بيتعملها معالجه ازاى وايه الصيانه بتاعتها ؟؟ وايه افضل حاجه تعملها علشان تعزل الاساسيات من الرطوبه ؟ معلش على الاسئله الكتير d:
عرض للطباعة
احنا بيت العيله اكتر من 160 متر ومبني من غير عمدان بس عملنا زي حصيره كده في الأول وبنينا عليها علي طوبه وطلعنا بالدور الأول والتاني طلعنا الجدران الخارجيه علي طوبه والداخليه علي نص وكل البيوت هناك شغاله كده ومفيش حد بيعمل نظام العمدان ده خالص
ساعة الصب يتعمل دمك كويس وتقليل الفراغات والمسامية تكون اقرب حاجة للصفر تقريبا ! بعد كده السقاية مهمة جدا جدا جدا ! وبتفرق جدا في عمر الخرسانة ! في استخدام المنشأ بقى لما تظهر شروخ مهم جدا تحديد الشروخ دي انشائية ولا مباني ! لو مباني فستين داهية عادي ! لكن لو انشائي ! لو لحقتها بدري مش ها تكلفك غير حاجة بسيطة جدا ! لكن لو اتسابت خش بقى على صدأ حديد وتشريخ وترخيم ونيلة طين ها تقلب بألوفات ! عشان كده الأجهزة المحلية بقى فيه اتجاه يتعمل لكل مبنى بعد كده ملف في الحي عشان يتيقيم دخل الصيانة كام مرة في عمره وهكذا :d بالنسبة للأساسات افضل حل ليها وهيا بتتبني ! غير كده حلول كلها من وجهة نظري تعتبر اي كلام ! لو عندك جنينة تحت البيت حذاري من المياه وكترتها :d وهكذا بقى :) وانا تحت امرك في اي اسئلة
نصيحة من حد اتلسع من الهردي : أبعد عنه
1- مكلف جدا أكتر من 1.5 تكلفة السقف العادي ويقترب من الضعف
2- فكره الحريه الكامله فى بناء الجدران غير حقيقيه لان السقف بيكون متجزء لمناطق بها البلاطات الفوم " ودي مينفعش تبنى عليها جدار" والمناطق الاخري "العصب" ودي بس الى تقدر تبني عليها
3- العزل : سيء جدا جدا "يعنى تبقى قاعد فى شقتك وسامع الى فوقيك وهوا بيتمشي فى شقته"
الميزه الوحيده فيه الوزن هوا والطوب الابيض (الى مشاكله كتير برضو) هما الاتنين ممكن يفرقو معاك فى الوزن فرق يخليك تطلع دور او اتنين زياده
لكن للاسف بعد الانتهاء اكتشفنا ان الجدوى الاقتصادية من الدور او الاتنين الزياده تقريبا اندفع تمنهم فى فرق السعر فى تكلفة الاسقف الهردي والطوب الابيض
تحياتي
معلومات قيمة جداااا يجماعة استفدت منها كتير
المصمم يسيف غطاء خرساني كويس للحديد ! المنفذ يلتزم بالتعليمات والمسافات المناسبة المتروكة في اللوح مش يحط التاتش بتاع عليها ! العزل الجيد بالبيتومين وما نحوه ومينفعش يتساب اخرام صغيرة احنا بنفتكر الموضوع سهل ولكن خرم صغير جدا في العزل يبقى شريط العزل كله ولا ليه اي لازمة !
انا ساكن فى شقه سابقة التجهيز العمارة 6 ادور 24 شقة المساحه من 120 الى 140 متر الحوائط كله مسلحة بعنى شبكة حديد وحوله اسمنت اذا فكرت فى وصع صورة لابد من وجود هلتى مع العلم انى ساكن فيه منذ 1987 على فكرة المشروع ده كبير عبارة عن 20 عمارة قامت بانشائه شركة منتصر للمقاولات