حاجز كارينز بقالى 3 شهور ولسة مستلمتش

**Mohamed.Muslim** · 11-12-2012 07:37 PM

السلام عليكم , أنا حاجز كيا كارينز هاى لاين لون اسود وفرش اسود من يوم 22/9/2012 من توكيل كيا و حتى الان مستلمتش العربية مع انى يوم ماحجزت قالى مسؤول المبيعات فى التوكيل انى حستلم فى خلال شهر, وكل ما أكلمه يقولى الدفعات اللى بتيجى بيبقى فيها مانيوال و أوتوماتيك فئة أولى ومش بينزل هاىلاين خالص .. انا مش عارف هو ده الطبيعى فى حجز العربيات ولا الموضوع كده أوفر ؟؟؟

**moha4tec** · 11-12-2012 09:12 PM

ربنا معاك و طول بالك شويه
ان شاء الله تستلمها و تفرح بيها

**Ahmed_Adham** · 12-12-2012 01:15 AM

يعني ايه اللي بتيجي مفيهاش هاي لاين ما انت حاجز والمروض هما بيعملو الطلبيه باولويه للحجز الأول! شكلهم كده بيبيعوها للمعارض اللي بتبيع بأوفر برايس. طب متشوف لو موجود في أي موزع. انا شايف واحده النهارده في معرض عربيات اللي في المهندسين بس كان لونها فضي. واسأل في سمير ريان كمان.

**wawamoha** · 12-12-2012 03:26 AM

المشاركة الأصلية كتبت بواسطة bybers

تسلم , بس أنا قربت اكره العربية من طول الانتظار

عندك حق طبعا و ليه الذل ده
ربنا يوفقك للاصلح

**Mohamed.Muslim** · 12-12-2012 06:51 PM

المشاركة الأصلية كتبت بواسطة ahmed_adham

يعني ايه اللي بتيجي مفيهاش هاي لاين ما انت حاجز والمروض هما بيعملو الطلبيه باولويه للحجز الأول! شكلهم كده بيبيعوها للمعارض اللي بتبيع بأوفر برايس. طب متشوف لو موجود في أي موزع. انا شايف واحده النهارده في معرض عربيات اللي في المهندسين بس كان لونها فضي. واسأل في سمير ريان كمان.

أنا رحت الطارق اللى فى كارفور اسكندرية قاللى معندوهوش بس حتيجى كمان اسبوعين والسعر 145000 جنيه ( يعنى حدفع اوفر 5000 جنيه واستلم بعد أسبوعين والله أعلم اسبوعين بس ولا حيفتحوا عن كده ) ورحت المصرية فى جرين بلازا قالولى مفيش دلوقتى غير خليجى والتوكيل كمان اسبوعين وسعره 148000 جنيه !!!!!!!!

**Mohamed.Muslim** · 12-12-2012 06:55 PM

المشاركة الأصلية كتبت بواسطة wawamoha

عندك حق طبعا و ليه الذل ده
ربنا يوفقك للاصلح

امين يارب ,

**Ahmed_Adham** · 12-12-2012 07:01 PM

المشاركة الأصلية كتبت بواسطة bybers

أنا رحت الطارق اللى فى كارفور اسكندرية قاللى معندوهوش بس حتيجى كمان اسبوعين والسعر 145000 جنيه ( يعنى حدفع اوفر 5000 جنيه واستلم بعد أسبوعين والله أعلم اسبوعين بس ولا حيفتحوا عن كده ) ورحت المصرية فى جرين بلازا قالولى مفيش دلوقتى غير خليجى والتوكيل كمان اسبوعين وسعره 148000 جنيه !!!!!!!!

ده ايه الاستهبال ده. من امتى والكارينز بقى فيها أوفر برايس! أنا جايبها وكيل في يناير اللي فات ب 138 استلام فوري ووقتها كانت في التوكيل ب 140. حتى اللون الموكا اللي كانت عند سمير ريان كانت فيها خربوش وقلتله مش هاخدها بعت جابلي واحده غيرها من معرض "عربيات" نفس اللون والفئه واستلمتها في نفس اليوم.

لو حد يقدر يأكدلك عن وجودها في القاهره تسليم فوري بدون أوفر برايس انزل اشتريها من القاهره ووفر ال 5 تلاف اللي هيقعو على الارض دول.

**Mohamed.Muslim** · 13-12-2012 04:28 AM

المشاركة الأصلية كتبت بواسطة ahmed_adham

ده ايه الاستهبال ده. من امتى والكارينز بقى فيها أوفر برايس! أنا جايبها وكيل في يناير اللي فات ب 138 استلام فوري ووقتها كانت في التوكيل ب 140. حتى اللون الموكا اللي كانت عند سمير ريان كانت فيها خربوش وقلتله مش هاخدها بعت جابلي واحده غيرها من معرض "عربيات" نفس اللون والفئه واستلمتها في نفس اليوم.

لو حد يقدر يأكدلك عن وجودها في القاهره تسليم فوري بدون أوفر برايس انزل اشتريها من القاهره ووفر ال 5 تلاف اللي هيقعو على الارض دول.

فكرة حلوة موضوع القاهرة ده , حخلى واحد صاحبى من القاهرة يسألى ولو حد هنا من القاهرة وعنده معلومات عن حجز الهاى لاين ياريت يقولى