الـ 128 فيها مشكلة !!!! ( أرجو المساعدة )

الـ 128 إتجننت

العربية كانت واقفة ف إشارة ، المهم جبت الأول ، وطلعت ،، وجبت التاني

لقيت العربية مش بتعشق !!

ركنت على جنب ،، ومورت الفتيس

وجيت أجيب أول ! مش بتجيب ، بتعشق تالت !!!!!!

ولما اعشق مارشدير بتطلع لقدام !!!

والعصاية كانت بتلف في أي اتجاه عادي


سبت العربية عشان كنت مستعجل وكلمت أخويا جه وداها لميكانيكي ،،

المهم هو ظبطها ، بس مقالوش كان فيها ايه
__

المشكلة دلوقتي ان عصاية الفتيس بقت خفيفة أوي
بتعشق تمام كل الغيارات بس خفيـفة
__

كنت عايز أعرف هل خفية العصاية دي فيها غلط ؟؟
وإيه سبب انها فصلت غيارات ف الأول ( مع انها كانت بتعشق تالت ورابع بسسس )
وايه المفروض اعمله عشان المشكلة دي متحصلش تاني

شكراً ليكو

هتلاقى حاجة اسمها الملعقة الى بتشيل عصاية الفتيس فكت وهو ربطها تانى والمفروض كنت تحس ان عصاية الفتيس مبتعشق على طول بتعلق ساعات وسعات لا قبل ما تفصل كله

لا قبل ما تفصل كانت شغالة تمام ، ومعلقتش خااالص ، هيا فجأه فصلت كدا :o

ده ترس داخل الفتيس اسمه ترس المعلقة بيتكسر على طول فى الـ 128 .. محتاج دايما متابعه و تربيط الفتيس من تحت العربيه + تغيير زيت الفتيس بانتظام ..

المشكله دى عاديه فى الـ 128 و كل اللى ساقوها اتعرضوا ليها مره و اثنين .. متخافش ...

تسلموو يا رجالــة ، وشكراً بجد على تعاونكم واهتمامكم :)

المعلقه يا معلم

تسلم يا باش مهندس :)