غيرت كوتش السيراتو 215/45/17 كوهو اكستا ku31 ZR,XL

**moha4tec** · 11-12-2012 09:02 PM

السلام عليكم
باختصار .
غيرت الكوتش القديم ال kumho kh17
و اشتريت ال kumhu ecsta ku31 215/45/zr 17 xl
الكوتش الجديد افضل من القديم طبعا .
و انعم و اقل فى الصوت .بس للاسف كوتش طرى مع انه xl .و اداءه مع الحفر و المطبات افضل من القديم
المهم يدوبك ركبت الكوتش و مشيت مفيش 10 دقايقي و الله سمعت صوت .تك تك تك تك .
قلت دى شكلها ظلطه كبيره اوى .
طلعت مسمار كبير و خرملى الكوتش الجديد ههههههههههههه
الحمد لله طبعا
رحت صلحت الكوتش الجديد فى بريدج ستون .
و ندمت انى مركبتش كوتش خلفى 225/45/17 .
احتمال اجيب كوتش خلفى 225/45/17 او 223/45/17 و اشوف الفرق اه فى الثبات و ربنا يسهل
عموما الكوتش الجديد فى الميه كويس و لكن فى الارض الجافه فى احسن منه بفرق ملحوظ زى الادرينالين 02 الجديده اللى لسه منزلتش مصر و الكونتيننتال سبورت كونتاكت 5

فى الاخر العربيه دلاى محتاجه كوتش محترم يكلبشها فى الارض و سعتها هتحس بالفرق جامد
الكوتش اللى ركبته اخدت نصيحته من ياسر الصياد و ركبته فى عربيتى و عربيه قرايبى .و هو مخلتى تسارع العربيه فعلا حلو ما شاء الله و خفيف و طرى
و احب اشكر ياسر الصياد على وقته و نصايحه .و المهندس محمد رشدى لانى كنت هدبس نفسى فى كوتش الفرده ب 1500 جنيه هههههههههه
اخيرا سعر الكاوتش 500جنيه شامل النيتروجين و الترصيص و كله غير الحلاوه طبعا
و ركبت بلوف معدنيه نيكل ب 100 جنيه لل 5 كوتشات .
الحساب النهائى 2100 لنى غيرت 4 كوتش فقط
و نصيحه اخويه اى حد عاوز يشترى كوتش جديد للى معاهم جنوط 17 اشترى كوتش يكون xl يعنى حموله زياده و بيسحتمل اوزان و الجانب بتاعه ناشف و مدعم .لان دا هيقلل من فرصه حدوث البلونه فى الكوتش نتيجه المطبات و الحفر .
و الله اعلم
اانهارده رحت غسلت العربيه برا و جوا فى بنزينه توتال و رشولى على جنب الكوتش اسبراى ملمع و مطرى للكاوتش
عاوز اقولكم الكوتش بقى ملبن هههههههه العربيه بقت ناعمه جدا و الله اكنى جنط 16 . بس المشكله لما الكاوتش بيتغسل بترجع ناشفه تانى هههههههههههه .اصلى مجرب الموضوع ده قبل كده

**moha4tec** · 11-12-2012 09:13 PM

هبقى اصور الكوتش و انزل صوره قريب باذن الله

**moha4tec** · 11-12-2012 11:09 PM

المشاركة الأصلية كتبت بواسطة timtim77

الف مبروك يا باشا
معلش خدوا العين بدرى قوى قدر الله وما شاء فعل
ربنا يديك خيرهم ويكفيك شر البلونات
ايه الفكرة من تغير مقاس الكاوتش الخلفى؟؟

الفكره انها تزود الثبات فى الملفات .
يعنى تكلبش العربيه فى الارض فى الملفات .و تثبتها اكتر فى مفصلات الكبارى و تقلل التنطيط شويه بسيطه .
و الله اعلم

**AHMED1718** · 11-12-2012 11:14 PM

الف مبروك يابوب مش كنت تقول كنت انزل معاك لانى شكلى هحتاج التغيره التانيا

انا غيرت كاوتش اكتر مغيرت تيل ف العربية دى ماشى عكس الخلق كلهم

بس انا طبعا مش عارف ايه الانواع اللى انتا كاتبها دى بس شايف سعره ممتاز

بصراحة الفولدا اللى معايا دى كيفنى اخر حاجة بس للاسف بعد 30000 كم بدأ ينشف
ودلوقتى على 40000 بيعمل صوت على الارض رغم انه خرافة ف المشى والثبات والفرامل بس انا بكره الصووووووووت ده وهغير الكاوتش علشان الصوت بس مع انى شايف انه يمشينى 20 الف كمان

**moha4tec** · 11-12-2012 11:16 PM

الفكره بس لتزويد الثبات فقط لا غير + سمك الكوتش هيكبر شويه و دا هينعم العربيه و هيقلل فرص البلونات و الله اعلم

**moha4tec** · 11-12-2012 11:21 PM

المشاركة الأصلية كتبت بواسطة timtim77

الف مبروك يا باشا
معلش خدوا العين بدرى قوى قدر الله وما شاء فعل
ربنا يديك خيرهم ويكفيك شر البلونات
ايه الفكرة من تغير مقاس الكاوتش الخلفى؟؟

