عربيتي عملت حادثة

**waddaa13** · 12-12-2012 08:17 AM

الحمد لله انا دخلت في عربية نص نقل من ضهرها الاكصدام بتعها كان عالي فا دخل في الكبوت انا كنت ماشي على سرعة واطية فا الخبطة جت خفيفة. المهمرالرادياتير اتعوج و الكبوت والرفرف اليمين نفس الكلام وطبعا الفانوس اليمين مع السلامة وهو طبعا ولا الهوا
المهم خليت الرجل يقطرني لاقرب ميكانيكي و سمكري شدينا الشدة القدمانية وفكينا الرادياتير ورحنا لبتاع الرادياتيرات عدله وغير علبه ولحم 3 اخرام طبعا في وسط الدعك ده كانت المروحة الصغير مع السلامة الكبيرة سليمة الحمد لله
انا كنت ميافر والحدثة حصلتلي على الطريق
السمكري قالي روح هات رفرف وكبوت قلتله لا مليش فيه خدت عربيتبي وسافرت بيها ورجعت كمان الحمد لله
العربية شغالة كويس فيما عدا ان متوسط درجة الحرارة بتعتها علي (المروحة الصغيرة مش موجودة) وزرار الانتظار مش شغال الاشارة اليمين بتعمل فلاش بسرعة خرافية
اه صحيح علبة فلتر الهوا اكسرت من الجنب

انا بقى بحكي القصة دي كلها عشان في كذا سمكري رحتلهم مرضيوش يشتغلو فيها ويقلولي هات رفرف و كبوت الا واحد بس قالي هاتاخد شغل يوم انا كنت مشغول و محتاجة قلتله هجيلبهالك الخميس بس السمكري ده هسافرله المنوفية
انا عاوز اخد رايكم اعمل اه دلوقتي و اسعار الحاجات الي باظت دي لو هغيرها

**ahmad_salama** · 12-12-2012 08:26 AM

قدر الله وما شاء فعل والحمد لله انها جت علي كده

شوف مصنعيه السمكري كام الي هيستعدل الاجزاء دي وشوف الاجزاء لو جبتها ستيراد وركبتها هتكلف كام بالمصنعيه
لو الفرق طلع مش كبير يبقي تجيب استريد احسن علشان بيتهيئلي عمل ما السمكري هيظبطها زي الجديد

بالنسبه للانتظار والاشاره عدي ع الكهربائي بس لما تخلص الحاجات الكبيره الاول

**akmm** · 12-12-2012 10:12 AM

الف الف سلامه والحمد لله .

**tarek_2005** · 12-12-2012 10:24 AM

الف حمداً لله علي سلامتك
اولا الانتظار سريع لعدم وجود اللمبة الامامية مجرد روكبها هيرجع لسرعته العادية
حاول متمشيش بالعربية وبخاصة داخل البلد بدون المروحة الصغيرة غيرها فوراً
الانتظار مش شغال احتمال كبير لتلف المفتاح او هزة في فيشة المفتاح من الاستضام
موضوع السمكرة والاستيراد يحكمه المادة ايهما اوفر واتكل علي الله

**ehabomar1987** · 12-12-2012 02:06 PM

بص يا باشا فيه سمكرى كويس فى منطقة اسمها الاميرية انا اعرفه هو ولد محترم وشاب صغير وشغله نضيف لو حابب انك تروحله انا ممكن اوصفهولك واوصيه عليك كمان لو حابب بس هو ممكن يكون غالى شوية انا معرفش كمان هو هياخد وقت شغل اد ايه

**waddaa13** · 12-12-2012 04:42 PM

اولا الف شكر ليكم كلكم

المشاركة الأصلية كتبت بواسطة ehabomar1987

بص يا باشا فيه سمكرى كويس فى منطقة اسمها الاميرية انا اعرفه هو ولد محترم وشاب صغير وشغله نضيف لو حابب انك تروحله انا ممكن اوصفهولك واوصيه عليك كمان لو حابب بس هو ممكن يكون غالى شوية انا معرفش كمان هو هياخد وقت شغل اد ايه

ثانيا : الأستاذ إيهاب : أكون شاكر قوي لو وصفتلي مكانه و كمان ادتني نمرته اكلمه اشوف الليلة هتتكلف كام

و ياريت حد يقولي بردوا اسعار الكبوت و الرفرف و المروحة و الفنوس كام

**tarek_2005** · 12-12-2012 07:58 PM

الفانوس
صيني = 95جم
ديبوا = 125
اصلي = 450
الكابوت
جديد = 450
اصلي = 1200 من منصور
استيراد من 500 الي 600 جم
الرفرف
اصلي =450 من منصور
كوري = 250
استيراد من 200 الي 250 حسب الحالة
المروحة للاسف معرفش اسعارها ايه

**waddaa13** · 12-12-2012 08:29 PM

المشاركة الأصلية كتبت بواسطة tarek_2005

الفانوس
صيني = 95جم
ديبوا = 125
اصلي = 450
الكابوت
جديد = 450
اصلي = 1200 من منصور
استيراد من 500 الي 600 جم
الرفرف
اصلي =450 من منصور
كوري = 250
استيراد من 200 الي 250 حسب الحالة
المروحة للاسف معرفش اسعارها ايه

طب وعلبة الفلتر؟

الموضوع: عربيتي عملت حادثة

LinkBack

أدوات الموضوع

عرض

-

-

-

المواضيع المتشابهه

عربيتي الكارينز عملت حادثة ، عاوز نصيحتكوا

عربيتي عملت حادثة تاني

عربيتي الكروز عملت حادثة

عربيتي عملت حادثة ومش عارف اصلحها فين

عملت حادثة

الكلمات الدلالية لهذا الموضوع

المفضلات

المفضلات

ضوابط المشاركة