مشكله : بحس بعزم الماكنه والعربيه واقفه فى الدريكسيون
السلام عليكم
معايا عربيه كيا ريو 2002 اتوماتيك
وانا واقف ف اشاره وسايب الفتيس ع المور او وانا واقف مثلاً تحت البيت ولسه مش مشيت
بحس ان الدريكسيون بيتهز بسيط ولو حطيت ايدى على الدريكسيون احس بعزم الماكنه فيه كأن العربيه مش معزوله عن الماكنه
مع العلم انى لسه عامل شغل عفشه والمشكله كانت موجوده قبل العفشه ولسه موجوده
يعنى مغير اسكاترا ومغير مساعدين ومظبط العفشه الحمدلله
ومع العلم بردو انى مغير قاعده ماكينه اللى ف الشمال الاساسيه فوق
فالمشكلة ديه ممكن تكون من قواعد الماكنه التانيه اللى تحت؟ ممكن يعملو كده؟
ولا ممكن قاعده فتيس؟
ولا ممكن يكون قطمه الدريكسيون فيها جلبه بايشه او الفبره فتعمل كده؟
ولا هى العربيات الكورى عزلها عن الماكنه كده ، ودا شئ طبيعى؟
فيريت تقوليلى اكشف ع ايه بظبط عشان مدخلش ف متاهات
والف شكر ليكم