انا عربيتى اوبل فكترا بى 1600 موديل 1998 بلاحظ بقالها شهرين كده سحبها زاد فى البنزين يعنى كانت بتعمل الاول جوه البلد فى اللتر 9 كيلو و 10 فى السفر دلوقتى وصلت ل 8 كيلو فى اللتر مفيس حاجه انظيفها او اظبطها عشان اقلل استهلاك البنزين
عرض للطباعة
انا عربيتى اوبل فكترا بى 1600 موديل 1998 بلاحظ بقالها شهرين كده سحبها زاد فى البنزين يعنى كانت بتعمل الاول جوه البلد فى اللتر 9 كيلو و 10 فى السفر دلوقتى وصلت ل 8 كيلو فى اللتر مفيس حاجه انظيفها او اظبطها عشان اقلل استهلاك البنزين
مبدأيا كده ممكن تغير بوجيهات و فلتر هوا وفلتر بنزين.
بالضبط يعني الصيانه الدوريه هي اهم حاجه للحفاظ على مستوى العربيه من اداءو استهلاك بنزين
للاسف ناس كتير مبتعملش اي حاجه في العربيه
وبعد كده يشتكي مبتجريش بتبرجل بتسحب بنزين
كل ده ممكن تبقى اسبابه بسيطه جدا بشرطالاهتمام باليانه الدوريه
عندك فلتر هوا مهم جدا وبوجيهات
وبعد كده الكشف على الرشاشات اذا كانت بتسييل ولا حاجه وممكن من خلال الجهاز يتكشف على الرشاشات برضو
والمقارنه مابين اسلوب القياده قبل الزياده وبعد وفي زحمه او ظرق عاديه
وعموما سب اخر زيوت ال 10 الف خفيفه ف بتخلي استهلاك البنزين كويس على عكس زيوت ال 5 الف بتبقى مخليه استهلاك البنزين كتير شويه عشان لزوجه عاليه ونصيحه برضو في الشتا تستخدم زيت ال 10 الف عشان بيسخن بسرعه بيخلي العربيه تسخن بسرعه وفي الصبح بيقلل من الاحتاك الداخلي للاجزاء المتحركه للمتور
راجع الشكمان لو مسدود هتاكل بنزين او ممكن رشاش البنزين او حجات كتير اووووووووووى
-اهم حاجه في منظومه توفير الاستهلاك
حاله الرشاشات والبوجيهات وفلتر البنزين
اعمل صياناتك فلتر بنزين وهوا وبوجيهات نوع كويس وجرب واتأكد من ضغط الاطارات وفول مع منظف رشاشات
بالاضافة للزملاء قالوه شوف برده حساس الكولنت
انا امبارح روحت غيرت فلتر البنزين وفعلا كان منزل بنزين اسود خالص والراجل الى غيرلى قالى ده كان بقاله كتير متغيرش وهو فعلا بقاله سنه ونصف منغيرش بس لسه هجرب واقولكم بس كنت عاوز اسالك هو المفروض الكوتش يتنفخ على كام يعنى 30 ولا 31 نيتروجين ؟؟؟
يا جماعه انا امبارح سفرت بالعربيه الاسماعليه وفولتها قبل السفر عشان اعرف معدلها المهم لقتها عملت 228 كيلو فى 28 لتر يعنى حوالى 8.5 كيلو كل لتر وده معدل وحش جدا جدا لانها كانت بتعمل 10 كيلو فى اللتر بس انا مش عارف اعمل ايه انا افتكرت حاجه كده كان فيه زى ورده كده فى العمه الى فوق الموتور كنت غيرتها قبل كده من سنه هى ده ممكن تكون السبب ولا ايه بالبظبط والكاوتش كان منفوخ على 28 واما رجعت نفخته 32 عشان ده الطبيعى بتعها ارجوكم حد يقولى اعمل ايه فى حوت البنزين ده
إطمن على الرشاش ... حد كويس يكشف عليه.