انا شفت امس اعلان عند نادى الشمس عن نزول الكامرى 2013 لمصر!!
حد عنده اى فكره عنها؟ دى الستوك بتاعها 2400 سى سى يعنى لو نزلت كده هاتعدى النص مليون
ولا نزلوها 1600 تيربو زى البيجو ال 508 والباسات ؟
عرض للطباعة
انا شفت امس اعلان عند نادى الشمس عن نزول الكامرى 2013 لمصر!!
حد عنده اى فكره عنها؟ دى الستوك بتاعها 2400 سى سى يعنى لو نزلت كده هاتعدى النص مليون
ولا نزلوها 1600 تيربو زى البيجو ال 508 والباسات ؟
لسه حالا مكلم الشركه قالولى انها نزلت بالفعل! بس الاسعار مع واحد تانى هاحاول اكلمه!!!
متابع والعربيه دى إعجاز بجد .
العربيه لو نازله بنفس الموتور إلى هو 2400 سى سى هيبقى تمنها 557 ألف جنيه ,,,,, الله أعلم نزلوها بموتور صغير و لا لآ
ما اظنش تنزل بمحرك صغير ...
ليه بس! مش هاتكون اتقل من الباسات cc اللى نازله ب 1400 سى سى و 180 حصان تيربو
بس اللى مشككنى ان اليايانيين عموما رافضين موضوع التيربو ده وبيدخلوا المحرك الكهربى الهجين بدل منه..زى التويوتا البريوس (نازله 1600 سى سى + محرك هجين وب 240 الف)
لو نزلوها زى الباسات و تمنها اقل من 260 الف هاتكتسح السوق تماما تماما وتقضى على الباسات والبيجو 508 و البى ام 316 لو تنزل.
انا هاكون اول واحد احجزها..انا باعشق اسم تيوتا
لسه مكلم المندوب حالا..
بكل اسف قاللى ان الاعلان ده موجه للدوبلوماسيين والجهات اللى تقدر تدخلها جمرك. :(
الكامري لو نزلت مصر وفوق النص مليون يبقى الفئه الخامسه من بي ام والمرسيدس e يبقو برقبتها.
أنا شايف أنها لو حتى ب 350 بس مش هتنافس الأوروبى إطلاقا
على العموم هى فى مصر دلوقتى يا رجاله
http://sphotos-h.ak.fbcdn.net/hphoto...65797158_n.jpg
و هى على العموم نزلت مصر قبل كده فى فيلم ترانسفورمرز الجزء الثانى
عقبال كده مانشوفها معلقه النمر الزرقا
لا هنا تويوتا كامري يا باشا ..
أحنا قصدنا كامرى يا باشا من تويوتا شكلها شبيه بالتويوتا كورولا
مش بنتكلم فى شيفورليه كامارو وكورفيت
هو انت معجبين بالكامري ليه بالظبط
ياجماعة أنا قريت سعرها قبل كده فى ملحق ألأخبار بتاع السيارات وكان 820 ألف جنيه
وشفتها فى مصر كذا مرة وشفتها مرة وكان مكتوب عليها مرور القاهرة وشكله كان راكبها رتبة كبيرة أوى فى المرور ..
والله الكامرى دى فى السعودية زى الفيرنا عندنا .. معمولة تاكسى وعربيات شرطة وملاكى .. منتشرة إنتشار رهيب .. ولما شفتها هناك عجبتنى وقلت أول مانزل مصر هاشوف سعرها كام .. طبعاً صعقت بالسعر
+1
العربية دى حلها انها تتجمع في مصر ، بس برضه مين هيركب عربية سي سي 2400 ويستحمل ضريبتها وبنزينها ، ده لو فرضا مفيش جمارك ، طيب ما اركب بي ام ومرسيدس ،
ثقافة الشعب المصري عمرها ما هتتنازل عن البي ام والمرسيدس كعربيات تتركب بجد ، ولو حتى الكامرى خرجت من الفئة دى كسعر ، مش هتخرج كمصاريف ، فبرضه اللى معاه فلوس هيتجه للاوروبى برضه
الشعب المصري ركّيب زيادة عن اللزوم طالما دافع فلوس ، مين هيسيب بيجو 508 مثلا ويركب كامرى حتى لو بسعر اقل
انما لو الكامرى مثلا نزلت بسعر في فئة اقل من 200 الف والبنزين والصيانة والضريبة ببلاش زي السعودية مثلا ، يبقى الناس هتركبها هنا زي ما عامة الشعب راكبها هناك ، غير كدة ، اللى راكب عربيات تعبانة هيفضل راكب عربيات تعبانة ، واللى راكب عربيات نضيفة وغالية هيفضل راكب عربيات نضيفة واقصد بالنضيفة بي ام مرسيدس فولكس سكودا بيجو
طبعا مع كامل احترامى لاسم تويوتا ونجاحاته وشهرته واعتماديته
يا جماعة ده نجاح انها تتعمل تاكسي
يعني المرسيدس لما بتتعمل تاكسي ده يدل انها i10 مثلا ؟؟ّّ!!
