استفسار عن سكودا فليشيا مو 2000

**أحمد حسني** · 11-12-2012 01:16 PM

انا اشتريت فليشيا مو 2000 و عندي فيها شوية مشاكل
1- زيت الموتور بيتقص يعني كل 800 كم ينقص حوالي نص كيلو مع العلم ان مفيش دخنة و مفيش ترشيح للزيت بس كرتيرة الزيت فيها خبطة من تحت
2- الميه الي في الاربة بتنقص يوميا مع العلم انيي بمشي في اليوم حوالي 150 كم
3- بشم ريحة عادم داخل العربية ولو قفلت الزجاج بتروح الريحة فالريحة ده طالعة منين

ارجوا المساعدة

**adiaa222** · 11-12-2012 02:15 PM

المشاركة الأصلية كتبت بواسطة أحمد حسني

انا اشتريت فليشيا مو 2000 و عندي فيها شوية مشاكل
2- الميه الي في الاربة بتنقص يوميا مع العلم انيي بمشي في اليوم حوالي 150 كم
ارجوا المساعدة

طبعا انا بمشى بيها اكتر من كدة وبيحصلش نقص. اكيد عندك تسريب خلى بتاع ردياتير يكشفلك علية وعلى الوصلات. خلى بالك انتا كاتب عن مشكلتين تقال اوى تسريب زيت ومية اى مشكلة فيهم كفيلة تفتح عليك مشاكل لاحصر لها. انجز وروح لحد شاطر ومطلوب منك التركيز فى كل مرة تخرج بيها. والباقى اخواتى اجدر منى فى الرد عليك.

**المنسي** · 12-12-2012 11:15 AM

المشاركة الأصلية كتبت بواسطة أحمد حسني

انا اشتريت فليشيا مو 2000 و عندي فيها شوية مشاكل
1- زيت الموتور بيتقص يعني كل 800 كم ينقص حوالي نص كيلو مع العلم ان مفيش دخنة و مفيش ترشيح للزيت بس كرتيرة الزيت فيها خبطة من تحت
2- الميه الي في الاربة بتنقص يوميا مع العلم انيي بمشي في اليوم حوالي 150 كم
3- بشم ريحة عادم داخل العربية ولو قفلت الزجاج بتروح الريحة فالريحة ده طالعة منين

ارجوا المساعدة

اولا الف مبروك العربية
ثانيا ان شاء الله ميبقاش فيه مشاكل
حضرتك بتقول ان الزيت بينقص ومفيش ترشيح ولا فى دخنة بس اكيد الكرتيرة اتخرمت من الخبطة والزيت بيرشح وانت مش واخد بالك فاولا بص تحت العربية كويس وراجع على ترشيح الزيت طالما انت بتقول ان مفيش دخنة ولو مش باين الترشيح يفضل تغسل الموتور والشاسيه من تحت علشان يبان لو فيه تسريب ولا حاجة ولو الكرتيرة فيه مشكلة فى ناس بتلحمها وفي ناس جبتها استيراد ب 300 جنيه على ما اتذكر
مشكلة المية اللى بتنقص نفس الاسباب اكيد فيه عندك تسريب يا اما الردياتير مخروم يا اما الوصلات مش محكمة القفل وبتسرب
ريحة عادم لو ريحة بنزين نيىء يبقي عندك الكربراتير عايز يتظبط هوا وبنزين وعايز تتاكد انه بنزين غير مكتمل الاحتراق اكبس بنزين جامد وبص على لون العادم اللى خارج من الشكمان لو لونه اسود يبقي ده بنزين

**sakr_skoda** · 12-12-2012 03:31 PM

[quote=أحمد حسني;3874686747]انا اشتريت فليشيا مو 2000 و عندي فيها شوية مشاكل
1- زيت الموتور بيتقص يعني كل 800 كم ينقص حوالي نص كيلو مع العلم ان مفيش دخنة و مفيش ترشيح للزيت بس كرتيرة الزيت فيها خبطة من تحت

ممكن يكون عيب فى نوع الزيت اصلا على العموم فك غطاء الزيت وبص فيه لو فى قطرات ميه يبقى جوان وش سلندر وسانصحك بنصيحا ساذكرة فى اجابتى على الملحوظة الثانية....

