كيف افرق بين مرض الرماتايد وبين مرض حمى الرومتزمية. !
معلش كنت عاوز اعرف ايه الفرق بينهم. ... لان الدكاترة مابيبلوش ريق الواحد بكلمة حلوة او معلومة مفيدة ... ومش حاسين بتعب المريض وشكوا وانهياروا النفسي يوم بعد يوم وعند كل الم من الالام المفصل بيحس انو بينهار ... فياريت يا جماعة لو حد يعرف الفرق بينهم. يبقى جزاه الله خير لو ينورنا
وهل المفروض. لو فيه خلخلة في الركب نعمل اشعة معينة عليها ولا ده طبيعي وشكراً مقدماً
وربنا يشافي ويعافي كل مريض قدار يا كريم :)
@@@@@@@@@@
وتحياتي
السلام عليكم و رحمة الله و بركاته
اللى أنا أعرفه:
أن الروماتويد اللى هو Rheumatoid arthritis, هو عبارة عن التهاب بيصيب المفاصل فى الجسم و بيبقى فى أكتر من مفصل فى وقت واحد و فى مفاصل صوابع الايدين و الركبة و ممكن يكون معاه أعراض تانية, زى أعراض فى الجلد و العين و الكلى و الغشاء المغلف للقلب و الغشاء البلورى بتاع الرئتين, بس هو غالبا بيكون فى العظام, و الروماتويد بيكون غالبا فى الستات أكتر من الرجالة و بيكون فى بداية ال40 سنة كده.
أما الحمى الروماتيزمية, و اللى هو ال Rheumatic fever , فده بيبدأ غالبا بالتهاب بكتيرى للحلق بالبكتريا السبحية و يعقبه آلام فى العظام و الالتهاب ده لو اتنقل الى الغشاء المبطن للقلب Endocardium , بيحصل التهاب فيه و فى صمامات القلب و بالذااااااااااااااات الصمام الميترالى و ده اللى بيتاخلده حقن البنسلين طويل المفعول كل أسبوعين و لا تلاتة لو كنت سمعت عنها, الحقن دى بتتاخد للقضاء على الالتهاب و للوقاية من انتقال الالتهاب ده للقلب اذا ثبت وجود البكتريا فى الحلق, الحمى الروماتيزمية, غالبا بتكون أكتر فى الأطفال و فى بدية سن المراهقة.
عافانا الله و عفاك.
تسلم يا غالي. ومشكور على سرعة الرد ... طيب لمن يكون المرض ميكس بين الاتنين دول. هل ده يبقى حمى روماتزمية ورماتايد لان توصيف الدكتور حمى روماتزمية. بس احساس المريض الم في جميع مفاصلو حتى صوابع رجليه لو حركهم كده بيطق طقوو وركبو كلها سايبه وبياخود فعلاً بنسين واسبرين يبقى رماتايد ولا مجرد حمى روماتزمية ولا اتئاكول في العظام وتحياتي وربنا يطمن قلبك يا غالي. ويشافي ويعافي كل مريض
السلام عليكم و رحمة الله و بركاته
هو المريض عمره كام سنة و بعدين بالنسبة للRheumatic fever, ده بيتعمله تحاليل معينة و مخصوصة و مزرعة للدم و ايكوا على القلب و حاجات تانية, هو الطبيب المعالج قالك ايه ؟؟؟؟
المريض في الاربعينات كدة ... والدكتور قالوا انوا التهاب روماتيزمي وحللو دم ... بس هو مش واثق في كلام الدكتور. ... وخايف لا يروح لدكتور تاني. يقوم الدكتور التاني يشتغلوا. .... حاكم عارف حضرتك كل دكتور في مصر بكلمة وكل دكتور برأي. لحد مالمريض يتحول لفأر تجارب :)
شوف ياباشا اولا يجب علينا ان نفرق بين مرض الروماتويد الحمي الروماتيزمية
1/ مرض الروماتويد هو مرض مناعي وفيه تتكون اجسام مضادة ضد بروتينات الجسم ومنها المفاصل
وتتميز بأنها تصيب المفاصل الصغيرة في اليد في البداية وفي حالات نادرة تصيب المفاصل الكبيرة في البداية
وللتأكد من وجود المرض يتم عمل تحليل (anti-cyclic citrullinated peptide antibodies (anti-CCP
2/ مرض الحمي الروماتيزمية وهو مرض ينتج بعد الاصابة بنوع من البكتريا العنقودية وايضا هناك جزء مناعي في طريقة الاصابة
المهم ان المرض غالبا يأتي في السن الصغير و يسبق اصابة المفاصل ارتفاع في درة الحرارة ولكن من الحاجات المشهورة التي تميز هذا المرض ان اصابة المفاصل فيه متنقلة بمعني ان المرض يصيب الركبة مثلا ثم تشفي تماما ثم تنتقل الاصابة للمفصل الكتف او غيره وتشفي ايضا تماما ثم تنتقل لمفصل اخر وهكذا )fleeting arthritis(
تسلم يا عزيزي
وهو ده الكلام الي مخليني متوغوش .... لان فعلاً كان في حرارة. وبعدين قلبت بالم مفصل اليدين. ثم قلب بوجع في العمود الفقري ثم انتقل الالم للركبة اليمين. ثم انتقل للركبة الشمال بس مبيتمش الشفاء لأ بيرجع الالم كل يوم في حته
الدكتور طلب تحاليل مختلفة تماماً
طلب (c.r.p)
Anti-stroptolysine (asot)
(Esr)
فهل تنصح يا دكتور اخود المريض واحللوا
تحليل (anti-cyclic citrullinated peptide antibodies (anti-CCP
ولا هيبقى ملهوش لازمة. ... وتحياتي
لا ياباشا التحاليل الي طلبها الدكتور صحيحة بس في الاغلب هتلاقيها عالية شوية وده طبيعي مع الالتهاب
والموضوع لن يتعدي انه هياخد مضاد حيوي وقائي لا اكثر
الصراحة انا لا اعتقد انها حمي روماتيزمية لان تشخيصها سهل جداا وبدون تحاليل اصلا