شكراً استاذ محمد عبدالجليل Gelgel2004

**SYD** · 13-12-2012 12:05 PM

بسم الله الرحمن الرحيم

السلام عليكم ورحمة الله وبركاته
أخواني الأعزاء في قسم فيات أسعد الله صباحكم بكل الخير

من لم يشكر الناس، لا يشكر الله - حديث شريف

انا عملت الموضوع في قسم فيات لأشكر أحد أهم أعمدة القسم وهو الأستاذ الفضيل محمد عبدالجليل Gelgel2004 واخترت القسم هنا علشان اشكره في عقر داره ولتعريف الأعضاء بهذا الرجل الذي قل في زماننا أمثاله.

بدايه معرفتي بالأستاذ / محمد عبدالجليل كانت في احد المواضيع في المنتدي وبالطبع كان موضوع يخص الردياتير ومياة التبريد وكيفية غسيل الردياتير وأفضل نوع لسائل التبريد ونسبة التركيز وكان الشرح اكثر من وافي.
أعجبت جداً بالشرح (بس ساعتها ماكنش في معجب وشكرا في المنتدي)
بعدها بفترة قل جداً دخوله علي المنتدي (من حوالي سنة) وكان ساعتها لازم يختم اي مشاركة بكلمة لطيفة طيبة "دمتم بود"
فضلت متابع كل ردوده (في الفترة دي ماكنش بيعمل موضوعات كتير وكل مشاركاته عبارة عن ردود) وبعدها عمل موضوع مصور عن تركيب عازل حراري في عربيته

من حوالي 3 شهور احد أصدقائي اشتري فيات سينا 1.4 وقولتله ما تقلقش من حاجة خالص وانا هعملك تقرير كامل عن العربية في خلال يومين
دخلت القسم وكلي تفاؤل اني هلاقي تقرير كامل عن العربية - بس للأسف القسم خذلني جداً وصغرني قدام صديقي - الا ان الأستاذ محمد بارك الله فيه بعتلي علي الخاص بكل ماهو مفيد وقيم في خلال يوم من تاريخ الموضوع وعرض عليا انه يصورلي كتالوج عربيته ونتقابل علشان يدهولي بس انا اتكسفت منه واكتفيت بنسخة الكترونية
http://www.nilemotors.net/Nile/30485...post3874486175
وطبعا بشكر كل من قام بالرد في الموضوع

ومن حوالي اسبوعين كان اقرب صديق لي وعشرة عمري وصديق طفولتي ورفيق الكفاح (صديقي من ما يزيد عن ال18 سنة) ناوي يجيب عربية
واتفرج علي هيونداي اكسيل بردو بتاعة احد اصدقائنا - فبريكة برة وجوة وفاضية تماما الا التكييف هاتشباك - وكان معلي في سعرها جامد علشان فبريكة - بس مادخلتش زمتي بمليم حتي لو كانت بالتي هي ايه - مع كامل احترامي وتقدير لقسم هيونداي وجميع اعضاءه وجميع ملاك الهيونداي

وانا اكمني مكنتش مقتنع بيها - ارسلت رسالة خاصة للأستاذ محمد بستشيره في عربية سينا بتاعة احد زملائي في الشغل (غير طبعا زميلي الأول اللي بردو جاب سينا) وصديقي مايعرفش اي حاجة عن الموضوع دة.
طبعا كعادة الأستاذ محمد انه عرض عليا انه يجي معايا ويشوفها ويقدرها ويقولي الكلمة الأخيرة فيها
بس طبعا لأن زميلي مايعرفش عنها حاجة وانا مش هتصرف من نافوخي واصلا ماكنتش اعرف هيجيها ولا لاء فمارضيتش اتعب الأستاذ محمد وفي الأخر زميلي مايقتنعش بيها

ولظروف اعتذار صاحبنا بتاع الأكسيل صاحبي اتعكنن جدا وزعل منه وبدون مقدمات روحت متصل بزميلي في الشغل اللي عارض السينا للبيع وقولت لصاحبي انا هركبك عربية احسن من الأكسيل 100 مرة وان دي تدابير ربنا

اشترينا العربية من 3 ايام وكانت سيينا 2001 تكييف وباور و2 زجاج وسنتر

اتصلت اول امبارح بالأستاذ محمد عبدالجليل واتفقت معاه اني هقابله ونروح مركز .... علشان نعمل الصيانات وقالي انه معاه سير الكاتينة وبلية الشداد في عربيته
وبالفعل اتقابلنا امبارح وسعدت جدا جدا جدا بلقائه واتشرفت جدا بمعرفته - رجل هادئ مؤدب جدا وذوق جدا وجدع جدا جدا جدا وخدوم وفاهم اوي في السيينا
وبالفعل كان اتصل بالمركز وعرفهم اني رايحلهم وانتظروني علشان خاطره مخصوص رغم انهم قالولي في التليفون انهم مش فاضيين

