شاء الله سهل بس التشخيص هوه اللى عايز خبره
نبدأ بأذن الله
1- الطاره عندى مش مظبوطه يعنى مكسوره شمال ... بمعنى ان لو سبتها بلاقى الطاره لوحدها بترمى شمال على الطريق بتحدف منى ... ( مع العلم انى ظبط زوايا ) ولسه المشكله موجوده [gdwl]اعتقد برضوا انها زوايا غير الراجل اللى بتظبط عنده[/gdwl]
2- عندى ف الطلعه حتى لو سلانسيه العربيه بتتبرجل منى .. ونفس الكلام لو نازل من مطب وجيبت التانى العربيه تبرجل منى ... مهما كان المطب لازم اجيب الاول يا أما تبرجل دى هتبقى احد القواعد الثلاثه فيها تلف ولازم تتغير
وبالنسبه للمشكله ده كان ليها سببين على كلام اصحابى ( 1- قاعده الفتيس مش متربطه والحل ده انا شيكت عليه لاقيت القواعد متربطه ) (2- طقم دبرياج ).[gdwl] مفيش حاجه اسمها القاعده متربطه لانها كده كده هتبقى متربطه المشكله ان الكاوتش بتعها بداء يتهرى خالص[/gdwl]
3- عندى تقل ف الفتيس على الأول بس يعنى الأول مش سلس معايا بيجى معايا على كذا مرحله ( بالزق يعنى ) مش زى الغيارات العاديه التانى والتالت وهكذا.[gdwl] ممكن تخلى الميكانيكى يشيك على العقربه ممكن تكون فيها بووش هتشيل الخابور اللى فيها وتحط مسار 12 وان شاء الله المشكله تتحل[/gdwl]
4-عندى زنه واضحه قوى فى الطاره لازم ادوس عليها علشان الزنه تروح لو يدوب حاطط ايدى عليها الزنه تشتغل...ادوس الزنه تروح... وبالمناسبه الجزء بتاع الكلاكس المدور عندى ملخلخ هل ده بيتربط ؟ ولو لأ لازم اغير الطاره كلها ولا اغير الجزء المدور بس ؟ ومنين اجيبه ( اكسسوارات ولا قطع غيار )
5- عندى زنه غريبه فى البابين اللى قدام بحس ان الزجاج بيخبط فى الفرش بتاع الباب حاولت اربط الفرش لكن برده الصوت موجود..هل ده ليها حل ؟ بص بقا هنا هتجيب 2او3 بكرات دبل فيس وتبداء تخلى حد يقعد جنبك وتبداء تحدد فين الاصوات اللى هتظهر معاك وتعزل الاماكن اللى بتخبط بالدبل فيس
بجد هكون شاكر جدآ للتشخيص الكامل علشان ابدأ احب العربيه