2- الميه الي في الاربة بتنقص يوميا مع العلم انيي بمشي في اليوم حوالي 150 كم

بالنسبة لموضوع نقص المية ممكن بكون تسريب جوان وش السلندر طلومبة المية الخراطيم الريداتير وعلشان تنهى كل المشاكل دى اشترى عبوة (بلوك سيل )صدقنى انا مجربها كتير ومع اصحابى البلوك سيل بيسد اى تسريبات للمية حتى لو فى حديد طلومبة المية او اى خرم حتى لو فى الريداتير....
3- بشم ريحة عادم داخل العربية ولو قفلت الزجاج بتروح الريحة فالريحة ده طالعة منين

بالنسبة للدخنه اللى بتدخل فى الصالون دى ممكن يكون الشكمان عاوز جوانات ودا علاماته ايضا ارتفاع فى صوت العربية لو مش الجوانات انا حقلك بص دور العربية وروح عند الشكمان من الخلف وسدة (اكتمة ) بالجزمة لو العربية بطلت يبقى الشكمان تمام لو العربية فضلت دايرة يبقى فى تسريب فى ماسورة الشكمان او جوانانت الشكمان....

**أحمد جودة** · 13-12-2012 11:54 AM

[QUOTE=sakr1964;3874688532]

المشاركة الأصلية كتبت بواسطة أحمد حسني

انا اشتريت فليشيا مو 2000 و عندي فيها شوية مشاكل
1- زيت الموتور بيتقص يعني كل 800 كم ينقص حوالي نص كيلو مع العلم ان مفيش دخنة و مفيش ترشيح للزيت بس كرتيرة الزيت فيها خبطة من تحت

ممكن يكون عيب فى نوع الزيت اصلا على العموم فك غطاء الزيت وبص فيه لو فى قطرات ميه يبقى جوان وش سلندر وسانصحك بنصيحا ساذكرة فى اجابتى على الملحوظة الثانية....

2- الميه الي في الاربة بتنقص يوميا مع العلم انيي بمشي في اليوم حوالي 150 كم

بالنسبة لموضوع نقص المية ممكن بكون تسريب جوان وش السلندر طلومبة المية الخراطيم الريداتير وعلشان تنهى كل المشاكل دى اشترى عبوة (بلوك سيل )صدقنى انا مجربها كتير ومع اصحابى البلوك سيل بيسد اى تسريبات للمية حتى لو فى حديد طلومبة المية او اى خرم حتى لو فى الريداتير....
3- بشم ريحة عادم داخل العربية ولو قفلت الزجاج بتروح الريحة فالريحة ده طالعة منين

بالنسبة للدخنه اللى بتدخل فى الصالون دى ممكن يكون الشكمان عاوز جوانات ودا علاماته ايضا ارتفاع فى صوت العربية لو مش الجوانات انا حقلك بص دور العربية وروح عند الشكمان من الخلف وسدة (اكتمة ) بالجزمة لو العربية بطلت يبقى الشكمان تمام لو العربية فضلت دايرة يبقى فى تسريب فى ماسورة الشكمان او جوانانت الشكمان....

ملحوظة:-

بص دور العربية وروح عند الشكمان من الخلف وسدة (اكتمة ) بالجزمة لو العربية بطلت يبقى الشكمان تمام لو العربية فضلت دايرة يبقى فى تسريب فى ماسورة الشكمان او جوانانت الشكمان....

أنا عندي بعمل كدة بالفعل بكتم الشكمان بإيدي والعربية بتفضل دايرة بس بحس أنها بتخرج الهوا مرة واحدة والعربية بتفضل دايرة

أنا بعمل كدة لسبب علشان أنا لو دايس بنزين وصوت الموتور عالي واسيب رجلي من البنزين مرة واحدة أسمع صوت كركرة أو طرقعة من الشكمان ياتري لية تفسير

وياتري أية السبب اللى يخلي العربية تبطل ممكن حضرتك توضح علشان أطمن