شوف يا أستاذ حسام أ
نا مش مقتنع بان بلدنا بتصنع حاجة
وبعدين زى أيه مثلا ممكن يكون مصنوع محليا ؟؟
هو أقصى وأبعد احتمال أن يكون المكن والمعدات أجنبية وبعض الخامات مو جودة فى بلدنا والمكن الأجنبى والأشراف الأجنبى هو اللى بيصنعها على أرض الوطن
لكن غير كدا معتقدش إننا ممكن نصنع حاجة فى أى عربية من العربيات دى
ماهو علامة الشيفورليه خارمه الشاشه اهه
معلشى الواحد دايخ بقى :B4_556:
كامرى و لا كمارو ... اهه كله بيبداء ب "كـامر":bubble:
انا عارف الكامرى كويس لأن عمى معاه العربيه دى ... بس طبعا عمى مهاجر انجلترا بقاله 40 سنه :mahf(5):
على فكره الكامرى شغاله تاكسى فى السعوديه عادى يعنى
العربية دي عربية عادية جداااااا مافيهاش الا موتور فقط
انما بقية العربية عادية جدااا والتجهيزات الداخلية فقيرة اوي اوي
حتى المحرك غير مناسب لبلدنا فى الزحام المرورى دا وسعته اللترية العالية وطرقنا السيئة
وبعدين الشركات الأوربية عاملة شغل كويس جدا بالمحركات من 1400 و ال 1600 كطاقة وكاستهلاك بنزين
ومن ضمن مميزات السيارة استهلاكها للبنزين القليل والانبعاثات الملوثة للبيئة الأقل
وزى ما قال الأستاذ عمرو فيما معناه:
المستهلك المصرى له آخر برضه مع عربيات تويوتا كسعر لو زاد عن الحد دا أوتوماتيك هيتجه للإبداع والتميز والبرستيج مع بى إم أو بيجو وفولكس والأوربى بشكل عام
يا جماعة انا كده قربت اكره العربية
خلاص عرفت انها شجرة مثمرة بس مش لينا كمصريين
احنا بنقول شعر فال اللنترا وال ار بي يبقي منطقي تبقي الكامري وحشة كده
تحياتي ..
للأسف حضرتك حللت الآراء على أساس مع وضد أساسا معتقدش إن العربية دى من كترها فى مصر
ومحدش قال وحشة راجع حضرتك المشاركات هتلاقيها بتناقش بشكل عملى وليس تحيز
ومن المعروف إن تويوتا كملاكى لا ترقى أبدا إنها تنافس السيارات الأوروبية
الكورولا 2007 ماسكة سعر ومش عارف إيه دى مشكلة سوق زى ما الإلنترا سعرها ضرب فى العالى برغم إنى شايفها علبة ماشية على الأرض !:U_thin1[1]:
يا محمد باشا انا مش بدافع عنها
بس انا شوفت رايك ان العربيات الكوري مش عربيات اساسا فرايك
وحاليا عندي احساس ان الياباني بردوا مش مقتنع بيه بس مش عاوز تقول بشكل كامل
واحساسي انك مقتنع بالاوروبي فقط وعاوز اقول لحضرتك ان تويوتا مش كورولا وياريس وكامري
تويوتا كيان تاني بس مش موجود فمصر وانا عارف كويس ان الاوروبي اوروبي
لكن برضوا اتعلمت ان الياباني ياباني
تحياتي ليك ..
السلام عليكم و رحمة الله و بركاته
آآآآآآآآآآآآآآآآآدى اللى ناقص, كامرى ب600 ألف جنيه !!!!!!!!!!!!!.
الكامرى فعلا ماهى الا تويوتا بموتور2400 CC و بس, حتى الناس هنا دايما يقولوا, لو عايز كامرى و معاها فخامة, هات الLexus ES لكن الكامرى فى حد ذاتها, عربية عادية, احنا اللى اكمننا بقالنا 30 سنة مابنركبش عربيات زى الناس, بقينا بتعتبر الصينى عربيات و بيتعمله مواضيع و تقارير و مقارنات, فطبيييييييييييييييييييييي عى, أننا ننبهر بالكامرى.
