مقبل علي شراْء الساجا ومطلوب المساعدة
بصراحة العربية حلوة كإمكانيات وكسعر وأبوشنز
بس أنا حابب أعرف كام حاجه عشان أبقي علي نور وأبقي مطمن بس.
- أسعار الصيانات في التوكيل أخبارها أيه؟؟ أنا معايا فيرنا مثلاً الصيانات بتلعب من 250 إلي 550 وأكبر صيانة صيانة ال60 ألف ب1200 شاملة كل حاجه.
- أنا بسافر كتيير علي الأقل مرة كل شهر وبحب أطلع المسافات البعيدة (شرم مثلاً) بعربيتي مش بالمواصلات فهل هي بتاعت سفر ومريحة ولا هي عربية مدينة أكتر؟
- قطع الغيار أن عرفت أن ليها بدائل بس أنا عايز أعرف أسعار التيل اللي كل الناس بتقول عليه غالي بكام وبيتغير كل قد أيه؟
أنا غيرت تيل قدام مثلاً ب 250 جنيه وبعد 52000 كيلو
وماشي 100 ألف دلوقت ومغيرتش تيل ورا وطبعا التيل فيه أنا مش بوفر يعني :rolleyes:
بشكل عام وبعيد عن الكماليات اللي طبعا في صالح الساجا هل هحس بفرق عن الفيرنا من حيث الركوبة ولا الأحسن أستني شويه وأجيب حاجه أعلي عشان أنا مش حابب أغير وخلاص لكن عايز أكتر أحس أني ركبت حاجه أحسن مفضلتش في محلك سر ومجرد أني جبت عربية جديدة وخلاص
حاجة أخير أيه هي ألوانها المتوفرة و إيه أحلي لون فيها
وأنا شاكر ليكم مقدماً :B4_007: