عايز اعمل مشروع براس مال من 15 ل 20 الف لان فلوسي في البنك و بصراحه عايز اشغلها
و عايز يبقلى ليا دخل بعيد عن الدخل الخاص فكرت في حاجات كتير بس مليش خبره
عايز حاجه تكون شغاله
عرض للطباعة
عايز اعمل مشروع براس مال من 15 ل 20 الف لان فلوسي في البنك و بصراحه عايز اشغلها
و عايز يبقلى ليا دخل بعيد عن الدخل الخاص فكرت في حاجات كتير بس مليش خبره
عايز حاجه تكون شغاله
انا زيك بالضبط كنت بدور على مشروع فى الحدود دى وعندى محل 41 متر فى عين شمس بس معرفتش اعمل مشروع ايه وكمان عشان انا مش متفرغ اوى فعارضه للايجار
وده لينك الموضوع
http://www.nilemotors.net/Nile/324002-a.html
متابع
بص يا باشا احسن مشروع ينفع بالمبلغ دة لانة صغير ما ينفعش يوضب محل او يشترى بضاعة للعرض هو البيع بالقسط
يعنى الجيران او زملائك فى الشغل عايوين اجهزة زى الموبيلات اللى معروف ان الشعب المصرى مهووس بيها وتحط نسبة على سعر الكاش وهى 2.5 % فى الشهر وكل زبون حسب فترة التقسيط و اضمن حقك بايصالات امانة
انا عامل الموضوع والحمدلله شغال كويس جداا فحبيت افيدك علشان انا راس مالى برضة 16 الف جنية تقريبا بيلمو كل شهر 1600 قيمة الاقساط باجيب بيهم اجهزة تانية
ملحوظة هامة جدا مكسب المشروع دة سنوى او نصف سنوى بيديك تقريبا 30% سنويا
و اى استفسار تانى انا تحت امرك و ربنا يوفقك لو حبيت تعملة ود رقمى لاى استفسار 01119802080
طب بالنسبه للملابس يا جماعه حد عندو فكره
متابع
ممكن تجيب مكنه بتعمل اكياس بلاستيك ومش هتحتاج مكان كبير ولو المبلغ اللي معاك مش هيكفي جيبها مستعمله وتجيب واحد يشتغل عليها وتنزل انت يوم أجازتك تبيع شغل الاسبوع. أنا معملتش الموضوع ده قبل كده بس سمعت انه شغال كويس لأن الاكياس مطلوبه كل لحظه في أي نشاط مطاعم ومحلات ملابس وسوبر ماركت الخ الخ. ممكن تتخصص في حجم معين وتركز عليه وتحاول تسيطر عليه في منطقتك وتخلي كل أنشطه المنطقه تشتريه منك.
ثبت بالدليل القاطع ان انجح 3 مشاريع فى مصر ومن حيث دراسة الجدوى
هو
محل فول و طعمية
محل كشرى
محل صيانة موبيل
حد عنده فكره عن الملابس اللى ممكن الواحد يجيبها من تركيا انا لسه بدرس الموضوع ده