عرض للطباعة
ازيكم يا رجالة الهوندا ..
تحية طيبة و بعد .. ههههههههههههه
العربية ديه سعرها فيها و ولا غالية على الفاضي أنا سمعت إنها بـ 135 حاجة كده ..
إيه اخبارها و اخبار قطع غيارها و التوكيل ؟؟
أنا خايف ماتستحملش بصراحة :U_thin1[1]:
أنا كنت بقارن بينا و بين كذا عربية كده زي الانترا 2012 و لانسر شارك و كده يعني
أنا عارف انكم مش هتبخلوا علي بالنصيحة ..
تحياتي ..
كراي فقط العربية لو هتبقي ناجحة فكل شئ
مش هتبقي ناجحة فقطع الغيار زي السيفيك
راي الشارك تكسب (مجرد راي)
والله اعلم ..
انا رأيى لو مش هتجيب سيفك ..يبقى خليك فى الشارك
اقوللك انا بقى على حاجة احسن الياريس الجديدة تكسب من حيث الاوبشن و السعر و متخافشى انها 1300 اينعم بيقولوا انهم زودو الحصان و الله اعلم هل فعلا هايخرج 99 حصان حتى لو محصلشى انا شايفة زى الفل بص عليها كدة و بالزات الفئة الى قبل الاخيرة سعرها فى الجون و تحياتى ليك يا باشاا
ولله يا باشا ديه اكتر عربية عجباني ..اقتباس:
المشاركة الأصلية كتبت بواسطة optiplex
بس للاسف صغيرة اوييييييييييي
لو كان في منها سيدان و في وسع الصني الجديدة كانت هاتغطي علي الصني الجديدة و عربيات تانيةاقتباس:
المشاركة الأصلية كتبت بواسطة ahmazong
احمد باشا اية الاخبار حمد لله على السلامة
بالنسبة للسيتى 2012 انا هاقولك كل حاجة عنها بدون اى تحيز
1- الشكل : شكلها ممتاز وجميل جدا
2- الاداء : ماتورها ممتاز وتسارع ممتاز وناعم جدا وال vtec لما بيفتح العربية تتحول
3- العربية مش واسعة ومش ضيقة مظبوطة جدا وعائلية
4- الخامات : للاسف كلها بلاستيك ودة اللى مش عاجبنى فيها
5- الاوبشن كتيييييير جدا ومواصفات الامان اساسية ( 2 ايرباج - abs- ebd - immoblaizer ) دة غير الاوبشن العديد واماكن التخزين الكتيرة
6- الثبات لحد 160 ودة اخرك فى العربية انها تكون ثابتة فعلا , وبعد السرعة دية لازم تكون مركز كويس جدااااااا
7- استهلاك البنزين 250 كم داخل البلد
8- الارتفاع عن الارض العربية مش عالية اوى يعنى مع تحميل السيارة هتلاقيها بتحك فى المطبات بس مش اى مطبات
9- شنطة واسعة وتشيييييييييييل
10 - قطع غيار غالية جدا , واغلبيتها مش موجودة غير فى التوكيل
11- مش اى حد بيشتغل فيها
12 - اعطال قليلة والعربية فعلا اعتمادية
13- من نظرى كتير جدا عليها السعر 140 الف جنية , العربية دية اخرها للهاى لاين 125 الف جنية
احييك يا أستاذ سمسم على التقييم الحيادي ده :)
بصراحة فعلا تقيم حيادي زي ما اتعودنا
علي سمسم باشا ..
سمسم باشا .. كنت منتظر مشاركتك .. شكرا على السؤالاقتباس:
المشاركة الأصلية كتبت بواسطة semsem kane
تسلم ايدك على التقرير الحيادي ده ..
قطع غيارها اغلى من فلونس مثلا ؟؟؟
الفاضيه ب 132 والكامله ب 143 ,,,
بس بلاش منها لو لنفس الشخص الى كان بيقارن بين الالنسر والكارينز
انا جربتها سواقه من مدينه نصر للمعادى ...
اولا العربيه صوتها هادى جدا ..
العزل جبار ..
القاعده جوه حلوه مش ضيقه ...
التكيف بدون مبالغه فى الصيف و على 1 واحد وكنت بفرفر جواها من الساقعه ...
البور خفيف جدا ودى مشكلتى معاها ... انها عايزه واحد مركز مليار فى الميه على اى سرعه هوا ماشى عليها لان البور خفيف اوي اوى
سمسم باشا ردك شامل ولكن ليا بعض التعليقات
4- الخامات : للاسف كلها بلاستيك ودة اللى مش عاجبنى فيها
انا رأيي الشخصي ان الخامات فيها افضل من عربيات تانيه كتير والتابلوه صراحه تحسه فخم جدا. والبلاستيك فيها اقل من الالنترا الجديده مثلا مع اختلاف الفئه
6- الثبات لحد 160 ودة اخرك فى العربية انها تكون ثابتة فعلا , وبعد السرعة دية لازم تكون مركز كويس جدااااااا
ثبات السياره في رايي افضل من المتوسط . السرعه القصوى مقفوله الكترونيا عند 200 كيلو تقريبا وبتجيبهم بسهوله جدا. وانا سقتها على 200 وسقت الالنترا الجديده على 200 وشايف ان السيتي ثابته على الارض اكتر وفرامل افضل مليون مره.
