الموضوع: محتاج تشخيص مناسب

السلام عليكم
وحشتونى يا هيونداويه
طبعا انتو عارفين ان انا بعت الفيرنا من اسبوعين تقريبا.... اينعم خسرت فيها وحزين عليها... بس يلا النصيب
المهم انا جبت دايو لانوس وكان فى شويه مشاكل مقابلانى واعتقد ان المشاكل ده تشخيصها واحد ف كل العربيات ويا ريت اسمع تشخيص المشكله بأيضاح لأن المشكله فى تشخيصها مش ف حلها.... الحل ان شاء الله سهل بس التشخيص هوه اللى عايز خبره
نبدأ بأذن الله
1- الطاره عندى مش مظبوطه يعنى مكسوره شمال ... بمعنى ان لو سبتها بلاقى الطاره لوحدها بترمى شمال على الطريق بتحدف منى ... ( مع العلم انى ظبط زوايا ) ولسه المشكله موجوده
2- عندى ف الطلعه حتى لو سلانسيه العربيه بتتبرجل منى .. ونفس الكلام لو نازل من مطب وجيبت التانى العربيه تبرجل منى ... مهما كان المطب لازم اجيب الاول يا أما تبرجل
وبالنسبه للمشكله ده كان ليها سببين على كلام اصحابى ( 1- قاعده الفتيس مش متربطه والحل ده انا شيكت عليه لاقيت القواعد متربطه ) (2- طقم دبرياج ).
3- عندى تقل ف الفتيس على الأول بس يعنى الأول مش سلس معايا بيجى معايا على كذا مرحله ( بالزق يعنى ) مش زى الغيارات العاديه التانى والتالت وهكذا.
4-عندى زنه واضحه قوى فى الطاره لازم ادوس عليها علشان الزنه تروح لو يدوب حاطط ايدى عليها الزنه تشتغل...ادوس الزنه تروح... وبالمناسبه الجزء بتاع الكلاكس المدور عندى ملخلخ هل ده بيتربط ؟ ولو لأ لازم اغير الطاره كلها ولا اغير الجزء المدور بس ؟ ومنين اجيبه ( اكسسوارات ولا قطع غيار )
5- عندى زنه غريبه فى البابين اللى قدام بحس ان الزجاج بيخبط فى الفرش بتاع الباب حاولت اربط الفرش لكن برده الصوت موجود..هل ده ليها حل ؟

بجد هكون شاكر جدآ للتشخيص الكامل علشان ابدأ احب العربيه

تم نقل الموضوع لقسم دايــو+شيفرولية لانوس

3 ب
7:07 pm
11/12/2012