طالما الحرارة بتنزل لما بتتحرك بيها يبأا حد شاللك ترومستات الحرارة
عرض للطباعة
طالما الحرارة بتنزل لما بتتحرك بيها يبأا حد شاللك ترومستات الحرارة
شبه دى كده
http://s13.postimage.org/lbvigtlmv/B...UNlrlg_0_3.jpg
يا إما باظت يا إما حد شالها
روح إشترى واحدة جديدة وركبها
حاجة شبه دى بس مش عارف فى الفيرنا مكانها فين بالظبط!! يمكن يكون نفس المكان!!
يمكن اللى عندك صدت!! عمتا لو عملتها إبأا استعمل مياه للموتور معتمدة
[youtube]http://www.youtube.com/watch?v=ut1wQdtDxeM[/youtube]
طيب تمام زى الفل ياباشا هشوف الموضوع ده وأمشي فيه وبإذن الله لو اتحلت المشكلة هاجى أطمنكوا :)
تسلم ياكبير ومعلش تعبتك معايا
وعلى فكرة انا بحط ماية خضرا المانى كده مش فاكر اسمها بس انا مرة زودت العربية حوالى نص لتر كده ماية عادية
ربنا معاك ومتابعين..
اوووووووسسكوووووت عاللى حصلى :(
النهاردة نزلت بيها وعادى خالص والحرارة تحت العلامة فقلت اطنشها شوية
نزلت من العربية ورجعت تانى ابص الاقى الععربية تحتها مية خضرا
فتحت وبصيت لقيت القربة شغالة تفور من خرطوب الفايظ .. أتصلت بالكهربائى وجبته بص عليها وسبحان الله ولا كأن فيها حاجة المراوح شغالة عادى والحرارة مظبوطة وكله تمام !!!!!
خدناها وهطها عالجهاز وماطلعتش حاجة بارضو ، دورتها وسبتها بتاع ربع ساعة وكله ماشي تمااااااام بارضو
المهم مشيت من عنده وانا قلقان وفعلاً عند البيت ببص لقيت الحرارة رجعت تانى تحت النص .. كلمته قالى تعالى وانا بصراحة اتخنقت وماروحتش!!!!!
انا قرفففففففففففت مش عارف اعمل ايه بصراحة
عربيتك دى تحير! طيب نفكر مع بعض:
-ممكن دورة التبريد كان فيها هواء!!
-ممكن مراوح التبريد فيها مشكلة فبالتالى مفيش تبريد فيحصل كده!!
-الترموستات اللى بتشغل مروحة التبريد بتعلق!!
-طرمبة المياه!!
-الترموستات الداخلية اللى قلنا بايظة أو ملغية ممكن تخنق المياه جوا الموتور لو بايظة!!
-طيب طمننا..
العربية اللي تبرد مع المشي اكيد متشال منها ترموستات الكوعه،..،
الميه تفور من الغطا لكذا سبب...
غطا القربة و /او غطا الريداتير بايظين..
ممكن يكون الراديتير فيه سدد ومحتاج تسليك..
ممكن يكون ترموستات الكوعه موجودة بس بتعلق بشكل او بآخر وعموما مشاكل الحرارة اكيد حلها مش عند كهربائي فتاي الله يرضى عليك...
متسكتش عابمشاكل دي كلها والكنترول أعتقد لو باظ مفيش حاجة اسمها يوقف طرمبة البنزين بس لانه اللي يبوظه ويعطل الطرمبه يبوظه كله والعربية تتلخبط كلها....
تحياتي
Sent from my SE Arc S using Forum Runner
- ممكن . بس انا ماقربتش منها خالص غير انى بتابع الميه فى القربة والريديتير والمشكلة ظهرت بعد مشكلة الطربمة بس .
- لا دى صعب لأن الكهربائى شيك على الأتنين وشغلت التكيف والحرارة عادى والمراوح شغالة ، بس المؤشر جوه تحت العلامتين .
- ممكن جداً . وأنا شاكك فى الموضوع ده لكن ماعنديش دليل !!!؟؟ :)
- مش عارف افتى فيها دى بصراحة
- والله مشكلة الترموستات دى مش عارف ايه نظامها لأن المشكلة دلوقتى ان القراية فى العداد حاجة وهى فى الواقع حاجة تانى ، لأنى لما ركنت العربية ونزلت ساعة ماشوفت المية تحتها أنا متأكد أن العداد كان تحت العلامتين لأنى طول الوقت ببص عليه عشان كنت فعلاً خايف تسخن !!!
بس ياباشا دى اول مرة تحصل معايا انى لما امشي العربية الحرارة تقل ، يعنى هى بقالها معايا 4 شهور ماحصلش الحوار ده خالص غير دلوقتى ، بس ساعتها كنت فى الصيف وبروح بيها مشاوير فى طريق مفتوح كتير وبجرى .
وبالنسبة للفوران فأنا تابعته ولقيته خارج من خرطوم الهوا بتاع القربة وبارضو اول مرى تحصل دى .
وعلى فكرة انا سألت واحد تانى قالى المشاكل دى ميطلعهاش الجهاز فى العربيات دى لأن النظام فيها محدود غير العربيات العالية زى الأوكتافايا مثلاً والبى أم !!
وصحيح انا حطيتها على جهاز الكشف ماطلعش اى مشاكل خالص ولا حتى فى الكنترول بس انا لاحظت بعد الكشف ان العربية مظبوطة وقلت يمكن ده حصل بس عشان رزق صاحب الجهاز وكبرت مخى
ههههههههههههه