هل رش الجانبين و الاكصدام يقلل من قيمة العربية؟

**A_H_M_A_D** · 11-12-2012 04:59 PM

انا عربيتي فيرنا موديل 2007 , ولله الحمد هي فابريكة لغالية دلوقتي

انا كنت مأمن عليها و بصراحة مش ناوي اجدد , وقدامي فرصة اني ارش في التأمين الجانبين و الاكصدامين لأن فيهم خدوش كتير من الركن و الشوارع و الجراج , بعضها بسيط و بعضها عميق , وكمان فيه خبطة صغيرة في العتب من الرصيف

دلوقتي السؤال لو انا عملت كده هل ده هايقلل من قيمة العربية عند البيع ؟ مع العلم ان الشنطة و الكبوت و السقف هايفضلوا فابريكة زي ماهم و مش هايترشوا

يعين ارش الجانبين نضافة و لا خليها زي ماهي ؟؟

**hassanin_lada** · 11-12-2012 05:22 PM

لا طبعا مايعبش العربيه ده بالعكس يغلي من تمن العربيه لانك لو فكرت تبيعها اللي هيخدها كأنها زيرو والطبيعي جدا في شوارعنا ان العربيه في حدود 3 او 4 سنين تبقي مخبطه من السواقين الجمال اللي ماشين يرازو علي خلق الله

ولو عملتها في التوكيل يبقي افضل وافضل

**Diaby** · 11-12-2012 05:24 PM

اكيد طبعا هيقلل من سعرها
لو شكلها مقبول خليها كده خصوصا لو هتبيع قريب لكن لو ناوى تركبها كام سنة كمان استفيد من التأمين ورشها لو شكلها وحش لكن لو حجات خفيفة سيبها كده وخلاص مع حتة بوليش وده رأى واستنى باقى الاعضاء

**bakkarahmed** · 11-12-2012 06:14 PM

المشاركة الأصلية كتبت بواسطة med

اكيد طبعا هيقلل من سعرها
لو شكلها مقبول خليها كده خصوصا لو هتبيع قريب لكن لو ناوى تركبها كام سنة كمان استفيد من التأمين ورشها لو شكلها وحش لكن لو حجات خفيفة سيبها كده وخلاص مع حتة بوليش وده رأى واستنى باقى الاعضاء

+1111111111

**beshomilan** · 11-12-2012 06:18 PM

انا شايف انه هيقلل من سعرها واللى هياخدها او هيشوفها مش هيفرق من رشه نضافه او رشه بمعجون

**Ahmed_Adham** · 11-12-2012 06:19 PM

أنا بصراحه مش شايف ايه المشكله في رش الاكصدامين؟ ماهم كده كده متركبين في العربيه عشان يتحكو وطبيعي رشهم كل فتره عشان نشيل أثار الحكات دي. فيها ايه لو يترشو في مكان نضيف أو التوكيل مثلا ؟

**moaaz** · 11-12-2012 06:29 PM

المشاركة الأصلية كتبت بواسطة ahmed_adham

أنا بصراحه مش شايف ايه المشكله في رش الاكصدامين؟ ماهم كده كده متركبين في العربيه عشان يتحكو وطبيعي رشهم كل فتره عشان نشيل أثار الحكات دي. فيها ايه لو يترشو في مكان نضيف أو التوكيل مثلا ؟

انا شايف الاكصدامين عادى جدا رشهم ...انما الصاج بلاش ..او ممكن تصور العربية و الخرابيش اللى فيها قبل الرش علشان لو حبيت تبيع تقول للى هيشترى انا رشيت علشان الخرابيش دى ..ربنا يوفقك

**hassanin_lada** · 11-12-2012 06:41 PM

طبعا احترم ارائكم جميعا بس ايه الفكره اني اشتري عربيه شركه بره جوه وهي اصلا مدغدغه وماليانه خرابيش وخبطات وحاجات رادتها علي البارد !!

طيب مانا اخد عربيه مرشوشه ونضيف وده طبعا مايمنعش اني اتأكده انها مش واخده خبطه في القايم واكيد طبعا اساستها سليمه

وبعدين الجوانب والاكصدمات اساسي يكوني مخبطين لكن الراجل هيروش جوانب واقصدامات يبقي ايه المشكله ان الواحد يمشي بعربيه نضيفه كنوع من النزاه والنظافه الشخصيه

احنا ماينفعش نمشي غير ورفرف طاير ولو جيت تصلحه يقولك لا سيبو عشان تغذي بيه العين !!

ايه هو ده ؟؟ نصيبك هيصيبك لو عملت ايه

وبعدين دي فرصه لانه هيرشها علي حساب الضمان يعني لو جه يعملها بفلوسه هتكلفه 1000 جنيه بالميت

وجهة نظر وتقبلو مروري

**HOSSAM99** · 11-12-2012 06:48 PM

أكثر حاجه تقلل من قيمة العربيه إن يكون مظهرها سئ و فيها جروح و ده من واقع السوق
مين فينا يرضي يشتري عربيه مجرحه و متبهدله من بره إلا لو عامل حسابه علي إنه يصلحها و يرشها و ده بيبقي عامل حسابه يخصم من ثمن العربيه المتبهدله دي ثمن الرش و هو بيشتريها

و هاديك مثال لو عربية حضرتك تمنها في السوق فابريكه و دهان سليم 50000 جنيه ... هاتبقي لو مبهدله و محتاجه دهان حوالي 46000 جنيه و هاتسمع كلام من قبيل دي مبهدله و دي عايزه تترش و دي مش نضيفه و هكذا ... أما لو رشيت حزام بنضافه و صنايعي نضيف تجيب 48 ألف جنيه

الأسعار دي مثال أنا معرفش حالة عربية حضرتك

ثم أزاي يعني الواحد بعد ما عربيته أتجرحت هاتفضل حامله للقب فابريكه !!!

بالتوفيق

**semi** · 11-12-2012 07:09 PM

يفضل انها تفضل فبريكا طبعا بس الكلام ده في حالة اذا كانت العربية مخبوطة وممكن تردها على البارد بدل ما ترشها
لان معنى انها فبريكا ومردودة على البارد ان العربية مش عملت اي حوادث وان الخبطة بسيطة
لكن طالما هي مش خبطة وتجريحات فمش هينفع معاها الا الرش
وموضوع الرش في التوكيل العربية بترجع زيرو الرش بتاعهم نضيف جدا
غالبا اللي هيشتري مش هيعرف يفرقه من الفبريكا
ورأي توكل على الله طبعا دي فرصة

الموضوع: هل رش الجانبين و الاكصدام يقلل من قيمة العربية؟

LinkBack

أدوات الموضوع

عرض

-

-

-

-

-

-

المواضيع المتشابهه

تعديل جديد (يزود الثبات,يقلل الضوضاء ,يقلل الاهتزاز و الرجه )للمناقشه المفتوحه بالصور

هو دهان العربية يقلل قيمتها؟

قيمة دهان العربية كام

رش الجانبين والاكصدامات...

الكلمات الدلالية لهذا الموضوع

المفضلات

المفضلات

ضوابط المشاركة