عملنا تقرير كامل بالعربية وبعدها شرفنا الأستاذ محمد بالحضور ومعاه الحاجة في عربيته
شاف التقرير وكتب الأسعار بتاعة الطلبات وقطع الغيار
وطبعا ادالي سير الكاتينة وبلية الشداد الأصليين بثمن اقل من ربع ثمنهم ورفض انه ياخد ثمنهم الا بعد ما يركبوا ويطمن علي حالة العربية - بارك الله فيه وفي اولاده وفي صحته وماله

وكان المفروض نروح النهاردة علشان نركب السير والبلية بس صاحبي قالي نصبر للسبت علشان بالمرة يعمل شوية شغل في العفشة ويغير الزيت

أسف للأطالة والدخول في مواضيع جانبية
بس كنت حابب اوجه شكر للأستاذ محمد عبدالجليل في قسم فيات وتعريف الأعضاء بهذا الرجل وانا متأكد انه غني عن التعريف والكل يشهد له بحسن الخلق ومساعدة الأخرين

شكراً استاذ محمد عبدالجليل
وبارك الله لك

تقبل تحياتي وجزيل شكري

**SYD** · 13-12-2012 12:17 PM

المشاركة الأصلية كتبت بواسطة s o p h o s

ربنا يبارك فيك وفيه ويبارك للمشتري فالعربية
وان شاء الله ربنا يديم الود بنكم ..

ربنا يبارك فيك
وشكرا علي الرد

وعلي فكرة والله انا مش ناسي الموضوع اللي وعدتك بيه
بس تقرير كامل عن عربيتين ومقارنة بينهم هتاخد مني شوية وقت وللأسف الشديد انا مشغول جدا في شغلي وزاد عليا موضوع صاحبي وعربيته وخصوصاً اني لو فنيت عمري في خدمة صاحبي دة مش هوفيه حقه علي وفائه لي وحسن معاملته معي.

تحياتي

**mesaharaty** · 13-12-2012 12:24 PM

أخرج ابن أبي الدنيا عن خاتم النبيين صلى الله عليه وسلم قوله:

(إن لله عباداً اختصهم بقضاء حوائج الناس،حببهم إلى الخير،وحبب الخير إليهم،هم الآمنون من عذاب الله يوم القيامة)
أحسبك يا جلجل بك من هؤلاء إن شاء الله .
فشكرا على معاوناتك ومساعداتك القيمة وجزاك الله كل خير .

**Gelgel2004** · 13-12-2012 12:27 PM

السلام عليكم و رحمه الله و بركاته
الاول صباح الخير لجميع الزملاء بالمنتدى الغالى ..
ليه الحرج ده يا عمنا
ده الطبيعى من زملاء المنتدى الواحد و طبعا مجهودات الادارة كلها فى هذا الشأن لمساعده الزملاء كلهم و الحمد لله...
ارجوك يا باشا مافيش داعى للشكر ....
كلنا بنساعد بعض ...
و انا تحت امر الزملاء كلهم اى وقت ....

**Gelgel2004** · 13-12-2012 12:35 PM

المشاركة الأصلية كتبت بواسطة S O P H O S

ربنا يبارك فيك وفيه ويبارك للمشتري فالعربية
وان شاء الله ربنا يديم الود بنكم ..

الله يخليك </B>S O P H O S باشا

ربنا يسخرنا لخدمة الناس
دمت بود..

**SYD** · 13-12-2012 12:57 PM

المشاركة الأصلية كتبت بواسطة gelgel2004

السلام عليكم و رحمه الله و بركاته
الاول صباح الخير لجميع الزملاء بالمنتدى الغالى ..
ليه الحرج ده يا عمنا

ده الطبيعى من زملاء المنتدى الواحد و طبعا مجهودات الادارة كلها فى هذا الشأن لمساعده الزملاء كلهم و الحمد لله...
ارجوك يا باشا مافيش داعى للشكر ....
كلنا بنساعد بعض ...
و انا تحت امر الزملاء كلهم اى وقت .... :b4_007::b4_007:

يا استاذ محمد حضرتك تستحق اكتر من الشكر
يكفي انك جيت علينا من الشغل قبل ماتروح لبيتك وتغير هدومك وتتغدي وتستريح دة اولا
تكلم المركز وتسعر قطع الغيار وتديني قطع الغيار بتاعة عربيتك دة ثانيا
سرعة الرد علي التساؤلات والأمداد بالمعلومات القيمة دة ثالثا
واخشي اني اشكرك علي بعض الأشياء وانسي البعض فلم اوفيك حقك

تحياتي لشخصكم الكريم

الموضوع: شكراً استاذ محمد عبدالجليل Gelgel2004

LinkBack

أدوات الموضوع

عرض

شكراً استاذ محمد عبدالجليل Gelgel2004 - انشر الموضوع فى :

-

-

-

-

-

المواضيع المتشابهه

شكرا استاذ محمد رمضان

ارجو من استاذ محمد عز مساعده

طلب من استاذ محمد ممدوح

البقاء لله فى جدة استاذ محمد عوض

الكلمات الدلالية لهذا الموضوع

المفضلات

المفضلات

ضوابط المشاركة