برسونا ولا جين 2؟

**Motarjim** · 12-12-2012 06:07 PM

السلام عليكم،

أدعو الله أن تكونوا جميعًا بخير، وفي أحسن حال.

أود من حضراتك أن تشوروا عليّ؛ أيهما أنسب، وأفضل، برسونا أم جين 2، علمًا بأنه لدي أسرة صغيرة والحمد لله، واعتاد السفر إلى الصعيد، وكذلك إلى الاسكندرية، بمعدل مرتين أو ثلاث في العام للوجهة الأولى، ومرة كل شهر تقريبًا أو ربما أكثر للثانية. بالطبع، أذهب محملاً بالأمتعة وما إلى ذلك، وأرجع محملاً بضعف ما ذهبت به، أو أكثر. وهذا ما يجعلني أميل إلى البرسونا من حيث توفر الشنطة ووسعها.

من ناحية أخرى، تفرجت على الجين تو، واكتشفت أنه بها مساحة تخزين خلفية لا بأس بها، وإن كانت في البرسونا أكبر بالطبع. ولكني أرى توافر قطع غيارها خارج التوكيل أفضل من البرسونا، وكذلك اعتقد أن سعر البيع أعلى نسبيًا لصالح جين تو لأنها مطلوبة أكثر، وإن كان هذه النقطة غير مهمة بالنسبة لي، لأني لن أبيع بإذن الله في القريب.

إلى جانب شنطة البرسونا، أفضل فيها أيضًا أن المرايات الجانبية أكبر وأوسع تغطيةً منها في الجين تو، فضلا عن أن البرسونا تتميز بمثبت سرعة، وهو غير متوفر في الجين تو.

وعرفت من حضراتكم مؤخرًا أن البرسونا إليجانس تتميز أيضًا بتطور ecu مقارنةً بالجين تو، مما يمنحها استجابةً أفضل.

أنا اتفرجت على الاتنين، وركبتهما، ولكن لم أجرب قيادتهما إلا مترين ورا ومترين قدام بالجين تو.

ولكن محتار اختار أي منهما، فإن شاء الله من خلال مشاركاتكم، اقدر أحدد أيهما أنسب وأفضل لي.

جزاكم الله خيرًا.

**eng.m7md.ali** · 12-12-2012 06:21 PM

هيا محيرة طبعا خصوصا ان حضرتك ليك اسرة ومحتاج الشنطة

والجين2 بصراحة تحفة لو منك هضحي بأي حاجة مقابلها بس بردو البيرسونا مغرية في الشنطة والعدادات الجديدة والتعديل في الecu ومثبت السرعة

شوف حضرتك لو تقدر تتعايش مع شنطة الجين2 هتلاقيها احسن ان شاء الله في الثبات كمان عن البيرسونا

**S O P H O S** · 12-12-2012 06:59 PM

كراي ليس الا
الجين 2 ..

**Motarjim** · 12-12-2012 07:18 PM

المشاركة الأصلية كتبت بواسطة eng f3lix

هيا محيرة طبعا خصوصا ان حضرتك ليك اسرة ومحتاج الشنطة

والجين2 بصراحة تحفة لو منك هضحي بأي حاجة مقابلها بس بردو البيرسونا مغرية في الشنطة والعدادات الجديدة والتعديل في الecu ومثبت السرعة

شوف حضرتك لو تقدر تتعايش مع شنطة الجين2 هتلاقيها احسن ان شاء الله في الثبات كمان عن البيرسونا

جزاك الله خيرًا يا باشمهندس، وكالعادة حضرتك سبّاق بالخير طبعًا من خلال النصيحة والرأي السديد بإذن الله.

النهاردة، اتفرجت على الجين تو، في التوكيل، ما شاء الله جميلة. وأنا باتفرج عليها، جاء عمال شغالين في التوكيل، يطلعوا بعربية جيب، قالوا معلش دور أطلع شوية قدام وسّع لنا، فقولت فرصة :)...طلعت بها استجابة مذهلة ما شاء الله، ورجعت كمان.

مافيش غيرها بروتون اصلا في المخزن أو الهنجر، وكانت تاريخ الشحن 13-6-2012.

فسألت الاستاذ محسن: دي على كده موديل كام، قال 2012، ومتباعة.

بس متهيأ لي أن القعدة في الكنبة الخلفية مزنوقة شوية...يعني هل البرسونا أوسع شوية في الكنبة الخلفية؟

بالنسبة للثبات، هل معنى كلام حضرتك، البرسونا لا تتمع بالثبات الكافي مقارنةً بالجين تو، ولا هي تتميز بالثبات، ولكن الجين تو أكثر ثباتًا منها؟

وشكرًا ياريس على تعبك.

