الموضوع: مساعدة أرجوكم فى فيرنا

المشاركة الأصلية كتبت بواسطة original

حاجة شبه دى بس مش عارف فى الفيرنا مكانها فين بالظبط!! يمكن يكون نفس المكان!!
يمكن اللى عندك صدت!! عمتا لو عملتها إبأا استعمل مياه للموتور معتمدة
[youtube]http://www.youtube.com/watch?v=ut1wqdtdxem[/youtube]

المشاركة الأصلية كتبت بواسطة original

طالما الحرارة بتنزل لما بتتحرك بيها يبأا حد شاللك ترومستات الحرارة

طيب تمام زى الفل ياباشا هشوف الموضوع ده وأمشي فيه وبإذن الله لو اتحلت المشكلة هاجى أطمنكوا :)

تسلم ياكبير ومعلش تعبتك معايا

وعلى فكرة انا بحط ماية خضرا المانى كده مش فاكر اسمها بس انا مرة زودت العربية حوالى نص لتر كده ماية عادية

المشاركة الأصلية كتبت بواسطة original

ربنا معاك ومتابعين..

اوووووووسسكوووووت عاللى حصلى :(

النهاردة نزلت بيها وعادى خالص والحرارة تحت العلامة فقلت اطنشها شوية
نزلت من العربية ورجعت تانى ابص الاقى الععربية تحتها مية خضرا
فتحت وبصيت لقيت القربة شغالة تفور من خرطوب الفايظ .. أتصلت بالكهربائى وجبته بص عليها وسبحان الله ولا كأن فيها حاجة المراوح شغالة عادى والحرارة مظبوطة وكله تمام !!!!!
خدناها وهطها عالجهاز وماطلعتش حاجة بارضو ، دورتها وسبتها بتاع ربع ساعة وكله ماشي تمااااااام بارضو

المهم مشيت من عنده وانا قلقان وفعلاً عند البيت ببص لقيت الحرارة رجعت تانى تحت النص .. كلمته قالى تعالى وانا بصراحة اتخنقت وماروحتش!!!!!

انا قرفففففففففففت مش عارف اعمل ايه بصراحة

المشاركة الأصلية كتبت بواسطة original

عربيتك دى تحير! طيب نفكر مع بعض:
-ممكن دورة التبريد كان فيها هواء!!
-ممكن مراوح التبريد فيها مشكلة فبالتالى مفيش تبريد فيحصل كده!!
-الترموستات اللى بتشغل مروحة التبريد بتعلق!!
-طرمبة المياه!!
-الترموستات الداخلية اللى قلنا بايظة أو ملغية ممكن تخنق المياه جوا الموتور لو بايظة!!
-طيب طمننا..

- ممكن . بس انا ماقربتش منها خالص غير انى بتابع الميه فى القربة والريديتير والمشكلة ظهرت بعد مشكلة الطربمة بس .

- لا دى صعب لأن الكهربائى شيك على الأتنين وشغلت التكيف والحرارة عادى والمراوح شغالة ، بس المؤشر جوه تحت العلامتين .

- ممكن جداً . وأنا شاكك فى الموضوع ده لكن ماعنديش دليل !!!؟؟ :)

- مش عارف افتى فيها دى بصراحة

- والله مشكلة الترموستات دى مش عارف ايه نظامها لأن المشكلة دلوقتى ان القراية فى العداد حاجة وهى فى الواقع حاجة تانى ، لأنى لما ركنت العربية ونزلت ساعة ماشوفت المية تحتها أنا متأكد أن العداد كان تحت العلامتين لأنى طول الوقت ببص عليه عشان كنت فعلاً خايف تسخن !!!