بعيداً عن العشوائيات
أين أبحث عن شقة تمليك في القاهرة وما حولها من مدن جديدة ب 100 ألف جنيه ؟؟
-
بعيداً عن العشوائيات
أين أبحث عن شقة تمليك في القاهرة وما حولها من مدن جديدة ب 100 ألف جنيه ؟؟
-
متابع معاك
في عندك في ٦ اكتوبر في الحي العاشر و الحادي عشر والثاني عشر ومساكن شباب مبارك شقق مساكن حكومية يتراوح سعرها من ٩٥ الف الى ١٢٠ الف جنية وفي اقساط للبنك كمان عليها حوالي ١٠٠ جنية او ١٢٠ جنية بس محتاجة لف شوية وبالتوفيق
هتلاقى بس مساحات صغيره يعنى اوضتين وصاله
والله ِ اقلك على حاجة يا فندم
انا شايف انها شقق مساحتها معقولة. .... بس عيب الناس انها غاوية كركبة .... يعني المشكلة حتى في جهاز العروسة تلاقي ام العروسة عاوزة اوضة نووم كبيرررررة تسد الاوضة من الباب لحد الشباك على الرغم ان في اوض نوم حجمها معقول وعاوزين سفرة قاااااد كدة وانتريه قاااااد كده كام قطعة تبلع الانتريه كلوو ده واذا لقوا في مساحة يملوا الصالون طربيزات طربيزات صغيرة. قال ايه علشان الشاي والجتوة مع اني شايف ان حتى الشقق الي مساحتها ٦٥ م ممتازة جداً لكل شباب بيبتدي حياتهم. الا اذا العريس عاوز يلعب استغوماية مع العروسة ههههه ويجري طول النهار وراها في الشقة فسعتها يبقى محتاجين شقق كبيرة
فنفسي بجد يعممو حكاية مساكن الشباب دي في كل الاماكن .... بس طبعاً تنبيه خلي بالكوا الاماكن دي متتصورش الجيران منظرها عاملة ازاي .... يعني هتلاقي الاشكال من اولاد الجيران. واحد اسمو علي نعناعه واحمد شعيشع ومحمد سينجة ... وممكن تلاقي عيال واقفه بتشرب قزازة دوى كحة. بيبلبعوها ده المنطقة هناك معمول فيها كبرية تصور. كابرية شعبي في سته اكتوبر على ما اسمع ايام الثورة راحوا ولعوا فيه وسرقوه بس مين عارف مش يمكن رجعوا فتحوه تاني لذلك معليش هتتعب شوية في اللف والدوران. ( لان زي ما انتا عارف الجار قبل الدار ) واوووووعه اوووووعه تقول يا عم واحنا مالناااا اووعه هتتعب في حياتك جداً حتى لو لقيت شقة لقطة وسعرها مغري وتحياتي وبالتوفيق
ممكن فى اكتوبر او العبور شقق الشباب بس هتكمل اقساط
او تروح العاشر من رمضان
التجمع الثالث
للاسف 100الف ميجبوش شقه كويسه فى مكان كويس :s:s:s
يااما زى الساده ماقالو هتكمل اقساط
يااما زى ياريس ما قال هتلاقى محمد سنجه وعلى نعناعه وصباح العشوئيات والترمادول والحشيش
أشكركم جميعاً
يعني أكتوبر أو التجمع الثالث أو العبور
هبدأ أدور في التجمع التالت (مش هو برضه اللي جنب أكادمية الأمن ؟)
-
عندي شقة فى العبور 192 متر .. بس عليها قسط شهرى 4600 لمدة 6 سنين
التجمع الثالث فيه منطقه اسمها الحى الرابع فيه مساحات 64 م ب110 الف و 79 م ب 130 الف و قسط 70 جنية كل شهر
فيه فالتجمع الثالث نفسه و ديه منطقة ارقى 70 متر فيها 3 انظمه اقل نظام تتدفع 110 و تقسط 700 جنية
عندك فالعبور شقق الاسكان القومى 64 متر تبتتدى ب 85 الف و ماعليهاش اقساط
فى شقة بتتباع فى المنتدى هنا ب120 لف بالشيخ زايد
http://www.nilemotors.net/Nile/324241-a.html
فى عندك فى الشيخ زايد عمارات بدر الدين مستواها كويس جدا والعمارة 5 ادوار وفيها اسانسير والمنطقة مستواها كويس خلف بيفرلى هيلز الشقة 64 متر ب 110 الف من الشركة وفية ناس بتيع شقق المرحلة الاولى ب 100 الف
عندك منطقة النزهة 2 واجوارها وعين شمس وجسر السويس هتلاقى بالرقم دا كثير ان شاء الله ومساحات كويسة وابراج كمان
المواقع دى ممكن تفيدك فى طلبك
alyasmin.net
eljazerah.com
alknouz.com
mohamady.net
جزاكم الله خيراً
-
-
لقيت الشركة دي عارضة شقق تسليم فوري وبقدم من 35 -60 ألف وتقسيط على 5 سنين وشققها في الشروق وحدايق الأهرام
شركة الكومي للتنمية والاستثمار العقاري – بيع العقارات بالقاهرة و المدن الجديدة
أنا ماتعاملتش معاهم بس قلت يمكن تحب تسأل بنفسك
هما حاطين رسومات الشقق على الموقع فأعتقد دي مفيدة
عند حدايق الاهرام, او شارع جمال عبد الناصر قبل الحرفين (اخر جسر السويس)
السلام عليكم .. انا عندى حاجه ممتازه جدا والله ومتشطبهسوبر لوكس .. يعني ايه ( سيراميك بالكامل وباب حديد .. وطوب حرارى كانوع من انواع الديكور .. ) وماكنها كويس جدا جدا باكتوبر .. وبتبص على جنينتين .. ب 110000 وعليها اقساط 600 جنيه فى الشهر .. فيها تلت عداد مايه وكهربا وغاز طبيعى كمان .. بنها وبين مول العرب .. 8 دقايق بالضبط ..