بسم الله الرحمن الرحيم
السلام عليكم و رحمة الله و بركاته
بعد تركيب طقم سماعات بايونيير 400 وات بدل السماعات الكلاريون اللي شيعت و اتكسرت و متصلحش مغناطيس مسامير حتي
http://www.nilemotors.net/Nile/308587-400.html
و بعد موضوع فتح غطا السماعات في التابلوه قدام
http://www.nilemotors.net/Nile/321645-a.html
بدأت رحلة البحث عن سماعات 10 سم مدورة
و لقيت سوني 10 سم 130 وات , 30 ار ام اس في بي تك توكيل سوني فرع روكسي الي جنب قويدر بـ99 ج و ضمان 6 شهور تقريبا
و كينوود 110 وات , 20 ار ام اس عند فانتازيا بـ85 ج
و ملقتش بايونيير غير عند السجان و قالي تقريبا 140 ج و كذلك الكينوود 110 وات 130 ج او العكس مش فاكر
و كله صيني
المهم سمعت السوني و سمعت الكينوود عند فانتازيا ملقتش فرق غير ان السوني لما بتعلي بتصرخ
بالرغم انها ار ام اس اعلي 10 و راكبة ع سي دي و جي ام
قولت هجيب كينوود من عندهم مع اني عارف ان السعر زيادة شوية لأن سعرها تحت في التوفيقية حوالي 70 ج من سنة فاتت بس الدنيا مقلوبة خلقة هناك و لازم انزل بدري و وجع دماغ و اللي عايزين يقفلو كوبري اكتوبر و هي ما ناقصة فقولت مش مشكلة
روحت فانتازيا تعامل الشباب اللي واقفين هناك محترم جدا ماعدا ست كبيرة قاعدة هناك بتحاسب لما سالت ع الاسعار بترد بطريقة سيئة كنت هرجع في كلامي و مش هشتري الحاجة المهم ما علينا كبرت دماغي
السماعات ما شاء الله شكلها نضيف عن اللي بينزل ستوك الستوك تحس انها كرتون معاد تصنيعه
و ديه مكونات العلبة
- السماعتين
- الكتالوج
- 2 سلك قصير للتوصيل المباشر
- طقم مسامير و ورد للربط
http://nileup.com/up/uploads/nilemotors_13553238201.jpg
و بدأت رحلة التركيب نزلت و سميت
و فكيت الوش الفيبر مكان السماعات في التابلوه
http://nileup.com/up/uploads/nilemotors_13553238202.jpg
زي ما انتوا شايفين فيه مكان جاهز لتشبيك السلك و التركيب عالطول لكن للأسف مش هستخدمهم و هتعرفوا السبب بعد شوية
http://nileup.com/up/uploads/nilemotors_13553238203.jpg
فكيت الوش الفيبر في التابلوه ثم طلعت الكاسيت و فكيت الكابل من ورا و محدش يستغرب من شكل الكابل الجهاز ده كابله عريض و مقسوم اتنين جزء للباور و الارضي و الذاكرة الخ الخ و الجزء التاني للسماعات و التوزيع
http://nileup.com/up/uploads/nilemotors_13553238204.jpg
http://nileup.com/up/uploads/nilemotors_13553238205.jpg
و كانت المفاجأة ناهيكم عن التقفيل المعفن اللي شوفته و اللي عملوه ساعة تركيب الهيد يونت لكن ابص ع اسلاك اللي موصلة للفتحات اللي هي جاهزة للتركيب اتصدم انهم مش واصلين و الاساتذة واخدينهم مشبكينهم مع الباور و الارضي و شوية لخبطة عجيبة و انا ساعتها عملت كده :duh:
مفيش غير حلين لا ثالث لهما اما اروح لواحد يعيد تظبيط الاسلاك لأن اخوكم بيتوه في كهربا العربية شوية
اما اني اطنش للاسلاك الواصلة و اجيب سلكين اوصلهم مباشرة ع الكاسيت
و اخترت الحل التاني لأني بتفقع من الصنايعية و ماشي بمبدأ و لا الحوجة للصنايعية في الحاجات الخفيفة ديه
و بدأت اشوف انهي فردة يمين و انهي فردة شمال و جبت سلك السماعات اللي كانت جايبه مع البايونيير عشان طويلة و قصيت ع اد المسافة بين الفتحة و الجهاز و قفلتها بشكل مؤقت لحد ما اجرب
http://nileup.com/up/uploads/nilemotors_13553238216.jpg
و الحمد لله زي ما توقعت اشتغلت الفردة اليمين مع اللي موصله و قولت الدنيا ابتديت تنور مكنتش اعرف انها هتضلم كمان شوية :B4_556:
