أجازة الكريسماس في ماليزيا 3500 جنيه بدلاً 4540 جنيه لفردين في غرفة مزدوجة في فندق Hotel Istana – في كوالالمبور بنظام BB لمدة 4 ليالي
Offerna.com
اسافر بره واتفسح ارخص من مصر ليييييه ده شرم الشيخ اغلى من كده بكتير !!!!!!!!!!!
عرض للطباعة
أجازة الكريسماس في ماليزيا 3500 جنيه بدلاً 4540 جنيه لفردين في غرفة مزدوجة في فندق Hotel Istana – في كوالالمبور بنظام BB لمدة 4 ليالي
Offerna.com
اسافر بره واتفسح ارخص من مصر ليييييه ده شرم الشيخ اغلى من كده بكتير !!!!!!!!!!!
نفس الكلام هنا في الاردن ارخص مكان سياحي يطلع اغلى من لو اني رحت شرم!!
ضاربين السياحة الداخلية بالنار هنا....
تحياتي
Sent from my SE Arc S using Forum Runner
في مصر الفرد المصري مش هيفرق معاهم حاجه....و مش عايزينه أساساً في السياحه
للاسف
ادخل على بوكنج وشوف فنادق الخمس نجوم فى شرم هتلاقى 19 فندق (عدتهم مخصوص) 5 نجوم بسعر اقل من 3500 جنيه للغرفه المزدوجه
للعلم مصر من ارخص المفنادق فى العالم ومع جوده كويسه جدا
المشكله ان النزيل المصرى
بيدمر البوفيه بيملى طبقه دون الحاجه
بينسف المشروبات
بينسف الصابون والشامبو والمناديل
بيلمع الجزمه فى مفارش السرير
بيعتبر خدمه الغرف خدم
تقريبا لايشترى اى شى من الاوتيل
علشان كده بيفضلوا الاجنبى
بسعر رخيص جدا
بورتو السخنه فى عروضه بيحسب سعر الصابون والشامبو وتغير الفرش
خارج العرض
وللاسف لو حضرتك شوفت العروض لمصر من برة
هتلاقيها بسعر رخيص جدا
وحتى شركات الطيران
العرض لا يشمل السفر
ولا الانتقالات الداخليه
ولا الجولات السياحيه
شرم ارخص بكتير
كان فى عرض فى المنتدى
الغردقه او شرم كان كويس قوى
بس فى اجازه نصف العام مش كريسماس
Booking.com: فنادق 5 نجوم في شرم الشيخ. احجز فندقك الآن!
اربع ليالى طبعا مش ليلتين
ما شاء الله
علينا مصر ..
خلى بالك الشخصين طيران لماليزيا رايح جاى ب 8000
السلام عليكم ورحمة الله وبركاته،،،
إعلانات أسعار شركات السياحه اللي بتقولك 3500 لماليزيا دية بتكون خادعه إلى حد كبير
لما تروح تسأل بنفسك هايقولوك مثلاً بس الأسعار دي غير شامله الطيران أو غير شامله ضريبة الطيران أو غير شامله رسوم التأشيره.
الخلاصه إنك هاتلاقي مصاريف كتيره جداً مستخبيه.
وكمان في عنصر تاني: ممكن تروح بلد بسعر رخيص بس تكتشف إن الأسعار هناك غاليه جداً وحتى إزازة المياه بتكون غاليه يبقى إنت كامجمل هاتدفع كتير جداً.
السائح الاجنبي بيدخل الجيم والبار وبيطلب أكل وشرب مخصوص في غرفته يعني بيصرف كتير في اقامته لكن المصري غالبا بيدفع اجره السكن وخلاص على كده ويبقى كتر خيره لو ساب تبس لبتوع الهاوس كيبينج كمان فبيرخصو للاجنبي الاقامه عشان بيكسبو من وراه بعد كده كتير.
متابع
شباب المنتدى الاعزاء
بحكم انى مدمن سفر احب اقولكم ان فيه عندنا فى مصر ابو قرش وابو 100 والشاطر يعرف يختار .
مثلا موسم الكريسماس فيه شرم والغردقه ومرسى علم والاقصر واسوان
عشان تعمل اجازه بسعر حلو فيه حاجات صغيره حتفرق معاك قوى .
1 - احجز طيران قبل السفر بشهرين على الاقل "ده لو مش حتسافر بعربيتك " عشان قدام فرق السعر حتاخد يوم كامل مجانى ومن غير تعب السفر "اقل مشوار فى دول 550كم" .
2 - اختار حاجه فى قلب المدينه يعنى مثلا "الغردقه = الشيراتون / شرم = نعمه "فيه حاجات تانيه تحفه بس نعمه عايشه 24 ساعه" / مرسى علم "قرب لبورتو غالب على قد ما تقدر / الاقصر واسوان "الكروز نمره 1" - وده عشان توفر فى الانتقالات الداخليه اللى ساعات بتخنقك .
3 - لو الفرق بين ال half boarde : all inclusive مش كبير لازم تختار ال all inclusive عشان المشروبات والمياه المعدنيه فى الجو ده حتعمل معاك مبلغ عجيب مش حتتخيله .
- واتمنى اكون فيدتكم واى استفسار "بالذات عن معشوقتى الغردقه" انا تحت امر زملاء المنتدى .
النزيل المصري بيكلف الاوتيل اكتر من تكلفة الغرفة وهي مقفولة :-)
ده كلام مديرين فنادي ليا
ولما الاوتيل يعمل عروض للمصريين والروس بيكون مظبطها كويس نوعيات اكل رخيصة نوعا ما
انا شوفت تصرفات عجيبة لمصريين في الاوتيلات والله تخلي الواحد يتكسف انه مصري زيهم
مهما اوصفلكم مش هاتتخيلو
غير طبعا انها فلعا بيبهدلو الاثاث ومحتويات الغرف بشكل ممشين
ونزول حمامات السباحة والبحر بشكل يثير التقزز
مانساش ابدا واحدريحتة كانت سابقاه بمتيرين رايح ينزل البسين من غير ما ياخد دوش
ناديت المسئول عن البسين عشان يوقله روح استحمي الاول :-)
كلامك مظبوط وبجد الواحد بيتكسف جدا لما يلاقى الفندق مصريين "عشان بتتنقل فكره عامه - الناس دى كلها كده"- وبيتقرف من الاجازه "من الاخر" بس انت ممكن تنقى فنادق مش بتاعة مصريين ولا روس اصلا "نادر اوى لما كنت بلاقى مصريين "من اللى يفتحوا النفس دول" فى مكادى او سهل حشيش / الغردقه" انما فنادق 3/4 نجوم فى الهضبه والشيراتون احتلال فى الاجازات - تحس انه حينزل فى بوفيه الغدا محشى كطلب جماهيرى .