السلام عليكم ورحمه الله
الكامرى كانت معروضه واعتقد بانها مازالت معروضه في معرض تيوتا الذى في العباسيه
أنا كنت شغال في السعودية من حوالي 10 سنين و الكامري كانت وقتها التاكسي الاساسي هناك، السواق بيقولي أنا مش عرف بظبط اه إلي تحت الكبوت دة؟ بقوله ليه؟ قال العربية دي معدية مليون كيلو و مفيش أي حتى في الموتور باظت مفيش إلا الصيانة الدورية تيل فرامل كدة انما كلو شغال مفيش اعطال تكييف جبار - بصراحة حاجة مشرفة ...
يا جماعه مين بس الى يقول ان الكاميرى عربيه عاديه انا ركبتها وكانت موديل 2007 وكانت جمرك سعوديه
ديه بتتصنف ذى البى ام والمرسيدى بالظبط
عربيه عفي جدا وغير كده تكيف جبار بمعنى الكلمه وفيه اينولايزر لتنقيه الهواء وانظمه امان كثيرة وكراسى كهربه متحركه ومثبتات سرعه وثقل وثبات خرافى على الطريق بس العربيات ديه للخليج مش لمصر طول ما فى شى اسمه صينى بينزل مصر والناس بتنبهر فيه وطول ما الناس بتقولك هى العربيه ديه رشه جوة ولا رشه بره وطول ما التجار والوكلاء بيفتو على الناس ويقولك العربيه ديه انجليزى وتطلع صينى ويقولك ان العربيه ديه هتكسر السوق وطول ما التجار برضو يعلو فى اسعار العربيات بدون سبب وطول ما بتتسسرق الكماليات من العربيات ويقولك هى جايه كده عمرنا ما هنكرب معنى عربيه اسمها كاميرى او كمارو او ليكزس او كابريس فى السعوديه فى كلمه مشهورة قوى
ما نركب الاالكابريس
وده بيرجع ان الطريق فاضى لدرجه ان اقاريبنى فى كل الخليج بينامو وهما سايقين ويصحو عادى تانى
بنزين ارخص من الميه
قوانين للمرور
طرق مفتوحه
قطع غيار اصليه بمعنى الكلمه
جوده للمنتج
مش هناك شويه عصابه وحراميه وحته تورتايه وبتتقسم
ربنا يعينا
اومال الكامير وعملتو كده
هههههه
اومال لو بوجاتى او مازيراتى او فورد
يا جماعه الفورد بتعمل الوقتى تكونولوجيا ان ابوك يتحكم فى صوت الكاسيت وسرعه العربيه من خلال مفتاح العربيه
واحنا هنا لسه قاعدين نشطف ونلبس فى دستور ورئيس هههههههههه ارحمنا بقا يارب من البلد ديه
ومناشقه سعيده ليكو جميعا
لسة قارى النهاردة حكاية المفتاح ونظام أمان فورد للتحكم بسرعة العربية وصوت الكاسيت من فورد
كمان بيقولوا إن فورد على 2015 هيتم تزويد جميع عربياتها ب esp
لأنه مش موجود غير فى بعض العربيات حاليا زى فورد فيستيا
فعلا الوضع السئ لحالة الذوق اللي احنا وصلنا ليه يرجع لمجموعة الحرامية من المسئولين و محتكري تجارة السيارات لدرجة ان سيارة اثبتت جدارتها في كل دول العالم الا مصر (تتمرمط) بالشكل ده و اننا نسمع اراء (مع احترامي ليها جميعا) اغرب من الخيال زي
بردو لو سعرها بردو نزل ما تتقارنش بالبيجو و الفولكس
كرولا بس بموتور كبير
دي معموله تاكسي في الخليج
والحقيقة انا مش فاهم الناس مالها منبهرة بالعربيات الاوروبي كده ليه وفي رايي ان عربيات زي فولكس ماتتركبش الا بداية من الباسات سي سي و البيجو 508 دي ولا ليها لازمة اساسا لو هتتقارن بالكامري بس الناس بتبص علي الكماليات اللي ممكن تتواجد في عربية سيراتو اكتر منها
وموضوع التاكسي ده مش شئ سيئ بالعكس ده دليل علي النجاح والدليل علي كده ان الكامري مع انها معمولة تاكسي لا تزال من اكثر السيارات شراء من قبل الخليجيين
و للحقيقة السعر المعلن ده عالي جدا انما رايي الشخصي لو نزل سعرها لمستوى السوق مش هنسمع لا عن بيجو ولا عن فولكس ...