ده غير طبعا زي ما انتوا شايفين ان السماعات مش هتركب لأن فيها مكانين زيادة للمسامير ديه لسه مضلمتش الضلمة جاية في الطريق
http://nileup.com/up/uploads/nilemotors_13553238217.jpg
المهم قولت اخلص التوصيلات و الكهربا الأول و بعدين نظبط مكان السماعات
كده خلصنا من الفردة اليمين الشمال سهلة هركب عالطول و زي مقولت الدنيا ابتديت تنور شيل الوش اللي ناحية السواق و اذ بالصدمة ضلمت ضلمة معتبرة يا ريتها ع تركيب او اسلاك مش واصلة لأ الدنيا متقفلة تقفيلة محترمة متعديش سلكة و لازم يلف جوة التابلوه و لا كأني بوصل مواسير غاز
http://nileup.com/up/uploads/nilemotors_13553238219.jpg
ذهبت لعلبة العدة و جبت سلك ربط حاطه معايا احتياطي عشان الحركات النص كوم اللي بتحصل ديه فبيتنع و ابتديت امشيه حوالين التابلوه من جوة عشان انزله تحت و امده للجهاز و الحوار ده لوحده خد مني حوالي تلت ساعة و انا عمال اتنطط مرة فوق التابلوه مرة نايم في الشارع و مرة فوق الكبوت و مرة تحت الكراسي :grrrr: لحد ما وصلت السلك
http://nileup.com/up/uploads/nilemot...5532382110.jpg
و وصلته من تحت لحد الجهاز
http://nileup.com/up/uploads/nilemotors_13553258451.jpg
و شبكت الفردة الشمال مع الشمال و جربت السماعة الشمال و بعدين بدات أأقفل الهرجلة اللي كانت معمولة ورا الجهاز
http://nileup.com/up/uploads/nilemotors_13553258452.jpg
http://nileup.com/up/uploads/nilemotors_13553258453.jpg
http://nileup.com/up/uploads/nilemotors_13553258454.jpg
و وصلت الكابلات و كابل الراديو
http://nileup.com/up/uploads/nilemotors_13553258455.jpg
و بعدين ركبت الجهاز تاني و قفلت التابلوه
http://nileup.com/up/uploads/nilemotors_13553258466.jpg
و طبعا لسه الاسلاك كلها متشعلقة في التابلوه بتفكرني ايام ما كنا صغيرين و بنتشعلق في الاوتوبيسات هههههههه
http://nileup.com/up/uploads/nilemotors_13553258468.jpg
المهم لميت البلاوي ديه كلها و ربطت و قفلت
طب كده خلصنا ؟؟؟ اكيد لأ يا فرحتي الاسلاك واصلة و مفيش سماعات هتركب
زي ما شايفين 4 اماكن للمسامير فقيت الحل الوحيد اني أأقص الاتنين اللي معلم عليهم بالاحمر حتي لو اتنوا مش هتدخل السماعة المهم توكلت ع الله و قصيت
http://nileup.com/up/uploads/nilemotors_13553258469.jpg
و ديه النتيجة
http://nileup.com/up/uploads/nilemot...5532584610.jpg
و جبت الورد و السمامير و ابتديت اركب و ديه لوحدها مقرفة لأن الازاز مضايقني في تركيب المسامير ففضلت الف لحد ما قفلت و تنيت مفك صغير ع شكل حرف L و بدأ التقريط النهائي
http://nileup.com/up/uploads/nilemotors_13553267551.jpg
ثم تم تركيب الوش
http://nileup.com/up/uploads/nilemotors_13553267553.jpg
و بالمثل في الناحية الشمال
http://nileup.com/up/uploads/nilemotors_13553267554.jpg
و بفضل الله و حمده تم التقفيل النهائي
و دخلنا في مرحلة التجربة مرة تانية للتاكيد النهائي
و كانت المفاجأة برده مش عارف ايه المفاجأت معايا ههههههههههههه
نسيت ان كل الراديو قنواته اتلغت و لازم و لاااااابد اعيد الضبط و الام بي ثري فوق و الكاسيت جنني عشان يتظبط لكن الحمد لله اتظبط بعد عذاب كأن البحث كأن بيعاند معايا
بدأت اجرب الصوت امامي فقط او امامي و خلفي
اجرب يمين بس او شمال بس امامي او امامي و خلفي
و ما شاء الله الله اكبر الصوت بقي اجمل خاصة مع السماعات ورا
تم بحمد الله
و انتظروني في تقارير اخري ان شاء الله عن تركيب الجي ام و هيد يونت اخر :)