في لانسر 2008 خليجي هاف سبورت عامله 33الف كيلو مش رشه خالص صاحبها طالب فيها 85 الف المفروض انا اروح اشفها يوم الخميس ... افيدوني ايه رايكم في السعر وايه الحاجات الي اخد بالي منها وانا بتفرج عليها
عرض للطباعة
في لانسر 2008 خليجي هاف سبورت عامله 33الف كيلو مش رشه خالص صاحبها طالب فيها 85 الف المفروض انا اروح اشفها يوم الخميس ... افيدوني ايه رايكم في السعر وايه الحاجات الي اخد بالي منها وانا بتفرج عليها
أنا شايف السعر كويس.
??????????????????
أولا ألـــــــــــــــــــــف مبـــــــــــــــــرروك مقدما ويارب يدلك على الصالح انشاء الله ويديلك خيرها ويكفيك شرها
ثانيا فى حد من الاعضاء لسه شارى عربيه لانسر موديل 2008 / 1600 كانت عمله 57000 ك وكانت ب 82000 جنيه بس انا مش عارف هيه هاف سبورت ولا سبورت كامله بس اعتقد ان السعر ده يبقى هاف اسبورت
ثالثا الحاجات اللى تاخد بالك منها: *من خارج العربيه
1-بص على اللون ولف داير على العربيه شوف فى لون مختلف عن لون تانى وياريت يكون الكشف فى الشمس على بيبان اكتر فرق اللون
2-حضرتك مشي ايدك على الصاج بتاع العربيه شوف فى مطبات فى الصاج او فى عالى وواطى فى الصاج:_Alshmokh22[1]: وانشاء الله مافيش حاجه ولو لقدر الله لقيت حاجه شوف فى تحتيها معجون واية السبب ممكن كانت مخبوطه وهو عملها
3-حضرتك بص على الاكصدامات امامى وخلفى وشوف فى اى تريحات عليها او فى فواصل بين الاكصدام والرفرف واتاكد من ان جميع الكلبسات الاكصدام موجودة وماسكه مع الرفرف وكمان فى حاجه مهمه اتاكد ان الاكصدمات مفيهاش اى شروخ من داخل الاكصدام
4- لو فى عتب فى العربيه اتاكد حضرتك انهم الاصلى ومش تركيب وعلى فكرة بيبان ان الاصلى مكان الفتاحات بتعته معموله فى المصنع اما التركيب ممكن يكون لصق او تركيب مسامير او متبرشمه خلى بالك
5-بص حضرتك على الزجاج بيتاع العربيه هل فيه شروخ او اى تجاريح ده من بره العربيه واتاكد ان الزجاج الامامى والخلفى ملزوقين كويس وبتاع بلده
6-حاول تقرأ تاريخ العجل ومقاس والتاريخ عباره عن اربع ارقام اول رقمين تاريخ السنه وتالت رقم الشهر ورابع رقم اليوم وهتلاقى الارقام جنب مقاس العجل
7-اكشف على فونيس العربيه امامى وخلفى واتاكد ان الانوار شغاله
8-اتاكد من المريات الكهرباء شغاله
* من داخل العربيه:
1-بص على القوايم من الجانبين وخلى بالك فى ورقه ملزوقه على القايم اليمين من ناحيه السواق فيها كل التفاصيل عن العربيه سواء اللون او رقم اللون بتاع العربيه او مقاس العجل
2-بص على فرش العربيه واتاكد ان مفيش اى حاجه مقطوعه فى الكراسى او الكنب او فرش السقف
3-بص على ارضيه العربيه واتاكد ان مافيش اى بارومه وخلى بالك من الموضوع ده ضرورى شيل الارضيه وبص بنفسك عليها
4-جرب الزجاج الكهربا كله 4 ابواب
5-جرب سنتر العربيه واتاكد ان كل الابواب بتقفل
6-جرب المرايات الكهربا
7-شغل الموتور واسمع صوته وبص على rbm شوف هو على كام المفروض يكون على 1
8-جرب الكاسيت
* افتح الكبوت :
1- بص على الكبوت وشوف فى اى رش فى الحوض
2-اسمع صوت الموتور وانتا مشغل العربيه ولاحظ اى صوت
3-بص على مياة الردياتير وبص زيت الموتور وبص على الموتور هل فى اى تسريبات عليه
*افتح الشنطه
1-بص على الاستبن واتاكد ان بتاع العربيه
2-بص على عده العربيه(الكوريك الاصلى-مفتاح المسامير وهو عبارة عن حرف L مقلوب)
3-بص على طفايه الحريق
5-الاهم من كل ده بص على حوض الشنطه هل فيه اى رش
اخيرا اتمنى لك اختيار موفق ويارب تكون من نصيبك وطمنى عملت ايه ويارب اكون رديت عليك :ma::ma:
حضرتك بلنصحيه دي الواحد استفاد جامد لما يفكر يشتري عربيه مستعمله وشكرا
شكررررررررررررررررررررررا اااااااا
الف الف شكر والله افدتوني جدا وشكر خاص للاستاذ هاني علي نصائحه الجامده دي وان شاؤ الله اول متفرج عليها هبلغك علشان برضو تقلي رايك .... شكرا يا باشا