**eng.m7md.ali** · 12-12-2012 07:36 PM

المشاركة الأصلية كتبت بواسطة motarjim

جزاك الله خيرًا يا باشمهندس، وكالعادة حضرتك سبّاق بالخير طبعًا من خلال النصيحة والرأي السديد بإذن الله.

النهاردة، اتفرجت على الجين تو، في التوكيل، ما شاء الله جميلة. وأنا باتفرج عليها، جاء عمال شغالين في التوكيل، يطلعوا بعربية جيب، قالوا معلش دور أطلع شوية قدام وسّع لنا، فقولت فرصة :)...طلعت بها استجابة مذهلة ما شاء الله، ورجعت كمان.

مافيش غيرها بروتون اصلا في المخزن أو الهنجر، وكانت تاريخ الشحن 13-6-2012.

فسألت الاستاذ محسن: دي على كده موديل كام، قال 2012، ومتباعة.

بس متهيأ لي أن القعدة في الكنبة الخلفية مزنوقة شوية...يعني هل البرسونا أوسع شوية في الكنبة الخلفية؟

بالنسبة للثبات، هل معنى كلام حضرتك، البرسونا لا تتمع بالثبات الكافي مقارنةً بالجين تو، ولا هي تتميز بالثبات، ولكن الجين تو أكثر ثباتًا منها؟

وشكرًا ياريس على تعبك.

العفو ياباشا ده واجب عليا :)

هرد على حضرتك في نقطة الوسع .. البيرسونا اوسع شوية وكمان سقفها اطول من ورا عشان يبقى في مسافة بين راس اللي قاعد ورا والسقف

اما بالنسبة للثبات .. ثبات البيرسونا ممتاز وحلو اوي بس طبيعي انها اقل من الجين2 بحكم انها سيدان مش زي الجين2 هاتشباك

بس مش الفرق الكبير

**Motarjim** · 12-12-2012 07:39 PM

المشاركة الأصلية كتبت بواسطة eng f3lix

العفو ياباشا ده واجب عليا :)

هرد على حضرتك في نقطة الوسع .. البيرسونا اوسع شوية وكمان سقفها اطول من ورا عشان يبقى في مسافة بين راس اللي قاعد ورا والسقف

اما بالنسبة للثبات .. ثبات البيرسونا ممتاز وحلو اوي بس طبيعي انها اقل من الجين2 بحكم انها سيدان مش زي الجين2 هاتشباك

بس مش الفرق الكبير

تمام يا ريس...جزاك الله خيرًا.

برضه لاحظت صوت مروحة التكييف العالي إللي كله شوية يفصل، وقصر مدى السنتر لوك بتاعها، زي ما الأخوة بيشتكوا، ولكن الراجل أكد أن الحاجات دي طبيعية فيها...هي كده.

**eng.m7md.ali** · 12-12-2012 07:49 PM

المشاركة الأصلية كتبت بواسطة motarjim

تمام يا ريس...جزاك الله خيرًا.

برضه لاحظت صوت مروحة التكييف العالي إللي كله شوية يفصل، وقصر مدى السنتر لوك بتاعها، زي ما الأخوة بيشتكوا، ولكن الراجل أكد أن الحاجات دي طبيعية فيها...هي كده.

+1

فعلا طبيعي ياباشا لا تقلق

**monamize4** · 12-12-2012 07:54 PM

انا بحب الحين 2 اكتر بس متهيالى البيرسونا انسب لك

**Motarjim** · 12-12-2012 09:10 PM

المشاركة الأصلية كتبت بواسطة yasserk2

انا ارجح لحضرتك البيرسونا لانى كنت فى نفس حيرتك بس فى الاخر الجين 2 لم تتفوق الا فى الشكل ودى حاجه نسبيه قد تختلف من شخص لاخر بينما البيرسونا تفوقت فى وسع الشنطه والكنبه الخلفيه بعض الشئ ومثبت السرعه اما ماعدا ذلك فهما متطابقتين تماما بالنسبه للثبات والاداء القوى وحتى قطع الغيار حدد متطلباتك من العربيه وقارن بين الاثنين واكيد هتوصل لاختيار مناسب ومش بحاول اثر على اختيار حضرتك لكنى كنت فى نفس حيرتك ووقع اختيارى على البيرسونا ومتنساش الاستخاره --- تحياتى

تمام يا ريس...إن شاء الله خيرًا.

ربنا يبارك لك فيها.

الموضوع: برسونا ولا جين 2؟

LinkBack

أدوات الموضوع

عرض

-

-

-

-

المواضيع المتشابهه

برسونا

برسونا

حجز برسونا

برسونا

برسونا

الكلمات الدلالية لهذا الموضوع

المفضلات

المفضلات

ضوابط المشاركة