الموضوع: استرا 2004 مجننانى

يا جماعه معايا اوبل استرا 2004 اوتوماتك العربيه زى الفل بس فيها مشكله مجننانى المشكله كالأتى
العربيه اول ما بمشى بيها بحس انها تقيله جدا جدا عايزه حد يزقها و تيجى عند اى مطلع او مطب مترداش تمشى بالعافيه لما تمشى و على العلم ان زيت الفتيس مظبوط مش ناقص و الغريبه انى لما بركنها وبعدين اركبها بعديها ب 3 او 4 ساعات بلاقيها زى الفل و فى مشكله كمان معرفش اذا كانت مشكله ولا لأ ان الفتيس و انا بنقله اللمباد كلها بتعته تفضل تروح وتيجى مش عارف ايه الحكايه دى ارجو من الجميع يفيدونى عشان انا مش عارف اعمل ايه

النور الي في الفتيس دا عادي بيخصل معايا لما اوقف الفتيس بين نقله والتانيه
موضوع الكاتمه دوس كدا بنزين للاخر والعربيه واقفه وشوف الار بي ام اخرو كام لو مبيوصلش للاخر تبقي دي علبه البيئه قربت تتسد شوف وقولنا

الحمد لله رحت الحرفيين عند كهربائى مخصوص للأوبل اسمه محمود اوبل كشف عليها كومبيوتر قالى سيلكتور الفتيس هو الى عامل معاها كده رحت اشتريته استيراد و ركبته العربيه رجعت لاصلها تانى و اصبحت زى الفل شكرا يا رجاله على المشاركات الجميله اخوكم محمود قابيل

المشاركة الأصلية كتبت بواسطة romiobasha

انا كان عندى نفس اللى بتقول عليه ده بالظبط و مش هتصدق ان المشكلة كانت فى ان البطارية بتودع فى اواخر ايامها " مشيت بيها 3 شهور" ولما غيرتها اتحلت المشكلة و الحمد لله

جايز ، بس بطاريتي جديدة اصلا مابقالهاش 4 او 5 شهور ، غير كدا ايه علاقة البطارية بالعربية بعد الدوران ؟
افتكر ان في مرة لما ماتت بطاريتي القديمة دورت العربية عن طريق وصلة ومشيت بيها 45 كيلوا وانتظار ساعة من غير ماتبطل !

تخيل بقى ان الميكانيكي يقولي "ماتحطش في بالك" ! انا خلاص جالي اكتئاب من الصنايعية كلهم سواء عربيات او غيره