7- استهلاك البنزين 250 كم داخل البلد
معدل استهلاك السياره للبنزين : المتوسط في سواقتي واللي معظمها شد من 7 الى 8 لتر لكل كيلو. لما بسوق بنفس الطريق السيريون ال 1300 سي سي المتوسط من 8 الى 9 لتر لكل 100 كيلو
9- شنطة واسعة وتشيييييييييييل
من اوسع شنط السيارات في مصر وراجع الموضوع ده
http://www.nilemotors.net/Nile/305608-a.html
انا شايف ان عيب السيتي ان قطع غيارها مش متوفره بره التوكيل بسهوله .. وعشان كده قليل لما تلاقي حاجه استيراد او فانوس صيني مثلااقتباس:
المشاركة الأصلية كتبت بواسطة ahmazong
لكن لو انت معتمد على التوكيل انا شايف ان اسعارها معقوله
مثلا:
تيل الفرامل امامي حوالي 500 وشويه مقابل 750 للالنترا 2012
طنابير امامي 650 مقابل 1250 للالنترا 2012
فانوس خلفي 950 مقابل 1200 تقريبا للالنترا 2012
زجاج باب خلفي ب 850 وده غالي شويه فعلا. مقابل 650 للالنترا . مش متاكد من سعر الالنترا اوي
طبعا ياباشا السيتى اوسع من شنطة السيفيك اصلا سواء 2010 او 2012اقتباس:
المشاركة الأصلية كتبت بواسطة eng_maged
ماجد باشا اخبارك اية بقالك فترة غايب لعل يكون المانع خير ان شاء الله وعايزين نشوفك ان شاء الله فى المقابلة القادمة
تسلم ياباشا على المقارنة السريعة دية وممكن كمان تديلة تقرير حلو كدة عن السيارة , يعنى اوجة العيوب اللى انت شايفها , و اكثر المميزات اللى انت مش شايفها فى منافسيهااقتباس:
المشاركة الأصلية كتبت بواسطة eng_maged
وكمان اية الحاجات اللى بتتغير فيها بعد وقت قصير
تقرير حلو كدة عن العربية
هو انا هاقولك تكتب اية فى التقارير ( انت ابو التقارير الجامدة كلها ياباشا والمفيدة )
ونشوفك على خير بإذن الله
سمسم باشا والله ليك وحشه. بس ظروف شغلي ساعات بتخطفني كده. اعذرني بقه
وفي فعلا تقرير اتعمل قبل كده من نجم السيتي الدكتور الكبير احمد الفيومي
http://www.nilemotors.net/Nile/29429...ty-2010-a.html
وانا كده عملت تغطية عن وصول السيتي 2012
http://www.nilemotors.net/Nile/299708-2012.html
بحكم انى معايا سيتى من 2006 و عامل بيها 75 الف اقولك انها من احسن العربيات اعتمادية و موفرة فى البنزين
العربية معملتش ليها غير الصيانات الدورية و تيل فرامل و طنابير و هقولك كده قايمة بالأسعار وع العلم ان تيل فراملها و طنابيرها هى هى بتاعت الجديدة:
1- تيل فرامل عندك من اول 120 لحد الأصلى 550
2- قاعدة فتيس و جايبها من الحرفيين اصلى من عند مجدى 350
3- طنابير أصلى من التوكيل ب 1400
مع العلم ان بحب اجرى بيها كتير و اخرها امبارح كنت بجرى مع صنى و سيراتو و الحمد لله مثبت مع السيراتو وطلعت من الصنى ...
و للعلم لو الزمن رجع تانى و كنت فى نفس الحيرة ما بين لآنسر بومة و النترا و جين 2 و سيتى
كنت هشترى هوندا لو نزلت توك توك
ياريت يا جماعة أسعار هوندا سيتى اللوقتى كام؟؟
في حد اعرفه لسه شاري الهاي لاين من حوالي 3 اسابيع من التوكيل ب 144 بدل 142. وكانوا بيقولوا في التوكيل انهم هيغلوها تاني وهتبقى 148 .. والله اعلم
نجم السيتي الدكتور الكبير؟؟؟؟؟؟؟؟اقتباس:
المشاركة الأصلية كتبت بواسطة eng_maged
والله احرجتني بزوقك يابشمهندس
العفو يا بشمهندس مش عارف اقولك ايه والله
يا جماعة تقارير البشمهندس عن السيتي هي اللي خلتني اشتري السيتي اصﻻ.
واحشني والله وعذرا عن انقطاعي الفترة اللي فاتت.
ان شاء الله قريبا حعمل تقرير عن الستي بعد 25 الف كيوا
يدينا ويديكم طولة العمر
واحشني ياباشا والله