الله يبارك فيك و يكرمك
ههههههه اخدت العين بدرى جدا فعلا ههههههههه انا عملت رقم قياسى ادخل بيه جينيس ههههههههه
الكوتش اتخرم بعد 10 دقايق من تغييره ههههههههه
الحمد لله طبعا على كل شىء
المره الجايه هجرب اغير مقاس الكوتش الخلفى فقط عشان ماثرش على التسارع و ازود الثبات

**moha4tec** · 11-12-2012 11:31 PM

المشاركة الأصلية كتبت بواسطة ahmed1718

الف مبروك يابوب مش كنت تقول كنت انزل معاك لانى شكلى هحتاج التغيره التانيا

انا غيرت كاوتش اكتر مغيرت تيل ف العربية دى ماشى عكس الخلق كلهم

بس انا طبعا مش عارف ايه الانواع اللى انتا كاتبها دى بس شايف سعره ممتاز

بصراحة الفولدا اللى معايا دى كيفنى اخر حاجة بس للاسف بعد 30000 كم بدأ ينشف
ودلوقتى على 40000 بيعمل صوت على الارض رغم انه خرافة ف المشى والثبات والفرامل بس انا بكره الصووووووووت ده وهغير الكاوتش علشان الصوت بس مع انى شايف انه يمشينى 20 الف كمان

الله يبارك فيك يا كبير و منور الموضوع
معلش يا كبير ابنى حرقلى موبايلى و ضيعلى كل ارقامى
و انا من موقعى هذا اناشد شعب نايل موتورز انه يبعتلى ارقامه على الخاص او على الموبايل او اى حاجه انا من غير نمر خالص و حياتى وقفه و مش عارف اكلم حد .ههههههههههههههه
النوع اللى انا غيرته هو كومهو فيتنامى بس كويس جدا و الله و مخلى العربيه فايقه مش زى القديم و كويس جدا فى التسارع و مخلى بور العربيه ملبن عن الاول .لان الاول كان صعب و تقيل بصراحه .
الفولدا طبعا كويس جدا جدا
بس عموما البريدجستون و الميشلان و البريلى هما اللى عمرهم طويل 60 الى 70 الف كم و وقت طويل مثلا 3 او اربع سنين .
و كل الكورى كبيره 3 سنين او 40 الى 50 الف
انا عامل 52 الف كم و اعتقد انى كنت المفروض اغير كوتش قبل كدا بكتير على ال 40 مثلا و اعتقد ان الكوتش هو سبب الحادثه القديمه بتاعتى لانه زحف و مبيمسكش فرامل و كان صابونه و مش ويس عكس الجديد
و طبعا الجديد ليه روحه و حلاوته .
ربنا معاك و عوزين نتقابل و نقعد مع بعض زى ايام زمان
و يا ريت يا باشا تعمل موضوع الاوتوكروس بتاعك يا رافع راسنا فى الاوتو كروس و بالصور و دلعنا بقى

**moha4tec** · 11-12-2012 11:40 PM

المشاركة الأصلية كتبت بواسطة timtim77

بس دلوقتى لما المقاس الامامى غير الخلفى مس حياثر على حاجة
انا اسمع ان المقاس لازم يكون واحد
والله اعلم

طبعا هياثر
العربيه هتعلى من ورا نصف سم
و مش هياثر على عداد السرعه لانه بيقرا من العجل الامامى فقط
هياثر على الفرامل بالايجاب و السلب = تعادل او زيادة اداء الفرامل +معال abs فقط
طبعا اللى سايق و فاهم هو عامل اه فى العربيه عليه توقع رد فعل العربيه مع الفرامل المفاجاه فى التراب او ميه او فى ملف حاد على سرعه عشان ال abs بيشتغل و بيحسب على لفة العجل بالقطر القديم و مش عارف هل هو فيه سنسور بيحس بالتغيير فى القطر و الا لا
بس طبعا الفرامل قوتها هتزيد و العربيه هتنعم و هتثبت اكتر فى الملفات و خصوصا فى مفصلات الكبارى
و الله اعلم

كل اللى كتبته مجرد استنتاج فقط و ممكن كل كلامى او بعضه يطلع غلط
و الله اعلم
لما اجرب هبقى اقولكم

-

-

الموضوع: غيرت كوتش السيراتو 215/45/17 كوهو اكستا ku31 ZR,XL

LinkBack

أدوات الموضوع

عرض

غيرت كوتش السيراتو 215/45/17 كوهو اكستا ku31 ZR,XL - انشر الموضوع فى :

-

-

-

-

-

-

-

المواضيع المتشابهه

غيرت كاويتش السيراتو ورصرصت وبعد ما رصرصت .....

غيرت 4 فرد كوتش للعربية الشوما

أخيراً غيرت كلاكس السيراتو (مع شوية صور)

غيرت كوتش الالنترا وعملت حركه جريئه

لو هتغير كوتش السيراتو هتجيب ايه ؟

الكلمات الدلالية لهذا الموضوع

المفضلات

المفضلات

ضوابط المشاركة